Monthly Archives: December 2020

வாழிதிருநாமங்கள் – பெரிய நம்பி மற்றும் எம்பெருமானார் – எளிய விளக்கவுரை

Published by:

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

ஆழ்வார் ஆசார்யர்கள் வாழிதிருநாமங்கள் – எளிய விளக்கவுரை

<< மணக்கால் நம்பி மற்றும் ஆளவந்தார்

பெரிய நம்பி வைபவம்

பெரிய நம்பிக்கு மஹா பூர்ணர் மற்றும் பராங்குச தாசர் என்றும் திருநாமம்.  இவர் திருவரங்கத்தில் வசித்து வந்தார்.  இவர் தொண்டரடிப்பொடி ஆழ்வார் அவதரித்த மார்கழி கேட்டை நக்ஷத்திரத்தில் அவதரித்தார்.  ஆளவந்தாரின் சிஷ்யர்கள் பெரிய நம்பி, திருக்கோஷ்டியூர் நம்பி, பெரிய திருமலை நம்பி, திருமாலை ஆண்டான், ஆழ்வார் திருவரங்கப் பெருமாள் அரையர், திருக்கச்சி நம்பி, மாறனேரி நம்பி ஆகியோர் ஆவர். இவர்களுள் பெரிய நம்பி மிகவும் முக்கியமான சிஷ்யர் ஆவார்.  இளையாழ்வாராக இருந்த ராமானுஜரை ஆளவந்தாரின் சிஷ்யராக உருவாக்க வேண்டும் என்ற அவாவுடன் ராமானுஜரை திருவரங்கம் அழைத்து வரும் சமயத்தில் ஆளவந்தார் திருநாடு எய்தி விட, இளையாழ்வார் மீண்டும் காஞ்சீபுரத்திற்கே சென்று விடுகிறார்,  ஆளவந்தார் திருநாடு எய்திய பிறகு திருவரங்கத்தில் உள்ள ஸ்ரீவைஷ்ணவர்களின் வேண்டுதலுக்கிணங்கி இவர் காஞ்சீபுரம் சென்று இளையாழ்வாருக்கு பஞ்ச சம்ஸ்காரம் செய்து வைக்கிறார்.  எனவே பெரிய நம்பி இளையாழ்வாரின் ஆசார்யராகக் கருதப்படுகிறார்.

இளையாழ்வார் காஞ்சீபுரத்திலிருந்து புறப்பட்டு வர பெரிய நம்பியும் திருவரங்கத்திலிருந்து புறப்பட்டு வர இருவரும் மதுராந்தகத்தில் சந்திக்கின்றனர்.  இளையாழ்வார் பெரிய நம்பியிடம் தேவப் பெருமாள் அருளிய படி தேவரீரே எமக்குப் பஞ்ச சம்ஸ்காரம் செய்விக்க வேண்டும் என்று ப்ரார்த்தித்தார்.  பெரிய நம்பியும் இசைந்து மதுராந்தகத்தில் பஞ்ச சம்ஸ்காரம் செய்வித்து, திருமந்த்ரம், த்வயம், சரம ஶ்லோகம் அனைத்தையும் உபதேசம் செய்கிறார்.  பிற்காலத்தில் திருமந்த்ரம், சரம ஶ்லோகம் போன்றவற்றிற்கு விரிவான விளக்கம் கேட்டுக்கொள்ளும்படி ராமானுஜரை பெரிய நம்பியே திருக்கோஷ்டியூர் நம்பியிடம் அனுப்பி வைக்கிறார்.  ராமானுஜர் மீது மிக்க மதிப்புக் கொண்டவர்.  ஒருமுறை திருவரங்கத்தில் ராமானுஜர் தமது கோஷ்டியுடன் வீதியில் வந்து கொண்டிருக்கும் போது பெரிய நம்பி உடனே தெண்டம் சமர்ப்பிக்கிறார்.  இவர் ஆசார்யன், ராமானுஜர் சிஷ்யன் ஸ்தானத்தில் இருந்த போதும் ராமானுஜரை ஆளவந்தாராகவே பார்த்தனால் பெரிய நம்பி ராமாநுஜரை விழுந்து சேவிக்கிறார்.   அந்த அளவிற்கு ராமாநுஜரின் மேல் பக்தி கொண்டிருந்தார்.  இவரது குமாரத்தி அத்துழாய். இவரும் ராமானுஜரிடம் மிகுந்த பக்தி கொண்டிருந்தார்.  இவர் திருப்பதிக் கோவை என்ற க்ரந்தத்தை அருளிச் செய்துள்ளார்.

பெரிய நம்பி வாழி திருநாமம்

அம்புவியில் பதின்மர்கலை ஆய்ந்துரைப்போன் வாழியே
ஆளவந்தார் தாளிணையை அடைந்துய்ந்தோன் வாழியே
உம்பர் தொழும் அரங்கேசர்க்கு உகப்புடையோன் வாழியே
ஓங்கு தனுக் கேட்டைதனில் உதித்த பிரான் வாழியே
வம்பவிழ்தார் வரதருரை வாழி செய்தான் வாழியே
மாறனேர் நம்பிக்கு வாழ்வளித்தான் வாழியே
எம்பெருமானார் முனிவர்க்கு இதமுரைத்தான் வாழியே
எழில் பெரிய நம்பி சரண் இனிதூழி வாழியே

அம்புவியில் பதின்மர்கலை ஆய்ந்துரைப்போன் வாழியே – அழகானதான இந்தப் பூவுலகில் பத்து ஆழ்வார்களின் ப்ரபந்தங்களை ஆராய்ந்து அதன் உட்கருத்துகளை எடுத்து உரைக்கும் வல்லமை பெற்றவர்.     ஆளவந்தாரிடம் நன்முறையில் ஆழ்வார்களின் ப்ரபந்தங்களைப் பற்றிக் கேட்டறிந்து அவற்றை இவ்வுலகத்தாருக்கு அறிவிக்கும் தன்மை படைத்த பெரிய நம்பி பல்லாண்டு வாழ வேண்டும்.

ஆளவந்தார் தாளிணையை அடைந்துய்ந்தோன் வாழியே –  மணக்கால் நம்பி ஆளவந்தாரை திருவரங்கத்திற்கு அழைத்து வந்து பெரிய பெருமாளைக் காட்டிக் கொடுக்க, ராஜ்யத்தைத் துறந்து சந்நியாசம் ஏற்று சிறந்த ஆசார்யனாக இருந்தவர்.  அவருடைய இரு திருவடிகளையும் அடைந்து உஜ்ஜீவனம் அடைந்த பெரிய நம்பி வாழ்க.

உம்பர் தொழும் அரங்கேசர்க்கு உகப்புடையோன் வாழியே – உம்பர் என்பவர்கள் மேலுலகத்தில் உள்ள நித்யஸுரிகள், முக்தர்கள் அனைவரும் தொழக்கூடிய திருவரங்கத்தில் உறையும் ஸ்ரீரங்கநாதருக்கு (பெரிய பெருமாள்) ஆனந்தத்தைக் கொடுக்கக் கூடியவராக பெரிய நம்பி இருந்திருக்கிறார்.   அக்காலத்தில் சில மாந்திரீகர்கள் பெரிய பெருமாளை அகற்ற முயற்சி செய்தனர்.  அப்போது ராமானுஜர் திகைத்து நிற்க, பெரிய நம்பி “நான் திருவரங்கத்தின் சப்த ப்ரஹாரத்தை ப்ரதக்ஷிணம் செய்து பெரிய பெருமாளுக்கு ஒரு ஆபத்தும் வாரா வண்ணம் ரக்ஷை அளிக்கிறேன்.  என்னுடன் அகங்கார, மமகாரங்கள் அற்ற ஒரு  சிறந்த ஸ்ரீவைஷ்ணவரும் வேண்டும்” என்று கூற,  ராமானுஜர் கூரத்தாழ்வாரை அனுப்பி வைத்தார்.    அவ்வாறு பெரிய பெருமாளுக்கு ஆபத்து காலங்களில் ரக்ஷையாக இருந்து அவருக்கு ஆனந்தத்தைக் கொடுத்தவர் பெரிய நம்பி.  அவர் பல்லாண்டு காலம் வாழ வேண்டும்.

ஓங்கு தனுக் கேட்டைதனில் உதித்த பிரான் வாழியே – சிறப்புப் பெற்ற மார்கழி மாதத்தில் கேட்டை நக்ஷத்ரத்தில் அவதரித்த பிரான் (உபகாரகன்) பெரியநம்பி.  அவர் நமக்குச் செய்த உபகாரமானது, மேன்மை மிகுந்த ராமானுஜரை ஸ்ரீவைஷ்ணவ சம்பிரதாயத்திற்கு அளித்தவர்.  மேலும் கிருமிகண்ட சோழன் மூலம் ராமானுஜருக்கு ஆபத்து ஏற்பட்ட காலத்தில் கூரத்தாழ்வானும், பெரிய நம்பியும், அவரது குமாரத்தியுமான அத்துழாயும் சோழ ராஜாவின் அவைக்குச் சென்றனர்.  கூரத்தாழ்வான் ராமானுஜர் போன்று வேடம் பூண்டு வர, பெரிய நம்பி ஆசார்யன் ஸ்தானத்தில் அவருடன் சென்றார்.  கூரத்தாழ்வான் சோழ அரசவையில் ஸ்ரீமந்நாராயணனே பரதெய்வம் என்று பரத்தத்துவ நிர்ணயம் செய்ததனால் சோழ அரசருக்குக் கோபம் ஏற்பட்டு இருவருடைய கண்களையும் பிடுங்க ஆணையிட்டான்.  அவ்வாறு தன் கண்களை இழந்து, திருவரங்கம் திரும்பும் வழியில் வயோதிகம் காரணமாக திருநாடு எய்தி ஆளவந்தார் திருவடிகளை அடைந்தார் என்று அறிகிறோம்.  அவ்வாறு பெருந்தியாகங்கள் செய்த நமக்கு ஜகதாசார்யன் எனும் ராமானுஜரை அளித்த உபகாரகரான பெரிய நம்பி பல்லாண்டு வாழ்க.

வம்பவிழ்தார் வரதருரை வாழி செய்தான் வாழியே – தேன் வழிந்து கொண்டிருக்கக்கூடிய சிறந்த மாலைகளை அணிந்து கொண்டிருக்கும் காஞ்சீபுரம் வரதாராஜப் பெருமாள் ஆறு வார்த்தைகளை திருக்கச்சி நம்பிகளுக்கு அருளினார்.  அவற்றில் கடைசி வார்த்தையானது பூர்ணரை ஆசார்யனாகப் பற்று என்பதாகும். ராமநுஜருக்காக தேவப்பெருமாள் இந்த ஆறு வாரத்தைகளை அருளிச் செய்தார்.    தேவப்பெருமாள் கூற்றுப்படியே எம்பெருமானாருக்கு பஞ்ச சம்ஸ்காரம் செய்வித்து உபதேசங்கள் செய்து அவரை சிறந்த ஆசார்யராக உருவாக்கிய பெரிய நம்பி வாழ்க.

மாறனேர் நம்பிக்கு வாழ்வளித்தான் வாழியே – மிகச்சிறந்த ஸ்ரீவைஷ்ணவரும், ஆளவந்தாரின் சிஷ்யருமான மாறனேர் நம்பி தாழ்ந்த குலத்தில் பிறந்தவர்.  ஆனால் ஸ்ரீவைஷ்ணவ சம்பிரதாயத்தில் ஈடுபாடு கொண்டு திருவரங்கத்தின் கோயில் மதிள்களில் வாழ்ந்து எம்பெருமானுக்கு கைங்கர்யம் செய்து வந்தவர்.    இவர் உயிர் பிரிந்த பின்பு தனது உடலுக்கு உறவினர்கள் அந்திம காரியம் செய்யக்கூடாது ஸ்ரீவைஷ்ணவர்களின் வழக்கப்படி சம்ஸ்காரம் நடக்க வேண்டும் என்று விரும்பினார். “தேவர்க்கு புரோடாசமானவற்றை நாய்க்கு இடுமா போலே” என்று கூறுவர்.  அதாவது தேவர்களுக்கு செய்து வைத்திருக்கும் அவிசு முதலானவற்றை நாய் வந்து உண்டு விட்டால் ஏற்றுக் கொள்ள இயலாது.  அது போன்று இவ்வுடலானது எம்பெருமானுக்குச் சொந்தமானது அதை ஸ்ரீவைஷ்ணவர்கள் சம்பிரதாயப்படி சம்ஸ்காரம் செய்யவேண்டும் என்று விரும்பிய மாறனேர் நம்பி ஆளவந்தாரின் மற்றொரு சிஷ்யரான பெரிய நம்பியிடம் தன் விருப்பத்தைத் தெரிவித்தார்.  பெரிய நம்பியும் அதற்கு இசைந்து மாறனேர் நம்பி திருநாடு எய்தியபின் பெரிய நம்பியே சரம கைங்கர்யங்களை மாறனேர் நம்பிக்கு செய்தார் என்பதை அறிகிறோம்.

இந்த விஷயம் திருவரங்கத்தில் இருப்பவர்களுக்குத் தெரியவந்து ப்ராஹ்மணரல்லாத மாறனேர் நம்பிக்கு பெரிய நம்பி சம்ஸ்காரம் செய்ததை ஒரு குற்றமாக ராமானுஜர் முன்பு வைத்தனர்.  அதைக் கேட்ட ராமானுஜர் இதில் தவறு ஒன்றுமில்லை என்றாலும் பெரிய நம்பியின் திருவாக்காலேயே இதற்கு பதில் வர வேண்டும் என்ற எண்ணத்தில் பெரிய நம்பியை விசாரிக்க பெரிய நம்பியும் “ராமபிரான் ஜடாயுவிற்கு சம்ஸ்காரம் செய்தார் தருமபுத்திரன் விதுரருக்கு சம்ஸ்காரம் செய்தார்.  அதைப்போன்று நானும் உயர்ந்த ஸ்ரீவைஷ்ணவரான மாறனேர் நம்பிக்குச் செய்தேன்.    ஆழ்வார்கள் வாக்குகள் கடலோசையாகக் கருத முடியாது.  ஆழ்வார்கள் அடியார்களுக்கு ஆட்படுவதையே தமது பாசுரங்களில் வலியுறுத்தியுள்ளனர்” என்று கூறினார்.  அதைக் கேட்ட எம்பெருமானார் உகப்புடன் பெரிய நம்பியை வணங்கினார்.  அவ்வாறு மாறனேர் நம்பியின் விருப்பத்தை நிறைவேற்றி வாழ்வளித்த பெரிய நம்பி பல்லாண்டு வாழ வேண்டும்.

எம்பெருமானார் முனிவர்க்கு இதமுரைத்தான் வாழியே – இராமானுஜன் என்னும் முனிவர்க்கு சிறந்த உபதேசங்களை ஆசார்யன் ஸ்தானத்தில் இருந்து உரைத்த பெரிய நம்பி பல்லாண்டு வாழ்க,

எழில் பெரிய நம்பி சரண் இனிதூழி வாழியே – அழகு பொருந்திய பெரிய நம்பி திருவடிகள் இவ்வுலகு உள்ள வரையிலும் பல்லாண்டு வாழ வேண்டும் என்று பெரிய நம்பி வாழி திருநாமம் முற்றுப் பெறுகிறது.

எம்பெருமானார் வைபவம்

ஸ்ரீராமானுஜர் ஆதிசேஷனுடைய அவதாரம்.  ஜகதாசார்யன் என்று அறியப்படுகிறார்.  ஸ்ரீவைஷ்ணவ சம்பிரதாயத்திற்கு நடுநாயகமாக இருக்கக் கூடியவர். ஸ்ரீவைஷ்ணவ சம்பிரதாயம் ஆல வ்ருக்ஷமாக வளரச் செய்தவர்.  நம்மாழ்வார் ப்ரபந்ந ஜந கூடஸ்தர் என்று அறிவோம்.  அவர் வளர்த்த சம்பிரதாயத்தை பெரிய அளவில் வளரச் செய்தவர்.  எம்பெருமானாருக்கு தனிச் சிறப்புகள் உண்டு.  அவர் அவதாரம் செய்வதற்கு முன்பாகவே அவருடைய திருமேனி நம்மாழ்வாரால் காட்டிக் கொடுக்கப்பட்டது.  எழுபத்து நான்கு சிம்ஹாசனாதிபதிகளைக் கொண்டு ஸ்ரீவைஷ்ணவ சம்பிரதாயமானது பரவ வேண்டும் என்று பாடுபட்டவர்.    “ஆசையுடையோர்க்கெல்லாம் ஆரியர்காள் கூறுமென்று பேசி வரம்பறுத்தார் பின்” என்று மணவாள மாமுனிகள் உபதேச ரத்தினமாலையில் அருளிச் செய்த வண்ணம் எம்பெருமானை அடைய விரும்புபவர்கள் அனைவர்க்கும் இந்த உபதேசங்கள் சென்று சேர வேண்டும் என்று விரும்பினார்.  அனைத்தது ஆத்மாக்களும் எம்பெருமானை அடைவதற்கு உரிமை பெற்றது.  அவைகளுடைய உரிமையை நாம் கொடுக்க வேண்டும் என்று கருணையுடன் “காரேய் கருணை இராமாநுசா” என்றபடி ஸ்ரீவைஷ்ணவ சம்பிரதாயம் வளர்வதற்கான அனைத்து முயற்சிகளையும் மேற்கொண்டவர்.   அனைத்து திவ்ய தேசங்களையும் சீர் திருத்தி ஆங்காங்கே எம்பெருமானுக்கு அனைத்து கைங்கர்யங்களும் (திருவாதாரனம், தளிகை, பாசுரங்கள் சேவிப்பது, உத்ஸவங்கள் முதலியவை) சிறப்பாக நடக்கும்படிச் செய்தவர்.   இந்த உலகில் உள்ள அனைத்து திவ்யதேசங்களிலும் அனைத்து கைங்கர்யங்களும் குறைவற நடக்கும்படி ஏற்பாடு செய்தவர்.  இன்றளவும் எம்பெருமானர் வளர்த்த சம்பிரதாயம் பாரத தேசம் முழுவதும் பரந்து, விரிந்து, வளர்ந்து இருக்கிறது.

இவர் ஸ்ரீபெரும்பூதூரில் அவதரித்தவர்.  சித்திரை மாதம் திருவாதிரை நக்ஷத்ரத்தில் அவதரித்தவர்.  நவரத்நங்களைப் போன்று ஒன்பது க்ரந்தங்களை அருளிச் செய்தள்ளார்.  அவையாவன ஸ்ரீபாஷ்யம், கீதாபாஷ்யம், வேதார்த்த சங்க்ரஹம், வேதாந்த தீபம், வேதாந்த சாரம், சரணாகதி கத்யம், ஸ்ரீரங்க கத்யம், ஸ்ரீவைகுண்ட கத்யம் மற்றும் நித்ய க்ரந்தம் (திருவாராதன க்ரமம்) ஆகும்.  இவை அனைத்தும் சம்ஸ்க்ருத க்ரந்தங்களாகும். தமிழில் எம்பெருமானார் எந்த க்ரந்தமும் அருளிச் செய்யவில்லை. வேதாந்தத்தின் கருத்துக்களை ஸ்ரீபாஷ்யத்திலும், வேதார்த்த சங்க்ரஹத்திலும், வேதாந்த தீபம் மற்றும் வேதாந்த சாரத்திலும் எடுத்துரைத்துள்ளார்.  கீதா பாஷ்யத்தில் பகவத்கீதைக்கு சிறப்பான வ்யாக்யானம் அருளியுள்ளார்.  கத்யத்ரயம் மூலமாக சம்பிரதாயத்தின் மிக முக்கியக் கருத்தான சரணாகதியை நிலை நாட்டியுள்ளார்.  நித்ய க்ரந்தம் மூலமாக திருவாராதனம் செய்யும் முறையை எடுத்துக் காட்டியுள்ளார்.  திருவாய்மொழிக்கு வ்யாக்யானம் எழுதும் முறையை தொடங்கி வைத்தவர்.  இவ்வாறு பல சிறப்புகளைக் கொண்டவர்.

எம்பெருமானார் வாழி திருநாமம்

அத்திகிரி அருளாளர் அடிபணிந்தோன் வாழியே
அருட்கச்சி நம்பியுரை ஆறுபெற்றோன் வாழியே
பத்தியுடன் பாடியத்தைப் பகர்ந்திட்டான் வாழியே
பதின்மர்கலை உட்பொருளைப் பரிந்துகற்றான் வாழியே
சுத்தமகிழ் மாறனடி தொழுதுய்ந்தோன் வாழியே
தொல் பெரிய நம்பி சரண் தோன்றினான் வாழியே
சித்திரையில் ஆதிரை நாள் சிறக்க வந்தோன் வாழியே
சீர் பெரும்பூதூர் முனிவன் திருவடிகள் வாழியே

எம்பெருமானார் வாழி திருநாமம் விளக்கவுரை

அத்திகிரி அருளாளர் அடிபணிந்தோன் வாழியே – இளையாழ்வாராக ஸ்ரீராமானுஜர் இருந்த காலத்திலேயே திருக்கச்சி நம்பிகளின் உபதேசங்களைக் கேட்டுக் கொண்டு தேவப் பெருமாளுக்கு கைங்கர்யம் செய்து வந்தார்.    தேவப் பெருமாளின் முன்புதான் ஸ்ரீராமானுஜர் சந்நியாசம் மேற்கொண்டார்.  பேரருளாளப் பெருமாள் தான் எதிராசர் (எதிகளுக்குத் தலைவன்) என்ற பெயரையும் ஸ்ரீராமானுஜருக்குச் சூட்டியவர். அத்திகிரி (ஹஸ்திகிரி எனப்படும் காஞ்சீபுரம்) பேரருளாள எம்பெருமானின் திருவடிகளைப் பணிந்த எம்பெருமானார் வாழ்க.

அருட்கச்சி நம்பியுரை ஆறுபெற்றோன் வாழியே –  ஸ்ரீராமானுஜருக்கு சில சந்தேகங்கள் ஏற்பட்டன.  திருக்கச்சி நம்பிகளிடம் தேவப் பெருமாளிடம் விடை பெற்று வருமாறு வேண்டினார்.  திருக்கச்சி நம்பிகள் அவை என்ன சந்தேகங்கள் என்று கேட்காமல் தேவப் பெருமாளிடம் சென்று இளையாழ்வாருக்கு ஆறு சந்தேகங்கள் உள்ளன என்று கூற தேவப்பெருமாளும் அவை என்ன சந்தேகங்கள் என்று கேட்காமல் ஆறு வார்த்தைகளை அருளிச் செய்கிறார்.  “அஹமேவ பரம் தத்துவம்”, நான் தான் உலகில் பரம்பொருள், நமக்கு மேலாகவோ சமமாகவோ வேறு தெய்வம் கிடையாது என்பதை முதல் வார்த்தையாகக் கூறினார்.   இரண்டவதாக பரமாத்மா வேறு, ஜீவாத்மா வேறு என்பதைக் குறிக்கும் வகையில் “பேதமே சம்பிரதாயம் “ என்று கூறினார். மூன்றாவதாக ப்ரபத்தி (சரணாகதி) தான் உபாயம் என்பதை ஜீவாத்மா பரமாத்மாவை அடையும் வழியாக அருளிச் செய்தார்.  நான்காவதாக சரணாகதி செய்தவனுக்கு சரீரம் கீழே விழும்போது முக்தி கிடைத்துவிடும் என்று கூறினார். ஐந்தாவதாக சரீரம் கீழே விழும்போது சரணாகதி செய்தவனால் என்னை நினைக்க முடியவில்லை என்றால் அதைப் பற்றி ஒன்றும் குறைவில்லை.  நான் அவனை எப்போதும் நினைப்பதால் அவனைக் கைக் கொள்வேன் என்று ஐந்தாவது வார்த்தையாகக் கூறினார்.  ஆறாவது வார்த்தை எம்பெருமானாருக்கு நேராக ஒரு உபதேசமாக அமைந்தது.  பூர்ணாசார்யர் எனப்படும் பெரிய நம்பியை அடைந்து ஆச்ரயிக்கவும் என்று ஆறாவது வார்த்தையாக தேவப்பெருமாள் இளையாழ்வாருக்குப் பணித்தார்.  இவ்வாறு தேவப்பெருமாள் திருக்கச்சி நம்பிகள் மூலமாக ஸ்ரீஇராமானுஜருக்கு ஆறு வார்த்தைகளை அருளிச் செய்தார். திருக்கச்சி நம்பிகள் மூலமாக ஆறு வார்த்தைகளைப் பெற்ற இளையாழ்வார் பல்லாண்டு வாழ்க என்று இவ்வரியில் காட்டப்பெறுகிறது.

பத்தியுடன் பாடியத்தைப் பகர்ந்திட்டான் வாழியே – பாடியம் என்பது ஸ்ரீபாஷ்யம் என்பதன் தமிழாக்கம்.  மிகுந்த பக்தியுடன் ஸ்ரீபாஷ்யத்தை இயற்றினார் ஸ்ரீராமானுஜர்.  இந்த க்ரந்தத்தை எழுதுவதற்காக கூரத்தாழ்வனை அழைத்துக் கொண்டு போதாயன வ்ருத்தி க்ரந்தத்தைப் பெறுவதற்காக காஷ்மீர தேசத்தில் உள்ள ஸ்ரீசாரதா பீடம் சென்றார்.  அந்தக் க்ரந்தத்தைப் பெற்று வரும் வழியில் அங்கு இருந்தவர்களால் க்ரந்தம் பறிக்கப் பெற்றது.   ஆனால் கூரத்தாழ்வான் மனதில் அந்தக் க்ரந்தத்தை க்ரஹித்து வைத்திருந்தமையால். திருவரங்கம் அடைந்தவுடன்  கூரத்தாழ்வானைக் கொண்டு ஸ்ரீபாஷ்யத்தை ராமானுஜர் அருளிச் செய்தார்.    வேதாந்தத்தில் எம்பெருமானை அடைவதற்கு  முக்கியமான உபாயமாகக் கூறப்பட்ட பக்தி யோகமத்தை மையக் கருத்தாகக் கொண்டு ஸ்ரீபாஷ்யத்தை அருளிச் செய்தார்.  பிற்காலத்தில் சரணாகதி கத்யத்தில் எம்பெருமானை அடைவதற்கு எம்பெருமான் திருவடிகளில் சரணாகதி அடைவது தான் ஸ்ரீவைஷ்ணவ சம்பிரதாயத்தில் சிறந்த வழி என்று எடுத்துக் காட்டியுள்ளார்.    வேதாந்திகளுக்காக சொல்லும்போது பக்தியோகம் எம்பெருமானை அடையச் சிறந்த வழி என்று கூறியுள்ளார்.  அவ்வாறு மேன்மை பெற்ற எம்பெருமானார் வாழ்க.

பதின்மர்கலை உட்பொருளைப் பரிந்துகற்றான் வாழியே – பத்து ஆழ்வார்களின் ப்ரபந்தங்களை பெரிய நம்பி மற்றும் திருக்கோஷ்டியூர் நம்பியும் பணித்தபடி திருவரங்கத்தில் திருமாலை ஆண்டானிடம் கற்றுத் தேர்ந்தார்.  அவ்வாறு ஆழ்வார் பாசுரங்களின் உட்கருத்துக்களையும் ஈடுபாட்டுடன் கற்றுத் தேர்ந்த எம்பெருமானார் வாழ்க.

சுத்தமகிழ் மாறனடி தொழுதுய்ந்தோன் வாழியே – மகிழ் மாறன் என்றால் நம்மாழ்வார்.  எம்பெருமானே உபாயம் மற்றும் உபேயம் என்று வேறு ஒன்றிலும் கருத்தைச் செலுத்தாமல் மனது சுத்தத்துடன் இருந்த நம்மாழ்வாரின் திருவடிகளைத் தொழுது உஜ்ஜீவனம் அடைந்த எம்பெருமானார் வாழ்க.  “பூமன்னு மாது பொருந்திய மார்பன் புகழ் மலிந்த பாமன்னு மாறன் அடிபணிந்து உய்ந்தவன்” என்ற இராமாநுச நூற்றந்தாதி பாசுரத்தின் படி மாறன் அடி பணிந்து உய்ந்த எம்பெருமானார் வாழ்க.  அதனால்தான் இன்றளவும் ஆழ்வார் திருநகரியில் நம்மாழ்வார் திருவடி நிலைகள் ஸ்ரீராமானுஜம் என்று அழைக்கப்படுகிறது.  ஏனென்றால் ராமானுஜர் ஆழ்வார் திருநகரியில் நம்மாழ்வாருக்கு மங்களாசாசனம் செய்வதற்குச் சென்ற போது நம்மாழ்வார் “வாரும் ராமானுஜரே, இனி எம் திருவடிகள் ஸ்ரீராமானுஜம் என்றே அழைக்கப் பெறும்” என்று உகப்புடன் அருளினார்.  ஏனைய இடங்களில் நம்மாழ்வார் திருவடிகளுக்கு மதுரகவிகள் என்று தான் கூறுவர்.

தொல் பெரிய நம்பி சரண் தோன்றினான் வாழியே – மிகப் பழைமையான பெரிய நம்பியின் திருவடிகளில் ஆதரத்துடன் இருக்கக் கூடிய ராமானுஜர் பல்லாண்டு வாழ்க.

சித்திரையில் ஆதிரை நாள் சிறக்க வந்தோன் வாழியே – சித்திரை மாதம் திருவாதிரை (ஆதிரை என்ற நக்ஷத்திரம் ராமானுஜர் அவதரித்தமையால் திருவாதிரை என்றே அறியப்படுகிறது) நாளுக்கு ஏற்றம் தரும் வண்ணம் அந்நாளில் அவதரித்த எம்பெருமானார் வாழ்க.

சீர் பெரும்பூதூர் முனிவன் திருவடிகள் வாழியே  – சிறப்புப் பெற்ற ஸ்ரீபெரும்பூதூரில் அவதரித்த ராமானுஜரின் திருவடிகள் பல்லாண்டு காலம் வாழ வேண்டும் என்று பகவத் ஸ்ரீராமாநுஜரின் வாழி திருநாமம் முடிவடைகிறது.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

வாழிதிருநாமங்கள் – மணக்கால் நம்பி மற்றும் ஆளவந்தார் – எளிய விளக்கவுரை

Published by:

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

ஆழ்வார் ஆசார்யர்கள் வாழிதிருநாமங்கள் – எளிய விளக்கவுரை

<< நாதமுனிகள் மற்றும் உய்யக்கொண்டார்

மணக்கால் நம்பி வைபவம்

மணக்கால் நம்பியின் இயற்பெயர் தாசரதி.  ஸ்ரீராமமிச்ரர் என்பது இவர் சிறப்புப் பெயர். திருவரங்கத்திற்கு அருகில் உள்ள மணக்கால் என்ற கிராமத்தில் அவதரித்தமையால் மணக்கால் நம்பி என்று ப்ரசித்தமாக அறியப்படுகிறார். நம்பி என்றால் குண பூர்த்தியை உடையவர் என்று அர்த்தம். திருக்குறுங்குடி எம்பெருமான் நம்பி என்று அழைக்கப்படுகிறார்.  மதுரகவி ஆழ்வார் நம்மாழ்வாரை குருகூர் நம்பி என்றே அழைத்தார்.  செல்வநம்பி என்பவர் பெரியாழ்வார் காலத்தில் பாண்டிய ராஜ்ய சபையில் மந்திரியாக இருந்தவர். இவ்வாறு எம்பெருமான், ஆழ்வார்கள். ஆசார்யர்களும் நம்பி என்று அழைக்கப்பட்டனர் என்பதை அறியலாம். அந்த வரிசையில் மணக்கால் நம்பி என்று ஸ்ரீராமமிச்ரர் அழைக்கப்பட்டார்.  இவரது தனிச்சிறப்பு என்னவென்றால், நாதமுனிகளின் திருப்பேரனாரான யாமுனாசார்யர் என்ற ஆளவந்தாரை திருத்தி ஸ்ரீவைஷ்ணவ சம்பிரதாயத்தில் ஈடுபடச் செய்தவர். யாமுனாசார்யர் சிறு வயதிலே ஞானியாக இருந்தவர்.  ராஜ போகத்தில் மூழ்கியிருந்த நாதமுனிகளின் திருப்பேரனாரை சம்பிரதாயத்திற்குக் கொண்டு வர வேண்டும் என்று மணக்கால் நம்பி தமது பெருங்கருணையால் அவருக்கு ஸ்ரீபகவத் கீதையின் சாராம்சத்தை எடுத்துரைத்து அவரை திருத்திப் பணி கொண்டவர். உய்யக்கொண்டாரிடம் மிகுந்த ஆசார்ய பக்தி கொண்டவர்.

மணக்கால் நம்பி வாழி திருநாமம் 

தேசமுய்யக் கொண்டவர் தாள் சென்னிவைப்போன் வாழியே
தென்னரங்கர் சீரருளைச் சேர்ந்திருப்போன் வாழியே
தாசரதி திருநாமம் தழைக்கவந்தோன் வாழியே
தமிழ் நாதமுனியுகப்பைத் தாபித்தான் வாழியே
நேசமுடனாரியனை நியமித்தான் வாழியே
நீள் நிலத்தில் பதின்மர் கலை நிறுத்தினான் வாழியே
மாசிமகம் தனில் விளங்க வந்துதித்தான் வாழியே
மால்மணக்கால் நம்பி பதம் வையகத்தில் வாழியே

மணக்கால் நம்பி வாழி திருநாமம் விளக்கவுரை

தேசமுய்யக் கொண்டவர் தாள் சென்னிவைப்போன் வாழியே – இந்த வையகத்தை உய்விக்கச் செய்தவர் என்ற சிறப்புடைய உய்யக் கொண்டாரின் திருவடிகளை சிரம் மேல் தாங்கும் மணக்கால் நம்பி பல்லாண்டு வாழ வேண்டும்.

இதில் ஒரு சரித்திரம் காட்டப்படுகிறது.  உய்யக்கொண்டாரின் சிஷ்யரான மணக்கால் நம்பி அவருக்கு பல கைங்கர்யங்களைச் செய்து வந்தார்.  அவற்றில் உய்யக் கொண்டாரின் குமாரத்திகளை நதிநிலைக்கு அழைத்துச் சென்று அவர்கள் நீராடும் வரை காத்திருந்து அவர்களை ஒரு தமையனைப் போல் திரும்ப அழைத்துச் செய்யும் கைங்கர்யமும் ஒன்று.   அவ்வாறு ஒரு நாள் நதிக்குச் சென்று திரும்பும்போது ஓரிடத்தில் மழையினால் சேறாக இருக்க அதை எப்படித் தாண்டுவது என்று அந்தப் பெண் பிள்ளைகள் யாேசிக்க உடனே மணக்கால்நம்பி தான் கீழே படுத்துக் கொண்டு அந்தப் பெண் பிள்ளைகளை தன் முதுகின் மேல் நடந்து அந்தச் சேற்றுப் பகுதியைத் தாண்டச் செய்தார்.  இந்த சம்பவத்தைக் கேள்வியுற்ற உய்யக்கொண்டார் மணக்கால் நம்பியைக் கடிந்து கொள்ள அதற்கு மணக்கால் நம்பி இது என் ஆசார்யருக்காக உகப்புடன் செய்த கைங்கர்யம் என்று கூற உய்யக் கொண்டார் மகிழ்வுடன் தனது திருவடிகளை மணக்கால் நம்பியின் திருமுடியின் மேல் வைத்தார் என்று அறிகிறாேம்.   பொதுவாக சிஷ்யர்களின் அபிமானத்தைப் பாரத்து மகிழ்ந்தால் ஆசார்யர்கள் தாமாகவே தமது திருவடிகளை சிஷ்யர்களின் திருமுடியில் வைப்பார்கள் என்று சரித்திரத்தின் மூலம் அறிய வருகிறது.  அவ்வாறு உய்யக் கொண்டார் திருவடிகளை மணக்கால் நம்பியின் சிரத்தில் வைக்க “உமக்கு கைங்கர்யம் செய்யும் பாக்கியம் எப்போதும் அடியேனுக்கு வேண்டும்” என்று மணக்கால் நம்பிகள் பிரார்த்தித்தார்.   அத்தகைய சிறப்புப் பெற்ற மணக்கால் நம்பி பல்லாண்டு காலம் வாழ்க.

தென்னரங்கர் சீரருளைச் சேர்ந்திருப்போன் வாழியே – தென் திசையில் இருக்கக்கூடிய ஸ்ரீரங்கத்தில் வீற்றிருக்கும் எம்பெருமானின் சிறந்த அருளைப் பெற்றிருக்கக் கூடிய மணக்கால் நம்பி வாழ்க.  எவ்வாறு இவர் பெரிய பெருமாளின் அருளைப் பெற்றிருக்க முடியும் என்றால் குருபரம்பரையின் முதல் ஆசார்யரான பெரிய பெருமாளுடைய அருள் இருந்தமையாலேயே அக்குருபரம்பரையில் மணக்கால் நம்பியும் ஒரு ஆசார்யராகக் கருதப்படுகிறார்.     அவர் வாழ்க.

தாசரதி திருநாமம் தழைக்கவந்தோன் வாழியே – தாசரதி என்பது தசரத மகாராஜாவின் குமாரன் என்னும் பொருள் படும்படி ஸ்ரீராமபிரான் தாசரதி என அழைக்கப்பட்டார்.  தாசரதி என்னும் பெயர் மணக்கால் நம்பிக்கு பெற்றோர்களால் சூட்டப்பட்டது.  அவ்வாறு தாசரதி என்ற திருநாமத்திற்கு ஏற்றத்தைக் கொடுத்த மணக்கால் நம்பி பல்லாண்டு காலம் வாழ வேண்டும் என்று இவ்வரியில் காட்டப்படுகிறது.

தமிழ் நாதமுனியுகப்பைத் தாபித்தான் வாழியே –  நாதமுனிகளின் உகப்பு (ஆசை) என்னவென்றால் தமது திருப்பேரனாரான ஆளவந்தாரை ஸ்ரீவைஷ்ணவ சம்பிரதாயத்தில் உயர்ந்த நிலைக்குக் கொண்டு செல்ல வேண்டும் என்பதாகும்.  தமிழ் ப்ரபந்தங்களை இந்த உலகத்தில் பரவச்செய்த நாதமுனிகளின் ஆசைப்படி ஆளவந்தாரை ஸ்ரீவைஷ்ணவ சம்பிரதாயத்திற்குக் கொண்டு வந்து நாதமுனிகளின் விருப்பத்தை நிலை நாட்டிய மணக்கால்நம்பி வாழ்க.

நேசமுடனாரியனை நியமித்தான் வாழியே – மிகுந்த பரிவுடன் தமக்கு அடுத்த ஆசார்யனாக (ஆர்யன் என்று இவ்வரியில் காட்டப்படுகிறது) ஆளவந்தாரை நியமித்த மணக்கால் நம்பி பல்லாண்டு காலம் வாழ்க.  ஆளவந்தாரிடம் தானே வலியச் சென்று உபதேசம் செய்து அவரை சம்பிரதாயத்தில் கொண்டு வந்தவர் மணக்கால் நம்பி.  பெரிய பெருமாளிடம் ஆளவந்தாரை ஏற்றுக் கொள்ளுமாறு வேண்டி பெரிய பெருமாளின் க்ருபை ஆளவந்தாருக்குக் கிடைக்குமாறு செய்தவர் மணக்கால் நம்பி.  ஆளவந்தாரிடம் “நம்மிடம் உமது பாட்டனார் கொடுத்த பெரிய புதையல் இருக்கிறது” என்று கூற ஆளவந்தாரும் “அது என்ன நிதி” என்று வினவ ஆளவந்தாரை பெரிய பெருமாளிடம் அழைத்துச் சென்று இவர்தான் நமது பெரிய நிதி என்று பெரிய பெருமாளை ஆளவந்தாருக்குக் காட்டிக் கொடுத்தார்.  அவ்வாறு ஆளவந்தாரை ஆசார்யராக நியமித்து நமது சம்பிரதாயம் வளரும்படிச் செய்த மணக்கால் நம்பி பல்லாண்டு வாழ வேண்டும் என்று இவ்வரியில் காட்டப்படுகிறது.

நீள் நிலத்தில் பதின்மர் கலை நிறுத்தினான் வாழியே – இந்தப் பரந்த உலகில் பத்து ஆழ்வார்கள் அருளிச் செய்த ப்ரபந்தங்கள் பரவும்படி செய்தவர் மணக்கால் நம்பிகள்.  நாதமுனிகளிடம் இருந்து ப்ரபந்தங்களைக் கற்றுக் கொண்ட உய்யக் கொண்டாரிடம் இருந்து மணக்கால் நம்பி கற்று தாம் கற்றதை ஆளவந்தாருக்கு உபதேசித்து குரு பரம்பரை வளர்ச்சியுறச் செய்தவர் மணக்கால் நம்பி.  அவர் வாழ்க.

மாசிமகம் தனில் விளங்க வந்துதித்தான் வாழியே –  மாசி மாதம் மகம் நக்ஷத்ரத்தில் அவதரித்தவர் மணக்கால் நம்பி.  அவ்வாறு மாசி மகம் நக்ஷத்ரத்திற்கு தாம் அவதரித்தமையால் ஏற்றத்தைக் கொடுத்த மணக்கால் நம்பி வாழ்க.

மால்மணக்கால் நம்பி பதம் வையகத்தில் வாழியே .  மால் என்றால் அன்பு.  எம்பெருமானிடம், உய்யக் கொண்டாரிடம், ஆளவந்தாரிடம் இவ்வாறு அனைவரிடமும் அன்பு கொண்ட மணக்கால் நம்பியின் திருவடிகள் இந்த உலகம் உள்ள அளவும் பல்லாண்டு வாழ வேண்டும் என்று மணக்கால் நம்பியின் வாழி திருநாமம் முடிவுறுகிறது.

ஆளவந்தார் வைபவம்

ஆளவந்தார் இயற்பெயர் யாமுனன், பிற்காலத்தில் யாமுனாசார்யர் என்று ப்ரசித்தமாக அறியப்பட்டவர்.  இவர் சிறு வயதில் ஒரு பண்டிதரிடத்தில் பாடம் பயின்று கொண்டிருந்தபோது, அவ்வூர் அரசன் எல்லாப் பண்டிதர்களும் வரி கட்ட வேண்டும் என்று நிர்ப்பந்திக்க நம் ஆசார்யர் வரி கட்டுவதா என்று யாமுனன் தானே ராஜ்ய சபைக்குச் சென்று ராஜபண்டிதரிடம் வாதிட்டு அவரை வென்றார்.   அந்த சமயத்தில் அவ்வூர் அரசனுக்கும் அரசிக்கும் ஒரு பந்தயம் வைத்துக் காெள்கிறார்கள்.  அரசி ஐந்து வயதாகும் யாமுனன் தான் இவ்வாதத்தில் வெல்வான் எனவும் அப்படி யாமுனன் தோற்று விட்டால் தான் அரசருக்கு காலம் முழுவதும் அடிமையாக இருப்பதாகக் கூறினாள்.  அரசரும் ராஜபண்டிதர் தான் வெற்றியடைவார் அவர் தோற்று விட்டால் தான் யாமுனனுக்கு பாதி ராஜ்யத்தைக் கொடுத்து விடுவதாக பந்தயத்தில் ஒப்புக் கொண்டார். அதன்படி யாமுனன் வெல்லவே அரசி “எம்மை ஆளவந்தீராே” என்று தன் அன்பை யாமுனனிடம் வெளிப்படுத்தினாள்.  அன்று முதல் யாமுனன் “ஆளவந்தார்” என்று அழைக்கப்பட்டார்.

அரசன் ஒப்புக் கொண்டபடி அளித்த பாதி ராஜ்யத்தை பரிபாலனம் செய்து கொண்டிருந்த காலத்தில்தான் மணக்கால் நம்பி இவரை அணுகி தூதுவளைக் கீரையை ஆளவந்தாருக்கு கொடுக்க ஆளவந்தாருக்கும் அக்கீரை பிடித்துப் போனது.  அதன் பிறகு சிறிது காலம் அக்கீரையைக் கொடுக்காமல் இருக்க ஆளவந்தார் தன் மடப்பள்ளி நிர்வாகியை அணுகி “ஏன் தூதுவளைக் கீரை இப்போதெல்லாம் கொடுப்பதில்லை” என்று வினவ அதற்கு அவர்கள் “தூதுவளைக் கீரை கொடுக்கும் பெரியவர் இப்போது வருவதில்லை” என்று பதிலளித்தனர்.  மணக்கால் நம்பியைத் தேடி ஆளவந்தார் முன் நிறுத்த மணக்கால் நம்பி தூதுவளையை விடச் சிறந்த விஷயங்கள் உமது பாட்டனார் விட்டுச் சென்றிருக்கிறார்.  யாம் உமக்கு அவற்றை உபதேசிக்க வேண்டும் என்று சொல்ல ஆளவந்தாரும் அதற்கு ஒப்புக் கொண்டார்.  மணக்கால் நம்பி கீதையை உபதேசித்தார்.   கீதோபதேச முடிவில் கீதையை உபதேசித்த எம்பெருமான் தான் உமது பாட்டானார் கொடுத்துப் போன செல்வம் என்று கூறி ஆளவந்தாரை திருவரங்கப் பெரிய பெருமாள் முன் நிறுத்தி, பெரிய பெருமாள் கருணைப் பார்வையை ஆளவந்தார் மீது கடாக்ஷிக்க, அன்று முதல் ஆளவந்தார் ராஜயத்தைத் துறந்து, திருவரங்கத்தில் சந்நியாசம் பூண்டு பல சிஷ்யர்களுடன் வாழ்ந்து வந்தார் என்பதை சரித்திரத்தின் மூலம் அறியலாம்.

ஆளவந்தார் நாதமுனிகள் அவதரித்த காட்டுமன்னார் கோயில் என்கிற வீரநாராயணபுரத்தில் தான் அவதரித்தார்.  நாதமுனிகள் பல காலம் வடநாட்டில் கைங்கர்யம் செய்த படியால் அவரது ஆசைப்படி யமுனைத்துறைவனான கண்ணன் திருநாமமான யாமுனன் என்ற பெயர் இவருக்கு பெற்றோரால் இடப்பட்டது.  இவருடைய திருநக்ஷத்ரம் ஆடி மாதம் உத்திராட நக்ஷத்திரம்.  இவர் பல க்ரந்தங்களை அருளியுள்ளார்.  கீதைக்கு சுருக்கமான அர்த்தத்தை ஸ்லோக வடிவில் “கீதார்த்த ஸங்க்ரஹம்” என்று அருளியுள்ளார்.  மேலும் ஸித்தி த்ரயம், ஆகம ப்ராமாண்யம். சதுஶ்லோகி, ஶ்தோத்ர ரத்நம் என்ற க்ரந்தங்களையும் அருளியுள்ளார்.

ஆளவந்தார் வாழி திருநாமம்

மச்சணியும் மதிளரங்கம் வாழ்வித்தான் வாழியே
மறை நான்கும் ஓருருவில் மகிழ்ந்துகற்றான் வாழியே
பச்சையிட்ட ராமர்பதம் பகருமவன் வாழியே
பாடியத்தோன் ஈடேறப் பார்வைசெய்தோன் வாழியே
கச்சி நகர் மாயனிரு கழல் பணிந்தோன் வாழியே
கடக உத்தராடத்துக் காலுதித்தான் வாழியே
அச்சமற மனமகிழ்ச்சி அணைந்திட்டான் வாழியே
ஆளவந்தார் தாளிணைகள் அனவரதம் வாழியே

ஆளவந்தார் வாழி திருநாமம் விளக்கவுரை

மச்சணியும் மதிளரங்கம் வாழ்வித்தான் வாழியே – பெரிய மேல்நிலைகளைக் கொண்ட மதிள்களால் சூழப்பட்ட திருவரங்கம் சிறப்புப் பெறும்படி செய்த ஆளவந்தார் வாழ்க.    இவரது ப்ரதாந சிஷ்யர்களான பெரிய நம்பி, திருக்கோஷ்டியூர் நம்பி, பெரிய திருமலை நம்பி, திருமாலை ஆண்டான், திருவரங்கப் பெருமாள் அரையர் ஆகிய ஐவரும் திருவரங்கத்தில் இவரிடம் உபதேசம் பெற்றனர்.  பின் பெரிய திருமலை நம்பி திருமலை சென்று கைங்கர்யம் செய்யவும், திருக்கோஷ்டியூர் நம்பி திருக்கோஷ்டியூர் சென்று கைங்கர்யம் செய்யவும் தொடங்கினர்.  ஆளவந்தாரின் மற்றொரு சிஷ்யரான திருக்கச்சி நம்பிகளும் ஆளவந்தாரின் ஆணைப்படி காஞ்சிபுரம் தேவப் பெருமாளுக்கு ஆலவட்ட கைங்கர்யம் செய்து வந்தார்.  இவ்வாறு பல சிஷ்யர்களைக் கொண்டு திருவரங்கப் பெருமையை வளரச் செய்த ஆளவந்தார் பல்லாண்டு வாழ்க.

மறை நான்கும் ஓருருவில் மகிழ்ந்து கற்றான் வாழியே – மறை என்றால் வேதம்.   நான்கு வேதங்களையும் அவற்றின் சாரத்தையும் மணக்கால் நம்பியிடம் மிகுந்த பணிவுடன் கற்றார்.  வேதத்தின் சாரமான கீதோபதேசத்தையும் மணக்கால் நம்பியிடம் இருந்து ஆனந்தத்துடன் கற்ற ஆளவந்தார் வாழ்க என்று இவ்வரியில் காட்டப்படுகிறது.

பச்சையிட்ட ராமர்பதம் பகருமவன் வாழியே – பச்சையிடுவது என்றால் ஒருவருக்கு நன்மை செய்து அவரை நம் பக்கல் ஈர்ப்பது ஆகும்.  மணக்கால் நம்பி தானே வலியப் போய் இவருக்கு தூதுவளைக் கீரையைக் கொடுத்து இவரைத் திருத்திப்பணி கொண்டார்.  அவ்வாறு பச்சையிட்ட ராமமிச்ரர் எனப்பட்ட மணக்கால் நம்பியின் திருவடிச் சிறப்பைக் கொண்டாடும் ஆளவந்தார் பல்லாண்டு வாழ்க.

பாடியத்தோன் ஈடேறப் பார்வைசெய்தோன் வாழியே – பாடியத்தோன் என்றால் ஸ்ரீபாஷ்யத்தை அருளிச்செய்த எம்பெருமானார் (ராமாநுஜர்).  அவர் இந்த ஸ்ரீவைஷ்ணவ சம்பிரதாயத்தில் ஆசார்யனாக வருவதற்காக தன்னுடைய கருணைப் பார்வையை கடாக்ஷித்தவர் ஆளவந்தார்.  ராமானுஜர் இளையாழ்வாராக காஞ்சீபுரத்தில் யாதவப்ரகாசரிடம் கல்வி பயின்று வரும் காலத்தில்  திருவரங்கத்தில் இருந்த ஆளவந்தாருக்கு உயர்ந்த ஞானி அவதரித்திருக்கிறார் என்பது தெரிய வந்தது.    ஏற்கனவே நாதமுனிகள் அளித்த பவிஷ்யதாசார்யர் விக்ரஹம் வழி வழியாக ஆளவந்தாரிடம் வந்து சேர, அந்த விக்ரஹத்தின் அமைப்பில் உள்ளபடி இளையாழ்வாரின் பொலிவு இருக்கக் கண்டு காஞ்சிபுரம் வந்து தேவப்பெருமாளுக்கு மங்களாசாஸனம் செய்தபின் இளையாழ்வாரை காஞ்சிபுரத்தில் வந்து சந்திக்கிறார்.

தேவப்பெருமாள் சந்நிதிக்கு அருகில் உள்ள கரியமாணிக்கம் சந்நிதியில் யாதவப்ரகாசரும் அவருடைய சிஷ்யர்களும் இருக்கக் கண்டு அவர்களில் இளையாழ்வாரைக் கண்டு வெகு தொலைவில் இருந்தே தமது கருணைப்பார்வையை இளையாழ்வார் மீது செலுத்தினார் ஆளவந்தார்.  அவ்வாறு ராமாநுஜர் நமது சம்பிரதாயத்திற்கு சிறந்த ஆசார்யனாக வரும் வகை செய்தவர் ஆளவந்தார்.  ராமானுஜரும் ஆளவந்தாரை முன்னிட்டு ஒரு தனியனைச் சமர்ப்பித்துள்ளார்.  யத் பதாம்போருஹத்யாந வித்வஸ்தாஶேஷ கல்மஷ:| வஸ்து தாமுபயாதோஹம் யாமுநேயம் நமாமிதம் || என்ற தனியனில் அவஸ்துவாக இருந்த என்னை ஒரு வஸ்துவாக மாற்றினார் ஆளவந்தார் என்று குறிப்பிட்டுள்ளார்.  அத்தகைய சிறப்புப் பெற்ற ஆளவந்தார் பல்லாண்டு வாழ்க.

கச்சி நகர் மாயனிரு கழல் பணிந்தோன் வாழியே – கச்சிநகர் என்றால் காஞ்சிபுரம்.  ஆளவந்தார் ராமாநுஜர் மீது தான் கடாக்ஷித்தது மட்டுமன்றி காஞ்சிபுரம் தேவப்பெருமாளிம் சென்று ராமாநுஜரை குரு பரம்பரைக்கு ஒரு ஆசார்யனாக அருளும்படி வேண்டினார்.  அவ்வாறு காஞ்சிபுரம் தேவப் பெருமாளின் இரு திருவடிகளைத் தொழுது ராமாநுஜரை ஸ்ரீவைஷ்ணவ குரு பரம்பரையில் ஆசார்யனாகச் சேர்த்தவர் ஆளவந்தார்.  அவர் வாழ்க.

கடக உத்தராடத்துக் காலுதித்தான் வாழியே –  கடக மாதமான ஆடி மாதத்தில் உத்தராட நக்ஷத்ரத்தில் வந்து இப்பூவுலகில் அவதரித்த ஆளவந்தார் வாழ்க என்று இவ்வரியில் காட்டப்படுகிறது.

அச்சமற மனமகிழ்ச்சி அணைந்திட்டான் வாழியே –  தன்னுடைய அச்சம் நீங்கி மனதில் மகிழ்ச்சி அடைந்த ஆளவந்தார் வாழ்க என்று இவ்வரியில் காட்டப்பெறுகிறது.   ஆளவந்தாருக்கு ராமானுஜரை தன்னுடைய சிஷ்யராக்கிக் கொள்ள வேண்டும் என்ற அவா.  ஆனால் எம்பெருமானுடைய திருவுள்ளமோ வேறு நோக்கில் இருந்தது.  இளையாழ்வாரை பெரிய நம்பி காஞ்சிபுரத்தில் இருந்து திருவரங்கத்திற்கு அழைத்து வருகிறார்.  திருவரங்கத்தின் எல்லைக்கு வரும்போதே அங்கு கூட்டமாக இருந்தவர்கள் சோகத்துடன் இருந்ததைக் கண்டு வினவ ஆளவந்தார் திருநாட்டிற்கு எழுந்தருளி விட்டார் என்று கூறினர்.  இளையாழ்வாருக்கு ஆளவந்தாரை ஆசார்யராக அடையும் பாக்கியம் கிடைக்கப் பெறாமல் போயிற்றே என்று மிகப் பெரிய வருத்தம்.   இளையாழ்வார் ஆளவந்தாரின் திருமேனியை சேவித்தார்.  அப்போது அவர் திருக்கரங்களில் மூன்று விரல்கள் மடங்கி இருந்ததைக் கண்டார்.   அங்கிருந்தவர்களிடம் இது பற்றிக் கேட்க அவர்கள் ஆளவந்தாருக்கு இருந்த மூன்று ஆசைகள் பற்றிக் கூறினர்.

அவையாவன,                              1. ஸ்ரீபாஷ்யத்திற்கு உரை எழுத வேண்டும். 2. திவாய்மொழியின் அர்த்தங்களை உலகமறியச் செய்ய வேண்டும் 3.  வேத வ்யாசர், பராசரர் போன்ற ரிஷிகளுக்கு நன்றி செலுத்த வேண்டும் என்பதாகும்.   அந்த ஆசைகள் நிறைவேறப் பெறாமையால் விரல்கள் மடங்கி இருக்கின்றன என்று கூறினர்.  உடனே இளையாழ்வார் எம்பெருமானின் திருவுள்ளமும், ஆசார்யன் திருவுள்ளமும் இருக்குமானால் நாம் ஆளவந்தாரின் ஆசைகளை நிறைவேற்றுவோம் என்று சபதம் எடுக்க மடங்கி இருந்த விரல்கள் நீண்டன என்று அறிகிறோம்.  அதன் மூலம் ஆளவந்தாரின் மனதில் இருந்த அச்சம் நீங்கி மகிழ்ச்சி அடைந்தார்.  அப்படிப்பட்ட ஆளவந்தார் வாழ்க. சபதம் எடுத்தபடியே ராமானுஜரும் ஸ்ரீபாஷ்யத்திற்கு உரை அவரே எழுதினார்.  திருக்குருகைப் பிள்ளானைக் கொண்டு திருவாய்மொழிக்கு வ்யாக்யானம் இடும்படி அருளினார்.  கூரத்தாழ்வாரின் திருக்குமாரர்களுக்கு வேத வ்யாஸர், பராசரர் என்று ரிஷிகளின் பெயர்களை வைத்து அவர்களும் பெரிய வித்வான்களாக வளரும்படி கடாக்ஷித்தார்.

ஆளவந்தார் தாளிணைகள் அனவரதம் வாழியே – ஆளவந்தாரின் திருவடிகள் இரண்டும் எப்பொழுதும் பல்லாண்டு வாழ வேண்டும் என்று ஆளவந்தாரின் வாழி திருநாமம் முடிவடைகிறது.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ತಿರುವಾಯ್ಮೊೞಿ ನೂಟ್ರಂದಾದಿಯ – ಸರಳ ವಿವರಣೆ – ತನಿಯನ್ಗಳು

Published by:

ಶ್ರೀ: ಶ್ರೀಮತೇ ಶಠಕೋಪಾಯ ನಮ: ಶ್ರೀಮತೇ ರಾಮಾನುಜಾಯ ನಮ: ಶ್ರೀಮದ್ ವರವರಮುನಯೇ ನಮ:

ತಿರುವಾಯ್ಮೊೞಿ ನೂಟ್ರಂದಾದಿಯ

ತನಿಯನ್-1
ಅಲ್ಲುಮ್ ಪಗಲುಮ್ ಅನುಬವಿಪ್ಪಾರ್ ತನ್ಗಳುಕ್ಕುಚ್
ಚೊಲ್ಲುಮ್ ಪೊರುಳುಮ್ ತೊಗುತ್ತುರೈತ್ತಾನ್ – ನಲ್ಲ
ಮಣವಾಳ ಮಾಮುನಿವನ್ ಮಾಱನ್ ಮಱೈಕ್ಕುತ್
ತಣವಾ ನೂಟ್ರಂದಾದಿ ತಾನ್

ಮಧುರವಾದ ಪಾದಗಳು-ಅದರ ಅರ್ಥವನ್ನು ಎಂದೂ ಹಗಲೂ ರಾತ್ರಿ ಅನುಭವಿಸಲು ಇಚ್ಛಿಸುವವರಿಗಾಗಿ ಮಣವಾಳ ಮಾಮುನಿಗಳು ತಮ್ಮ ಕೃಪೆಯಿಂದ ತಮಿಳು (ದ್ರಾವಿಡ) ವೇದವಾಗಿರುವ ತಿರುವಾಯ್ಮೊೞಿಯ ಅರ್ಥಗಳನ್ನು ಸಂಕ್ಷಿಪ್ತವಾಗಿ ಅಂದಾದಿ ಕ್ರಮದಲ್ಲಿ ನೂರು ಪಾಸುರಗಳಲ್ಲಿ ಚೆನ್ನಾಗಿ ಹೊಂದಿಕೊಳ್ಳುವ ಪ್ರಬಂಧವಾಗಿ ಅನುಗ್ರಹಿಸಿದರು.


ತನಿಯನ್-2
ಮನ್ನು ಪುಗೞ್ ಸೇರ್ ಮಣವಾಳ ಮಾಮುನಿವನ್
ತನ್ ಅರುಳಾಲ್ ಉಟ್ಪೊರುಳ್ಗಳ್ ತನ್ನುಡನೇ ಸೊನ್ನ
ತಿರುವಾಯ್ಮೊೞಿ ನೂಟ್ರನ್ದಾದಿ
ತೇನೈ
ಒರುವಾದರುಂದು ನೆಂಜೇ ಉಟ್ರು

ಓ ಹೃದಯವೇ! ನಿತ್ಯವಾದ ವೈಭವಾಂನ್ವಿತರಾದ ಮಣವಾಳ ಮಾಮುನಿಗಳು (ತಿರುವಾಯ್ಮೊೞಿಯ ) ಆಳವಾದ ಅರ್ಥಗಳನ್ನು ಪ್ರಕಾಶಿಸಲು ಕೃಪೆಯಿಂದ ಹೇಳಿದ ಈ ಮಧುವಿನಂತೆ(ಜೇನುತುಪ್ಪದಂತೆ) ಇರುವ ತಿರುವಾಯ್ಮೊೞಿ ನೂಟ್ರನ್ದಾದಿಯನ್ನು ಗ್ರಹಿಸಿ ಪ್ರತಿನಿತ್ತ್ಯವೂ ಕುಡಿ.

ಅಡಿಯೇನ್ ಆಳವಂದಾರ್ ರಾಮಾನುಜ ದಾಸನ್

ಮೂಲ – http://divyaprabandham.koyil.org/index.php/2020/10/thiruvaimozhi-nurrandhadhi-thaniyans-simple/

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

வாழிதிருநாமங்கள் – நாதமுனிகள் மற்றும் உய்யக்கொண்டார் – எளிய விளக்கவுரை

Published by:

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

ஆழ்வார் ஆசார்யர்கள் வாழிதிருநாமங்கள் – எளிய விளக்கவுரை

<< ஸேனை முதலியார் மற்றும் நம்மாழ்வார்

ஸ்ரீமந் நாதமுனிகள் வைபவம்

நாதமுனிகளின் இயற்பெயர் ஸ்ரீரங்கநாதமுனி.  பிற்காலத்தில் இப்பெயரே நாதமுனிகள் என்று வழங்கப்பட்டது. இவரது அவதார ஸ்தலம் காட்டு மன்னார் கோயிலில் என்கிற வீரநாராயணபுரம் ஆகும். இவரது திருநக்ஷத்ரம் ஆனி மாதம் அனுஷம் ஆகும்.  நியாய தத்துவம், யோக ரகஸ்யம், புருஷ நிர்ணயம் போன்ற க்ரந்தங்களை இவர் அருளிச் செய்துள்ளார்.  ஆனால் இவரது க்ரந்தங்கள் கிடைக்கப் பெறுவதில்லை.  யோக சாஸ்திரத்திலும் இசையிலும் மிகப் பெரிய வல்லுநராக இருந்துள்ளார் என்பதை அறிகிறோம்.  குழுவாக அமர்ந்து பல பேர் தாளம் போடும்போது யாரிடம் இருந்து எத்தனை முறை தாளம் வந்தது என்பதை துல்லியமாகக் காட்டியவர் இவர்.

நாம் ஏற்கனவே அறிந்தபடி நாலாயிர திவ்யப்ரபந்தங்களும் இவர் மூலமாகத் தான் நமக்குக் கிடைக்கப் பெற்றது.  இவர் வசித்த காட்டுமன்னார் கோயிலில் மேல் நாட்டிலிருந்து சில ஸ்ரீவைஷ்ணவர்கள் திருக்குடந்தை ஆராவமுதன் பெருமான் பற்றிய பாசுரங்களை ஸேவிக்கிறார்கள்.  அவற்றை செவியுற்ற நாதமுனிகள், அவர்களிடமிருந்து அந்தப் பாசுரங்களைப் பெற்று அந்தப் பதிகத்தின் இறுதிப் பாசுரத்தில் “குருகூர்ச் சடகோபன்” என்ற வார்த்தையையும் “ஆயிரத்துள் இப்பத்தும்” என்ற சொல்லையும் கொண்டு நம்மாழ்வாரைத் தேடி ஆழ்வார் திருநகரி வந்தடைந்தார்.  அங்கு இருந்தவர்களிடம் இந்தப் பாசுரங்களைப் பற்றி விசாரிக்க, அங்கு இருந்த மதுரகவி ஆழ்வாரின் வம்சத்தவர்கள் “நாங்கள் மதுரகவி ஆழ்வார் அருளிச் செய்த கண்ணிநுண் சிறுத்தாம்பு பாசுரங்கள் தான் அறிவோம்” என்றனர். மேலும் அவர்கள் “எவர் ஒருவர் நம்மாழ்வார் வாஸம் செய்த திருப்புளியாழ்வாரின் அடியில் தியானத்தில் அமர்ந்து இந்தக் கண்ணிநுண் சிறுத்தாம்பு பாசுரங்களை பன்னீராயிரம் முறை ஸேவிக்கிறார்களோ அவருக்கு நம்மாழ்வார் ப்ரத்யக்ஷமாக ஸேவை சாதிப்பார் என்பதை அறிவோம்” என்றனர்.    நாதமுனிகள் யோக சாஸ்திரத்தில் வல்லவராதலால் திருப்புளியாழ்வார் மரத்தினடியில் அமர்ந்து பன்னீராயிரம் முறை கண்ணிநுண் சிறுத்தாம்பு ப்ரபந்தத்தை அநுஷ்டிக்க நம்மாழ்வார் அவர் முன் தோன்றி “என்ன வேண்டும்” என்று வினவ, அதற்கு நாதமுனிகள் “தேவரீர் இயற்றிய ஆயிரம் பாசுரங்களைத் தந்தருள வேண்டும்” என்றார்.  நம்மாழ்வார் தாம் இயற்றிய அனைத்து ப்ரபந்தங்கள் (முறையே திருவாய்மொழி, திருவிருத்தம், திருவாசிரியம், பெரிய திருவந்தாதி) மட்டுமன்றி ஏனைய ஆழ்வார்கள் அருளிச் செய்த ப்ரபந்தங்களையும் சேர்த்து நாலாயிர திவ்ய ப்ரபந்தமாக ஆசார்யனாக இருந்து  நாதமுனிகளுக்குக் கொடுத்து அருளினார்.  மேலும் இந்த நாலாயிர ப்ரபந்தங்களுக்குமான விளக்கவுரையையும் நாதமுனிகளிடம் அளித்தார்.  இவ்வாறு நாதமுனிகள் நம்மாழ்வாருக்கு சிஷ்யனானார் என்பதை அறிகிறோம்.

இவர் கலியுகம் தோன்றி ஏறக்குறைய 4000 ஆண்டுகளுக்கப் பின் அவதரித்தவர்.  எவ்வாறு துவாபர யுகம் வரை ஒரே வேதமாக இருந்ததை வேத வ்யாஸர் நான்கு பிரிவுகளாகப் பிரித்தாரோ அதைப் போன்று நம்மாழ்வாரிடமிருந்து பெற்ற ப்ரபந்தங்களை நான்கு ஆயிரமாகப் பிரித்து நமக்கு அளித்தவர் நாதமுனிகள்.  கலியுகத்தில் ஞானமும், சக்தியும் குறைந்த மக்கள் எளிதில் அறிந்து கொள்ளும் வண்ணம் தமிழ் வேதமான நாலாயிரம் பாசுரங்களைக் கொண்ட ப்ரபந்தங்களை நான்கு பகுதிகளாகப் பிரித்தார்.  மேலும் இவர் இசையில் வல்லவராதலால் இயற்பாவைத் தவிர மற்ற ப்ரபந்தங்களை தம்முடைய மருமக்களான கீழையகத்து ஆழ்வான், மேலையகத்து ஆழ்வான் ஆகியோருக்கு இசையுடன் கற்றுக் கொடுத்து இந்தப் ப்ரபந்தங்கள் பரவும்படி செய்தவர்.   இன்றைக்கும், திருவரங்கம், திருநாராயணபுரம், ஆழ்வார் திருநகரி, ஸ்ரீவில்லிபுத்தூர் போன்ற திவ்ய தேசங்களில் அத்யயன உத்ஸவத்தின்போது  நடக்கும் அரையர் சேவையை முதன் முறையாகத்  துவக்கி வைத்தவர் நாதமுனிகள்.    திருவரங்கத்திலும் இவர் பல கைங்கர்யங்களைச் செய்திருக்கிறார். திருமங்கையாழ்வார் காலத்தில் நடத்தப்பட்ட அத்யயன உற்சவத்தை மீண்டும் திருவரங்கத்தில் நடக்கும்படி செய்தவர்.

நாதமுனிகள் வாழி திருநாமம்

ஆனி தனில் அனுடத்தில் அவதரித்தான் வாழியே
ஆளவந்தார்க்கு உபதேசமருளிவைத்தான் வாழியே
பானு தெற்கிற்கண்டவன் சொல் பலவுரைத்தான் வாழியே
பராங்குசனார் சொல்பிரபந்தம் பரிந்து கற்றான் வாழியே
கானமுறத் தாளத்தில் கண்டிசைத்தான் வாழியே
கருணையினால் உபதேசக் கதியளித்தான் வாழியே
நானிலத்தில் குருவரையை நாட்டினான் வாழியே
நலம்திகழும் நாதமுனி நற்பதங்கள் வாழியே

நாதமுனிகள் வாழி திருநாமம் விளக்கவுரை

ஆனி தனில் அனுடத்தில் அவதரித்தான் வாழியே –  ஆனி மாதம் அனுஷ நக்ஷத்ரத்தில் அவதரித்தவர் நாதமுனிகள்.  அவர் பல்லாண்டு வாழ்க.

ஆளவந்தார்க்கு உபதேசமருளிவைத்தான் வாழியே – நாதமுனிகளின் திருப்பேரனார் தான் யாமுனாசார்யர் என்று சொல்லக்கூடிய ஆளவந்தார்.    ஆளவந்தார் பிற்காலத்தில் பெரிய ஆசார்யராக உருவாகி ஸ்ரீவைஷ்ணவ சம்பிரதாயத்தை நன்றாக வளர்ப்பார் என்று முன்கூட்டியே அறிந்து வைத்திருந்தார் நாதமுனிகள்.  உய்யக்கொண்டார், மணக்கால் நம்பிகள் மூலமாக ஆளவந்தாருக்கு உபதேசம் செய்து சிறந்த ஆசார்யராக உருவாகும்படி பணித்தார்.

பானு தெற்கிற்கண்டவன் சொல் பலவுரைத்தான் வாழியே – பானு என்றால் சூரியன்.  ஸ்ரீவைஷ்ணவ சம்பிரதாயத்தில் பானு என்ற சொல் எம்பெருமானைக் குறிக்கும்.  சேதநர்களுக்கு ஞானத்தைக் கொடுத்து சம்சாரம் என்னும் இருளை அகற்றுவதால் எம்பெருமான் சூரியனாகக் கருதப்படுகிறார்.    நம்மாழ்வாரும் வகுள பூஷண பாஸ்கரன் என்று கொண்டாடப்படுகிறார்.  வகுள மாலையை அணிந்து இப்பூவுலகத்தினருக்கு அஞ்ஞானம் என்ற இருளை நீக்கி ஞானத்தை அளித்தவர் நம்மாழ்வார். அந்த நம்மாழ்வார் ஆழ்வார் திருநகரியில் திருப்புளி ஆழ்வார் கீழே அமர்ந்திருந்தார்.  வட திசையில் கைங்கர்யம் செய்து கொண்டிருந்த மதுரகவி ஆழ்வார் நம்மாழ்வாரின் ஒளியால் ஈர்க்கப்பட்டு தென்திசை நோக்கி பயணித்து ஆழ்வார் திருநகரியை வந்து நம்மாழ்வாரைத் தவிர வேறு ஒன்று எண்ணாதவராய் அவருக்குக் கைங்கர்யம் செய்து வந்தார்.  அவ்வாறு தெற்கில் சூரியனான நம்மாழ்வாரைக் கண்டு வந்த மதுரகவி ஆழ்வாரின் ப்ரபந்தமான கண்ணிநுண் சிறுத்தாம்பை 12000 முறை  ஸேவித்தவர் நாதமுனிகள் என்னும் பொருள் இவ்வரியில் காட்டப்படுகிறது.  மேலும் நாதமுனிகள் திருமங்கையாழ்வார் காலத்திற்குப் பின் நின்று போயிருந்த அத்யயன உற்சவத்தையும், நம்மாழ்வார் பரமபதம் செல்லும் உற்சவத்தையும் மிகச் சிறப்பாக திவ்ய தேசங்களில் நடக்கும்படி செய்தவர்.  மதுரகவி ஆழ்வாருக்கு ஈடான சிறப்புப் பெற்றவர் நாதமுனிகள். அத்தகைய சிறப்பு மிகுந்த நாதமுனிகள் பல்லாண்டு காலம் வாழ்க.

பராங்குசனார் சொல்பிரபந்தம் பரிந்து கற்றான் வாழியே –  பராங்குசன் என்றால் நம்மாழ்வார்.   நம்மாழ்வாரின் ப்ரபந்தங்களான திருவிருத்தம், திருவாசிரியம், பெரிய திருவந்தாதி மற்றும் திருவாய்மொழி ஆகியவற்றை மிகவும் ஆசையுடன் கற்றுத் தேர்ந்த நாதமுனிகள் வாழ்க.

கானமுறத் தாளத்தில் கண்டிசைத்தான் வாழியே –  திவ்ய ப்ரபந்த பாசுரங்களை தாளம் கொண்டு இசை வடிவில் அமைத்து அவற்றை பிறர் அறியச் செய்தவர் நாதமுனிகள்.  அவர் பல்லாண்டு வாழ்க.

கருணையினால் உபதேசக் கதியளித்தான் வாழியே – ஸ்ரீவைஷ்ணவ சம்பிரதாயமானது பெரிய வ்ருக்ஷம் போல வளர வேண்டும் என்று தனது உபதேசங்களினால் அனைவருக்கும் அருளிச்செய்தார்.  நம்மாழ்வாருக்குப் பின் முடங்கி இருந்த ஸ்ரீவைஷ்ணவ சம்பிரதாயத்திற்குப் புத்துயிர் அளித்து மிகுந்த கருணையுடன் தனக்குக் கிடைத்த அநுபவமானது இவ்வுலகத்தாருக்கும் கிடைக்கும்படி வழி செய்தார்.

நானிலத்தில் குருவரையை நாட்டினான் வாழியே – நானிலம் என்றால் நான்கு நிலங்களைக் (குறிஞ்சி, மருதம், முல்லை, நெய்தல்) கொண்ட இப்பூவுலகம்.  இப்பூவுலகத்தில் குருபரம்பரையை நிலைநாட்டியவர் நாதமுனிகள்.   அவர் பல்லாண்டு வாழ்க.

நலம்திகழும் நாதமுனி நற்பதங்கள் வாழியே – நல்ல குணங்களைக் கொண்ட நாதமுனிகளின்  திருவடிகள் பல்லாண்டு வாழ வேண்டும் என்று நாதமுனிகளின் வாழி திருநாமம் முற்றுப் பெறுகிறது.

உய்யக் கொண்டார் வைபவம்

உய்யக்கொண்டாரின் இயற்பெயர் புண்டரீகாக்ஷர்.  நாதமுனிகளிடம் சிஷ்யராக இருந்து நாலாயிர திவ்ய ப்ரபந்தங்களைக் கற்றவர்.  இவரது அவதார ஸ்தலம் திருவெள்ளறை.  இவர் சித்திரை மாதம் கார்த்திகை நக்ஷத்ரத்தில் அவதரித்தவர்.  நாதமுனிகள் யோக சாஸ்திரத்தில் சிறந்தவர் என்பதை அறிந்தோம்.  நாதமுனிகளின் முக்கியமான சிஷ்யர்கள் உய்யக்கொண்டார், குருகைக் காவலப்பன் ஆகியோர்.   நாதமுனிகள் யோகசாஸ்திரத்தை மேற்கூறிய சிஷ்யர்களுக்கு பயிற்றுவிக்க விரும்பியபோது, உய்யக்கொண்டார் “பிணம் கிடக்க மணம் புணர்வார் உண்டோ?” என்று கூறினார்.    இறந்து போனவர்கள் வீட்டில் திருமணம் போன்ற மங்களகரமான செயல்களைப் பற்றிப் பேசுவார்களா என்பது இவ்வாக்கியத்தின் பொருள்.  இந்த சம்சாரத்தில் இருப்பவர்கள் அல்லலுறும்போது நான் மட்டும் யோக சாஸ்திரத்தைக் கற்று எம்பெருமானை அனுபவிக்கலாகுமா? என்று உய்யக்கொண்டார் வினவினார்.  நான் நாலாயிர பாசுரங்களைக் கற்றுத் தேர்ந்து அவற்றை இவ்வுலகத்தவர்க்கு அறிவித்து அவர்கள் உய்யும் வழி செய்வேன் என்று சூளுரைத்தார். மற்றவர்கள் உஜ்ஜீவனத்திற்காகத் தன்னை அர்ப்பணித்தவர் என்ற பொருள்படும்படி உய்யக் கொண்டார் என்ற திருநாமம் ஏற்பட்டது.

உய்யக் கொண்டார் வாழி திருநாமம்

வாலவெய்யோன்தனை வென்ற வடிவழகன் வாழியே
மால் மணக்கால் நம்பிதொழும் மலர்ப்பதத்தோன் வாழியே
சீலமிகு நாதமுனி சீருரைப்போன் வாழியே
சித்திரையில் கார்த்திகை நாள் சிறக்கவந்தோன் வாழியே
நாலிரண்டும் ஐயைந்தும் நமக்குரைத்தான் வாழியே
நாலெட்டின் உட்பொருளை நடத்தினான் வாழியே
மால் அரங்க மணவாளர் வளமுரைப்போன் வழியே
வையம் உய்யக்கொண்டவர் தாள் வையகத்தில் வாழியே

உய்யக் கொண்டார் வாழி திருநாமம் விளக்கவுரை

வாலவெய்யோன்தனை வென்ற வடிவழகன் வாழியே – இவ்விடத்தில் பால வெய்யோன், இளம் சூரியன் என்று பொருள்படும்படி கூறப்பட்டுள்ளது.  இளம் சூரியனின் பிரகாசத்தையும் வெல்லும் வண்ணம் சிறந்த வடிவழகு கொண்ட உய்யக் கொண்டார் வாழ்க.

மால் மணக்கால் நம்பிதொழும் மலர்ப்பதத்தோன் வாழியே – மால் என்றால் அன்பு என்று பொருள்.  உய்யக் கொண்டாரின் சிஷ்யர் மணக்கால் நம்பி.  உய்யக் கொண்டாரிடத்தில் அன்பு கொண்ட மணக்கால் நம்பி தொழும் மலர் போன்ற திருவடிகளை உடைய உய்யக் கொண்டார் பல்லாண்டு வாழ்க என்று இவ்வரிகளில் காட்டப்பட்டுள்ளது.  சிஷ்யரின் பெயரைச் சொல்லி ஆசார்யனைக் கொண்டாடும் இவ்வரி உய்யக் கொண்டாரின் வாழி திருநாமத்தின் சிறப்பம்சமாகும்.

சீலமிகு நாதமுனி சீருரைப்போன் வாழியே – மிகச் சிறந்த குணங்களை உடைய நாதமுனி அவர்களின் பெருமையை உலகோர் அறிய எடுத்துரைத்த உய்யக் கொண்டார் வாழ்க.

சித்திரையில் கார்த்திகை நாள் சிறக்கவந்தோன் வாழியே – சித்திரை மாதம் கார்த்திகை நக்ஷத்திரத்தில் அவதரித்தமையால் அந்தக் கார்த்திகை நக்ஷத்திரமே சிறப்புப் பெற்றது என்று இவ்வரியில் காட்டப்பட்டுள்ளது.  அவ்வாறு சித்திரையில் கார்த்திகை நக்ஷத்திரத்தில் அவதரித்த உய்யக் கொண்டார் வாழ்க.

நாலிரண்டும் ஐயைந்தும் நமக்குரைத்தான் வாழியே – இவ்வரியும் அடுத்த வரியும் ஒன்றுக்கொன்று தொடர்பு கொண்டது.  நாலிரண்டு என்பது எட்டு எழுத்துகளைக் கொண்ட (அஷ்டாக்ஷரம்) நாராயண மந்திரம்.  ஐயைந்து என்பது இருபத்தைந்து எழுத்துகளைக் கொண்ட த்வய மஹா மந்திரத்தைக் குறிக்கும்.  திருமந்திரத்தையும், த்வய மஹா மந்திரத்தையும் நமக்கு எடுத்து உரைத்தவர் உய்யக் கொண்டார்.  அவர் பல்லாண்டு வாழ்க.

நாலெட்டின் உட்பொருளை நடத்தினான் வாழியே – நாலெட்டு என்பது முப்பத்திரண்டு எழுத்துகளைக் கொண்ட சரம ஶ்லோகத்தைக் குறிப்பதாகும்.  எம்பெருமான் கீதோபதேசத்தில் உரைத்த “ஸர்வதர்மாந் பரித்யஜ்ய மாமேகம் சரணம் வ்ரஜ | அஹம் த்வா ஸர்வபாபேப்யோ மோக்ஷயிஷ்யாமி மா ஶுச:||” சரம ஶ்லோகம் முப்பத்திரண்டு எழுத்துகளைக் கொண்டது.  ஸ்ரீவைஷ்ணவர்கள் சம்பிரதாயத்தில், திருமந்திரம், த்வய மஹா மந்திரம் மற்றும் சரமஸ்லோகம் முக்கியமான உபதேசங்களாகக் கருதப்படுகிறது.  இவை பஞ்சசம்ஸ்காரத்தின் போது ஆசார்யரால் உபதேசிக்கப்படும் மந்திரங்கள் ஆகும்.  இம்மந்திரங்களின் உட்கருத்துகளை உணர்ந்து அதன்படி இவ்வுலகத்தை உய்வித்த உய்யக் கொண்டார் வாழ்க.

மால் அரங்க மணவாளர் வளமுரைப்போன் வழியே – திருவரங்கத்தில் உறையும் ஸ்ரீமந் நாரயணன், அழகிய மணவாளர் என்று அழைக்கப்படும் ஸ்ரீரங்கநாதர்.  பெரிய பெருமாள் எனப்படும் அந்த எம்பெருமானின் பெருமையை அறிவித்த உய்யக்கொண்டார் பல்லாண்டு வாழ்க.

வையம் உய்யக்கொண்டவர் தாள் வையகத்தில் வாழியே – இந்த உலகமே உஜ்ஜீவிக்கும் வகையில் வழி நடத்திய உய்யக்கொண்டாரின் திருவடிகள் இந்த பூவுலகத்தில் பல்லாண்டு வாழ வேண்டும் என்று உய்யக் கொண்டாரின் வாழி திருநாமம் முற்றுப் பெறுகிறது.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ಉಪದೇಶ ರತ್ನಮಾಲೈ – ಸರಳ ವಿವರಣೆ ೧೦ ರಿಂದ ೧೧ ನೇ ಪಾಸುರಗಳು

Published by:

ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಉಪದೇಶ ರತ್ನಮಾಲೈ

<< ಹಿಂದಿನ ಶೀರ್ಷಿಕೆ

ಪಾಸುರ ೧೦
ರೋಹಿಣಿ ನಕ್ಷತ್ರವು ಕೃತ್ತಿಕಾ ನಕ್ಷತ್ರದ ನಂತರ ಬರುವುದರಿಂದ , ಮಾಮುನಿಗಳು ಈ ಲೋಕದ ಜನರಿಗೆ ಕಾರ್ತಿಕ ಮಾಸದ ರೋಹಿಣಿ ನಕ್ಷತ್ರದಂದು ಅವತರಿಸಿದ ತಿರುಪಪ್ಪಾನಾೞ್ವಾರರ ಶ್ರೇಷ್ಠತೆಯನ್ನು ತಿಳಿಸುತ್ತಾರೆ.ರೋಹಿಣಿ ನಕ್ಷತ್ರದಲ್ಲಿ ಎಂಪೆರುಮಾನರು ಕಣ್ಣನಾಗಿ (ಕೃಷ್ಣ) ಅವತಾರಿಸಿದ್ದಾರೆ, ಆೞ್ವಾರರಲ್ಲಿ ತಿರುಪಪ್ಪಾನಾೞ್ವಾರರಾಗಿ,ಆಚಾರ್ಯರಲ್ಲಿ ತಿರುಕೋಟ್ಟಿಯೂರ್ ನಂಬಿಯಾಗಿ ಅವತರಿಸಿರುತ್ತಾರೆ.ಆದ್ದರಿಂದ ಈ ನಕ್ಷತ್ರಕ್ಕೆ ಮೂರರಷ್ಟು ಮಹತ್ವ ನೀಡಿ ಕಂಡಾಡುವರು.

ಕಾರ್ತಿಗೈಯಿಲ್ ರೋಹಿಣಿ ನಾಳ್ ಕಾಣ್ಮಿನ್ ಇನ್ಱು ಕಾಸಿಯಿನೀರ್
ವಾಯ್ತ್ತ ಪುಗೞ್ ಪಾಣರ್ ವಂದುದಿಪ್ಪಾಲ್ ಆತ್ತಿಯರ್ಗಳ್
ಅಂಬುಡನೆ ತಾನ್ ಅಮಲನಾದಿಪಿರಾನ್ ಕಱ್ಱದಱ್ಪಿನ್
ನಂಗುಡನೇ ಕೊಂಡಾಡುಂ ನಾಳ್

ಓ ಲೋಕದ ಮಕ್ಕಳೇ ! ನೋಡಿ ಇಂದು ಕಾರ್ತಿಕ ಮಾಸದ ರೋಹಿಣಿ ನಕ್ಷತ್ರದ ಮಹಾದಿನ . ಈ ದಿನದಂದು ಉನ್ನತವಾದ ಅದ್ಭುತವಾದ ತಿರುಪಪ್ಪಾನಾೞ್ವಾರರು ಅವತರಿಸಿದ ದಿನ. ವೇದಗಳನ್ನು ನಂಬಿ ಆದರಿಸುವವರು , ಈ ಆೞ್ವಾರರು ಅನುಗ್ರಹಿಸಿದ ಅಮಲನಾದಿಪಿರಾನ್ ಎಂಬ ಪ್ರಬಂದವನ್ನು ಕಲಿತು ,ಈ ಹತ್ತು ಪಾಸುರಗಳು ವೇದಗಳ ಸಾರಾಂಶ,ಸದಾ ಎಂಪೆರುಮಾನರನ್ನು ನೋಡುವುದು ಎಂದು ಸುಂದರವಾಗಿ ವಿವರಿಸುವುದೆಂದು ತಿಳಿದುಕೊಂಡಿರುತ್ತಾರೆ . ಅಂಥವರು ಈ ದಿನವನ್ನು ವಿಶೇಷವಾಗಿ ಕೊಂಡಾಡುವರು .

ಪಾಸುರ ೧೧
ಲೋಕದ ಜನರಿಗೆ ಮಾರ್ಗಶಿರ ಮಾಸದಲ್ಲಿ ಅವತರಿಸಿದ ವೇದಾರ್ಥಗಳನ್ನು ಅರಿತ ತೊಂಡರಡಿಪ್ಪೊಡಿ ಆೞ್ವಾರರ ಶ್ರೇಷ್ಟತೆಯನ್ನು ವೇದ ನಿಪುಣರು ಕೊಂಡಾಡುವುದರ ಬಗ್ಗೆ ವಿವರಿಸುತ್ತಾರೆ .
ಹನ್ನೆರಡು ಮಾಸಗಳಲ್ಲಿ ತಾನು ಮಾರ್ಗಶಿರ ಎಂದು ಎಂಪೆರುಮಾನರು ಶ್ರೀ ಗೀತೆ (ಭಗವದ್ಗೀತೆ)ಯಲ್ಲಿ ಹೇಳಿರುವುದೇ ಈ ಮಾಸದ ವೈಶಿಷ್ಟಯತೆ . ಅದಲ್ಲದೆ , ಈ ಮಾಸದಲ್ಲಲ್ಲವೇ ಆಂಡಾಳ್ ದಯೆತೋರಿ ತಿರುಪ್ಪಾವೈ ಹಾಡಿದ್ದು. ಮಾರ್ಗಶಿರ ಮಾಸದ ಜ್ಯೇಷ್ಟಾ ನಕ್ಷತ್ರಕ್ಕೆ ಮತ್ತೊಂದು ಖ್ಯಾತಿ ಇದೆ. ಅದು ಜಗದ್ಗುರು ಎಂಪೆರುಮಾನಾರ್ ಅವರ ಆಚಾರ್ಯರಾದ ಪೆರಿಯ ನಂಬಿಗಳು ಅವತರಿಸಿದ ನಕ್ಷತ್ರ.

ಮನ್ನಿಯಸೀರ್ ಮಾರ್ಗೞಿಯಿಲ್ ಕೇಟ್ಟೈ ಇನ್ಱು ಮಾನಿಲತ್ತೀರ್
ಎನ್ನಿದನುಕ್ಕು ಏಱಮ್ ಎನಿಲ್ ಉರೈಕ್ಕೇನ್ – ತುನ್ನು ಪುಗೞ್
ಮಾಮಱೈಯೊನ್ ತೊಂಡರಡಿಪ್ಪೊಡಿ ಆೞ್ವಾರ್ ಪಿಱಪ್ಪಾಲ್
ನಾನ್ಮಱೈಯೋರ್ ಕೊಂಡಾಡುಮ್ ನಾಳ್

ಓ ಜಗತ್ತಿನ ಮಕ್ಕಳೇ ! ವೈಶ್ಣವ ಮಾಸ ಎಂದು ಭಾವಿಸುವ ಮಾರ್ಗಶಿರ ಮಾಸದ ಜ್ಯೇಷ್ಟಾ ನಕ್ಷತ್ರದ ಮಹತ್ವವನ್ನು ಹೇಳುತ್ತೇನೆ . ಈ ದಿನದಂದು ಎಂಪೆರುಮಾನರ ಶಿಷ್ಯರ ದಾಸ್ಯ ಸೇವೆಯಲ್ಲಿದ್ದು , ಕೈಂಕರ್ಯವೇ ವೇದಗಳ ಪ್ರಮುಖ ಅರ್ಥವೆಂದು ತಿಳಿದ ತೊಂಡರಡಿಪ್ಪೊಡಿ ಆೞ್ವಾರ್ ಅವತರಿಸಿದ ದಿನವೆಂದು ಎಂಪೆರುಮಾನರಂತಹ ವೇದ ನಿಪುಣರು ಕೊಂಡಾಡುವ ದಿನ .

ಅಡಿಯೇನ್ ರಂಗನಾಯಕಿ ರಾಮಾನುಜ ದಾಸಿ

ಮೂಲ : http://divyaprabandham.koyil.org/index.php/2020/06/upadhesa-raththina-malai-10-11-simple/

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು ) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

ತಿರುವಾಯ್ಮೊೞಿ ನೂಟ್ರಂದಾದಿಯ – ಸರಳ ವಿವರಣೆ

Published by:

ಶ್ರೀ: ಶ್ರೀಮತೇ ಶಠಕೋಪಾಯ ನಮ: ಶ್ರೀಮತೇ ರಾಮಾನುಜಾಯ ನಮ: ಶ್ರೀಮದ್ ವರವರಮುನಯೇ ನಮ:

ಇತರ ಪ್ರಬಂದಗಳು

ಶ್ರಿಮನ್ನಾರಾಯಣನು ಆಳ್ವಾರಿಗೆ ನಿರ್ದೋಷವಾದ ಜ್ಞಾನ-ಭಕ್ತಿಗಳನ್ನು ತನ್ನ ವಿಷಯದಲ್ಲಿ ಅನುಗ್ರಹಿಸಿದನು. ನಮ್ಮಾಳ್ವಾರಿನ ಈ ಅಗಾಧ ಅನುಭವವು ತಿರುವಿರುತ್ತಮ್ ,ತಿರುವಾಸಿರಿಯಮ್ , ಪೆರಿಯ ತಿರುವಂದಾದಿ ಹಾಗು ತಿರುವಾಯ್ಮೊೞಿ ರೂಪವನ್ನು ಪಡೆದವು. ತಿರುವಾಯ್ಮೊೞಿಯು ಸಾಮವೇದದ ಸಾರ. ಮುಮುಕ್ಷುವಿನಿಂದ ಜ್ಞಾತವ್ಯವಾದ ( ಮೋಕ್ಷವನ್ನು ಪಡೆಯಲು ಇಚ್ಛಿಸುವವನಿಂದ ತಿಳಿಯಬೇಕಾದ) ಎಲ್ಲಾ ಅರ್ಥಗಳು- ಅರ್ಥ-ಪಂಚಕದ ಜ್ಞಾನವನ್ನು ತಿರುವಾಯ್ಮೊೞಿಯು ತಿಳಿಸುತ್ತದೆ. ನಮ್ಪಿಳ್ಳೈಯಿನ ‘ಈಡು’ ವ್ಯಾಖ್ಯಾನವು ಇದರ ಅರ್ಥಗಳನ್ನು ವಿಸ್ತರವಾಗಿ ವಿವರಿಸುತ್ತದೆ

ಮಣವಾಳ ಮಾಮುನಿಗಳಿಂದ ರಚಿತವಾದ ಒಂದು ಅದ್ಭುತ ಗ್ರಂಥವು ತಿರುವಾಯ್ಮೊೞಿ ನೂಟ್ರಂದಾದಿ . ಇದರ ರಚನೆಯಲ್ಲಿ ಮಾಮುನಿಗಳು ಹಲವಾರು ನಿರ್ಬಂಧನೆಗಳೂಂದಿಗೆ ರಚಿಸಿದ್ದಾರೆ, ಅವು:

*ಕಲಿಕೆ ಹಾಗು ಪಠನದ ಸರಳತೆಗಾಗಿ ಅಂದಾದಿಯ ಪದ್ಯ ರೂಪದಲ್ಲಿರಬೇಕು.
*ಅದರ ಪ್ರತಿ ಪಾಸುರದಲ್ಲೂ ಈಡು-ವ್ಯಾಖ್ಯಾನವನ್ನು ಅನುಸರಿಸಿ ಪ್ರತಿ ದಶಕದ ಅರ್ಥವನ್ನು ತಿಳಿಸ ಬೇಕು
*ಪ್ರತಿ ಪಾಸುರದಲ್ಲೂ ನಮ್ಮಾಳ್ವಾರರ ನಾಮ ಹಾಗು ವೈಭವವು ಇರಬೇಕು
ಪಿಳ್ಳೈ ಲೋಕಮ್ ಜೀಯರಿನ ವ್ಯಾಖ್ಯಾನದ ಸಹಾಯದಿಂದ ಅತಿ ಸ್ವಾರಸವಾದ ಈ ಗ್ರಂಥದ ಸರಳ ಅರ್ಥವನ್ನು ಅನುಭವಿಸೋಣ.

ಅಡಿಯೇನ್ ಆಳವಂದಾರ್ ರಾಮಾನುಜ ದಾಸನ್

ಮೂಲ – http://divyaprabandham.koyil.org/index.php/2020/09/thiruvaimozhi-nurrandhadhi-simple/

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

வாழிதிருநாமங்கள் – ஸேனை முதலியார் மற்றும் நம்மாழ்வார் – எளிய விளக்கவுரை

Published by:

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

ஆழ்வார் ஆசார்யர்கள் வாழிதிருநாமங்கள் – எளிய விளக்கவுரை

<< பெரிய பெருமாள் மற்றும் பெரிய பிராட்டியார்

ஸேனை முதலியார் வைபவம்

ஸேனை முதலியார் என்பவர் விஷ்வக்ஸேனர் என்று கொண்டாடப்படும் நித்யஸுரி ஆவார்.   நித்யஸுரிகள் என்பவர்கள் பரமபதத்தில் இருந்து எம்பெருமானுக்கு கைங்கர்யம் செய்பவர்கள்.  அவர்களுக்கு சம்ஸார பந்தங்கள் என்பது அறவே கிடையாது.  அந்த நித்யஸுரிகளுக்குத் தலைவராகக் கருதப்படுபவர் விஷ்வக்ஸேனர்.  எம்பெருமானுக்கு சேனாதிபதியாக இருந்து நிர்வாகம் செய்பவர்.  எம்பெருமான் பரமபதத்தில் பிராட்டிமார்களுடனும், நித்யஸுரிகளுடனும், முக்தர்களுடனும் ஆனந்தமாக அனுபவித்துக் கொண்டு இருப்பான்.  விஷ்வக்ஸேனர் ஒரு மூத்த மந்திரி போல் இருந்து அனைத்து நிர்வாகங்களையும் சிறப்பாக நடத்துவார் என்பதை அறிகிறோம். “த்வதீய புக்தோஜ்ஜித ஶேஷபோஜிநா” என்று ஸ்தோத்ர ரத்நத்தில் இவருடைய வைபவத்தை ஆளவந்தார் அருளியுள்ளார்.  எம்பெருமான் அமுது செய்த சேஷப் பிரசாதத்தை முதலில் உண்ணக் கூடியவர் இந்த விஷ்வக்ஸேனர் என்றும் அறியலாம்.  எம்பெருமானுடைய சேஷத்தை உண்ணக் கூடியவர் என்னும் பொருள் படும்படி “சேஷாஸநர்” என்றும் அழைக்கப் படுகிறார்.  இவருடைய திருநக்ஷத்ரம் ஐப்பசி பூராடம்.  நித்யஸுரிகளுக்குப் பிறப்பு இல்லாதபோது திருநக்ஷத்ரம் எப்படி இருக்கும் என்ற ஐயம் எழலாம்.  எவ்வாறு எம்பெருமான் அவதாரம் எடுத்து இந்தப் பூவுலகில் எழுந்தருளினாரோ அதே போன்று எம்பெருமானின் அர்ச்சாவதார காலத்தில் விஷ்வக்ஸேனரும் உடன் எழுந்தருளியிருப்பார்.  ப்ரம்மோத்ஸவ காலங்களில் திவ்யதேசங்களில் கொடியேற்றம் முன்பே நகர சோதனை என்ற பெயரில் எம்பெருமான் வீதி உலா செல்லும் திருவீதிகளை சோதனை செய்து வருவார்.  இவ்வாறு ஸேனை முதலியார் ஸ்ரீவைஷ்ணவ சம்பிரதாயத்தில் முக்கியமானவராகக் கருதப்படுகிறார்.  பெரிய பிராட்டிக்குப் பிறகு, மூன்றாவது ஆசார்யராக இவர் இருக்கிறார்.

ஸேனை முதலியாரின் வாழி திருநாமம்

ஓங்கு துலாப் பூராடத்துதித்த செல்வன் வாழியே
ஒண்டொடியாள் சூத்ரவதி உறை மார்பன் வாழியே
ஈங்குலகில் சடகோபற்கிதமுரைத்தான் வாழியே
எழிற் பிரம்பின் செங்கோலை ஏந்துமவன் வாழியே
பாங்குடன் முப்பத்துமூவர் பணியுமவன் வாழியே
பங்கயத்தாள் திருவடியைப் பற்றினான் வாழியே
தேங்குபுகழ் அரங்கரையே சிந்தை செய்வோன் வாழியே
சேனையர்கோன் செங்கமலத் திருவடிகள் வாழியே

ஸேனை முதலியாரின் வாழி திருநாமம் விளக்கவுரை

ஓங்கு துலாப் பூராடத்துதித்த செல்வன் வாழியே – சிறப்புடைய ஐப்பசி மாதத்தில் பூராட நக்ஷத்ரத்தில் உதித்த செல்வன் (எம்பெருமானுக்கு விடாது கைங்கர்யம் செய்யும் செல்வத்தை உடையவர்) வாழ்க என்று இவ்வரியில் காட்டப்படுகிறது.

ஒண்டொடியாள் சூத்ரவதி உறை மார்பன் வாழியே – ஒண்டொடியாள் என்றால் வளைந்த அழகிய கைகளை உடையவள்.  சூத்ரவதி என்பது விஷ்வக்ஸேனரின் தர்மபத்தினி.  வளைந்த அழகிய கைகளையுடைய சூத்ரவதி திருமார்பில் உறைந்திருக்கக் கூடிய விஷ்வக்ஸேனர் வாழ்க.  ஒண்டொடியாள் என்ற சொல்லை நம்மாழ்வாரும் தனது பாசுரங்களில் எடுத்து ஆண்டிருக்கிறார்.  பிராட்டியை வர்ணிக்கும்போது ஆழ்வார் அழகிய வளைந்த கைகளை உடையவள் என்று கூறுகிறார்.  எவ்வாறு பிராட்டியானவள் எம்பெருமானை “அகலகில்லேன் இறையுமென்று” என்று இமைப்பொழுதும் எம்பெருமானின் திருமார்பை விட்டுப் பிரியாது இருக்கிறாளோ அவ்வாறே சூத்ரவதியும் விஷ்வக்ஸேனரை விட்டுப் பிரியாது இருக்கிறாள்.  விஷ்வக்ஸேனரும் எம்பெருமானின் அம்சமாகவே கருதப்படுகிறார்.   பல திவ்யதேசங்களில்  ப்ரம்மோத்சவம் துவங்குவதற்கு முன்பாக மண்ணில் விதைகளை விதைத்து “திருமுளைச்சாற்று” என்ற வைபவம் நடக்கும். இந்த வைபவத்தை விஷ்வக்ஸேனர்தான் மேற்பார்வையிடுவதாக ஐதீகம்.  நகர சோதனை செல்வதற்கு முன்பாக விஷ்வக்ஸேனரை ஒரு பல்லக்கில் எம்பெருமானுக்கு முதுகு காட்டியபடி எழுந்தருளச்செய்து இந்த திருமுளைச்சாற்று வைபவத்தை நடத்துவர்.  மற்றைய ஆழ்வார்களோ ஆசார்யர்களோ எழுந்தருளச் செய்யும்போது எம்பெருமானைப் பார்த்தபடிதான் எழுந்தருளச் செய்வார்கள்.  இவர் எம்பெருமானின் பிரதிநிதியாக இருப்பதால் எம்பெருமானைப் போலவே எழுந்தருளியிருப்பார்.  அத்தகைய சிறப்பு வாய்ந்தவர்.  தன் பத்தினியான வளைந்த அழகிய கைகளையுடைய சூத்ரவதி உறையும் திருமார்பை உடைய விஷ்வக்ஸேனர் பல்லாண்டு வாழ்க.

ஈங்குலகில் சடகோபற்கிதமுரைத்தான் வாழியே – இந்தப் பூவுலகில் சடகோபன் எனப்படும் நம்மாழ்வாருக்கு நல்ல உபதேசங்களை அருளியவர் விஷ்வக்ஸேனர்.  எம்பெருமான் நம்மாழ்வாருக்கு மயர்வற மதிநலம் அருளிய போதும், விஷ்வக்ஸேநர் மூலமாக நம்மாழ்வாருக்கு பஞ்ச சம்ஸ்காரம் செய்வித்து நல்ல உபதேசங்களைச் செய்து நம்மாழ்வாருக்கும் குரு பரம்பரையில் தனக்கு அடுத்தபடியான ஆசார்யர் ஸ்தானத்தை அருளியவர் இந்த ஸேனை முதலியார்.  அவ்வாறு நம்மாழ்வாருக்கு உபதேசங்களை செய்வித்த ஸேனை முதலியார் பல்லாண்டு வாழ்க.

எழிற் பிரம்பின் செங்கோலை ஏந்துமவன் வாழியே –  எம்பெருமான் சார்பில் எம்பெருமான் செங்கோலையும், கையில் ஒரு பிரம்பையும் வைத்துக்கொண்டு எம்பெருமானின் அரசை வழி நடத்தும் விஷ்வக்ஸேநர் வாழ்க என்று இவ்வரியில் காட்டப்படுகிறது.

பாங்குடன் முப்பத்துமூவர் பணியுமவன் வாழியே – முப்பத்து மூவர் என்பது ஒவ்வொரு அண்டத்திற்கும் ப்ரம்மா (1), இந்த்ரன் (1), த்வாத ஆதித்யர்கள் (12), ஏகாத ருத்ரர்கள் (11), அஷ்ட வசுக்கள் (8) என்று முப்பத்து மூன்று தேவர்கள் உண்டு.  இந்த முப்பத்து மூன்று தேவர்களும் விஷ்வக்ஸேநரின் சொற்படி நடப்பவர்கள்.  அவ்வாறு இந்த முப்பத்து மூவரும் பணிந்து நடக்கும் சிறப்புடைய விஷ்வக்ஸேநர் வாழ்க.

பங்கயத்தாள் திருவடியைப் பற்றினான் வாழியே – தாமரை மலரில் தோன்றிய ஸ்ரீமஹாலக்ஷ்மியின் திருவடிகளை வணங்குபவர் விஷ்வக்ஸேநர்.  குரு பரம்பரையில் பெரிய பிராட்டியாரின் சிஷ்யராக இருக்கக் கூடியவர் விஷ்வக்ஸேநர்.  அவர் வாழ்க.

தேங்குபுகழ் அரங்கரையே சிந்தை செய்வோன் வாழியே  – திருவரங்கத்தில் பெரிய பெருமாளின் முதல் ப்ராகாரத்திலேயே விஷ்வக்ஸேநரின் சந்நிதி அமைந்துள்ளது. சிறந்த புகழை உடைய திருவரங்கத்தில் உறையும் ஸ்ரீரங்கநாதரை எப்பொழுதும் மனதில் நினைத்துக் கொண்டிருக்கக் கூடிய விஷ்வக்ஸேநர் பல்லாண்டு வாழ்க என்று இந்த வரியில் காட்டப்படுகிறது.

சேனையர்கோன் செங்கமலத் திருவடிகள் வாழியே – படைத்தளபதி, சேனாதிபதி என்று சொல்லக் கூடிய விஷ்வக்ஸேநருடைய சிவந்த தாமரை போன்ற திருவடிகள் பல்லாண்டு காலம் வாழ்க என்று விஷ்வக்ஸேநரின் வாழி திருநாமம் முடிவடைகிறது.

நம்மாழ்வார் வைபவம்

சடகோபன், மாறன், மகிழ்மாறன், வழுதிவளநாடன் என்று வேறு பெயர்களை உடையவர்.  வைஷ்ணவ குலபதி என்று கொண்டாடப்படுபவர்.  ப்ரபந்நர்களுக்குத் தலைவராக இருப்பதால் ப்ரபந்ந ஜந கூடஸ்தர் என்று அழைக்கப்பட்டவர்.  ஆழ்வார் திருநகரி எனப்படும் திருக்குருகூரிலே எம்பெருமானாலே மயர்வற மதிநலம் அருளப்பெற்று அவதரித்தவர்.  நம்மாழ்வாருடைய திருநக்ஷத்ரம் வைகாசி விசாகம்.  இன்றளவும் வைகாசி விசாகம் ஆழ்வார் திருநகரியிலே மிகவும் கோலாகலமாகக் கொண்டாடப்படுகிறது.  இந்த திவ்யதேசத்தில் எம்பெருமானுக்கு உள்ள அனைத்து பெருமைகளும் ஆழ்வாருக்கும் உண்டு.  எம்பெருமானுக்கு இரண்டு ப்ரம்மோத்ஸவம்.  ஆழ்வாருக்கும் இரண்டு அவதார உத்ஸவங்கள்.  ஒரு உத்ஸவம் வைகாசி விசாகத்தில் கொண்டாடப்படும். மற்றொன்று மாசி விசாகத்தில் விக்ரஹ ப்ரதிஷ்டை உத்ஸவம் கொண்டாடப்படும்.  ஆழ்வார் திருநகரி பெருமாளுக்கு கொடிமரம் உள்ளது போல் ஆழ்வாருக்கும் ஹம்ச கொடியுடன் கூடிய கொடிமரம் உள்ளது.  நான்கு வேதங்களின் சாரங்களையும் நான்கு ப்ரபந்தங்களில் (திருவிருத்தம், திருவாசிரியம், பெரிய திருவந்தாதி மற்றும் திருவாய்மொழி) நம்மாழ்வார் அருளிச் செய்தமையால் “வேதம் தமிழ் செய்த மாறன்” என்று அறியப்படுகிறார்.

நம்மாழ்வார் வாழி திருநாமம்

திருக்குருகைப் பெருமாள் தன் திருத்தாள்கள் வாழியே
திருவான திருமுகத்துச் செவ்வியென்றும் வாழியே
இருக்குமொழி என் நெஞ்சில் தேக்கினான் வாழியே
எந்தை எதிராசர்க்கு இறைவனார் வாழியே
கருக்குழியில் புகா வண்ணம் காத்தருள்வோன் வாழியே
காசினியில் ஆரியனைக் காட்டினான் வாழியே
வருத்தமற வந்தென்னை வாழ்வித்தான் வாழியே
மதுரகவி தம் பிரான் வாழி வாழி வாழியே

நம்மாழ்வார் வாழி திருநாமம் விளக்கவுரை

திருக்குருகைப் பெருமாள் தன் திருத்தாள்கள் வாழியே – நம்மாழ்வார் திருக்குருகூரில் வீற்றிருக்கும் எம்பெருமானுக்கு நிகரான வைபத்தைப் பெற்றதனால் பெருமாள் என்று இவ்வரியில் காட்டப்படுகிறது. திருக்குருகூரில் அவதரித்த நம்மாழ்வாரின் திருவடிகள் பல்லாண்டு வாழ்க.

திருவான திருமுகத்துச் செவ்வியென்றும் வாழியே – நம்மாழ்வாரின் பொன்னைப் போன்ற திருமுகத்தில் விளங்கும் பொலிவானது  (செவ்வி) எந்தக் காலத்திலும் சிறந்து விளங்க வேண்டும் என்பது இவ்வரியில் காட்டப்படுகிறது.

இருக்குமொழி என் நெஞ்சில் தேக்கினான் வாழியே – வேதத்தில் முதன்மையான வேதமான ரிக் வேதம் தமிழில் “இருக்கு” என்று சொல்லப்பட்டுள்ளது.   அநாதியான வேதத்தில் எண்ணற்ற சாகைகள் உள்ளன.  அதில் கூறப்பட்ட சாரங்களை நமக்கு தமது ப்ரபந்தங்களில் எளிமையாக நமது நெஞ்சில் பதியும் வண்ணம் அருளிச் செய்தவர் நம்மாழ்வார்.  அவர் பல்லாண்டு வாழ வேண்டும்.

எந்தை எதிராசர்க்கு இறைவனார் வாழியே – என்னுடைய தந்தையான (அப்பிள்ளையின் வாய் மொழியில்) எதிராசர் (எதிகளுக்கு தலைவரான எம்பெருமானார்) என்று அழைக்கப்படும் ராமாநுஜருக்கு இறைவனான நம்மாழ்வார் பல்லாண்டு வாழ்க. “பூமன்னு மாது பொருந்திய மார்பன், புகழ் மலிந்த பாமன்னு மாறன் அடி பணிந்து உய்ந்தவன்” என்று திருவரங்கத்தமுதனார் இராமாநுச நூற்றந்தாதியில் பாடிய வண்ணம் நம்மாழ்வாரின் திருவடியை அடைந்து உஜ்ஜீவனம் அடைந்தவர் எம்பெருமானார்.  நம்மாழ்வாரே ராமாநுஜரிடம் மிகுந்த உகப்புடன் இருந்தவர்.  அத்தகைய சிறப்பு பெற்ற நம்மாழ்வார் வாழ்க.

கருக்குழியில் புகா வண்ணம் காத்தருள்வோன் வாழியே –   நம்மாழ்வாரின் திருவாய்மொழியின் ஒவ்வொரு பதிகத்தின் பலப் பாசுரங்களிலும், ஆழ்வாரின் பாசுரங்களைச் சேவித்தவர்கள் மீண்டும் இப்புவியில் பிறக்க மாட்டார்கள் என்பது வலியுறுத்தப்பட்டுள்ளது.  அவ்வாறு நம்மாழ்வாரின் பாசுரங்களைச் சேவிப்பதன் மூலம் கர்ப்பவாசம் செய்யாமல் (மீண்டும் பிறவாமல்) பரமபதம் சென்று எம்பெருமானுக்கு கைங்கர்யம் செய்யும் வண்ணம் நம்மைக் காத்து ரக்ஷிக்கும் தன்மை பெற்ற நம்மாழ்வார் வாழ்க என்று இவ்வரியில் காட்டப்பட்டுள்ளது.

காசினியில் ஆரியனைக் காட்டினான் வாழியே – காசினி என்றால் உலகம்.  இப்பூவுலகில் நமக்கு ஆசார்யனை காட்டிக் கொடுத்தவர் நம்மாழ்வார்.  நாதமுனிகளை ஒரு ஆசார்யனாக உருவாக்கி நமக்கு அளித்தவர் நம்மாழ்வார். நாதமுனிகள் யோக சாஸ்திரத்தில் வல்லவராதலால் திருப்புளியாழ்வார் மரத்தினடியில் அமர்ந்து பன்னீராயிரம் முறை கண்ணிநுண் சிறுத்தாம்பு ப்ரபந்தத்தை அநுஷ்டிக்க நம்மாழ்வார் அவர் முன் தோன்றி “என்ன வேண்டும்” என்று வினவ, அதற்கு நாதமுனிகள் “தேவரீர் இயற்றிய ஆயிரம் பாசுரங்களைத் தந்தருள வேண்டும்” என்றார்.  நம்மாழ்வார் தாம் இயற்றிய அனைத்து ப்ரபந்தங்கள் (முறையே திருவாய்மொழி, திருவிருத்தம், திருவாசிரியம், பெரிய திருவந்தாதி) மட்டுமன்றி ஏனைய ஆழ்வார்கள் அருளிச் செய்த ப்ரபந்தங்களையும் சேர்த்து நாலாயிர திவ்ய ப்ரபந்தமாக கொடுத்து அதற்கான விளக்கங்களையும் நாதமுனிகளுக்குக் கொடுத்து அருளினார்.  அதன்மூலம் குரு பரம்பரையில் நம்மாழ்வாருக்கு அடுத்த ஆசார்யராக நாதமுனிகளைக் காட்டினார் என்றும் ஒரு அர்த்தம் கொள்ளலாம்.

மேலும் ராமாநுஜரைக் காட்டியதாகவும் கொள்ளலாம். மதுரகவி ஆழ்வார் தாமிரபரணி நீரைக் காய்ச்சும்பொழுது முதலில் கிடைத்த திருமேனி பவிஷ்யதாசார்யர் (ஸ்ரீராமாநுஜர்) விக்ரஹம் கை கூப்பிய வண்ணம் கிடைத்தது.  மதுரகவி ஆழ்வார் ஆச்சர்யத்துடன் நம்மாழ்வாரிடம் நான் தேவரீரது விக்ரஹம் வேண்டினேன் ஆனால் கிடைத்திருப்பதோ கை கூப்பியபடி வேறு ஒரு விக்ரஹம் என வினவ, நம்மாழ்வார் இவர் என்னுடைய திருவடி ஸ்தானம் ஆனவர்.  பிற்காலத்தில், ஏறக்குறைய 4000 ஆண்டுகளுக்குப் பின் இந்த ஆசார்யர் தோன்றி வைணவ சம்பிரதாயத்தை சிறந்த முறையில் வளர்ப்பார் என்று உரைக்கிறார்.  மதுரகவி ஆழ்வார் தேவரீருடைய விக்ரஹம் வேண்டும் என வினவ, நம்மாழ்வார் மீண்டும் தாமிரபரணி நீரைக் காய்ச்சினால் கிடைக்கும் என்று அருள, அதன்படி கிடைக்கப் பெற்ற விக்ரஹம் தான் நாம் இப்போது ஆழ்வார் திருநகரியில் தரிசிக்கும் ஆழ்வார் திருமேனி ஆகும்.  இது நம்மாழ்வார் காட்டிக் கொடுத்த ராமாநுஜரின் முதல் திருமேனி ஆகும்.

மேலும் நாதமுனிகளுக்கு ப்ரபந்தங்களை அருளும்போது “பொலிக பொலிக” பதிகம் வரும்போது, ஒரு சந்நியாசியின் வடிவில் நம்மாழ்வார் நாதமுனிகளுக்குக் கனவில் காட்சி தருகிறார்.  நாதமுனிகள் அந்த திருமேனியை உகப்புடன் தரிசித்து அத்திருமேனியை நம்மாழ்வாரிடம் வேண்ட, இத்திருமேனி உடைய ஆசார்யர் பிற்காலத்தில் அவதரிப்பார் என்று நம்மாழ்வார் அறிவித்தார்.  மேலும் ஒரு சிற்பியைக் கொண்டு அத்திருமேனியை வடிவமைத்து நாதமுனிகளிடத்தில் கொடுத்தார் நம்மாழ்வார்.  இந்த இரண்டாவது பவிஷ்யதாசார்யர் திருமேனி நாதமுனி காலம் தொட்டு, உய்யக்கொண்டார், மணக்கால் நம்பி என்று இறுதியில் திருக்கோட்டியூர் நம்பியை அடைந்து திருக்கோட்டியூரில் ப்ரதிஷ்டை செய்யப்பட்டு இன்றளவும் நாம் சேவிக்கும்படி உள்ளது.  அத்தகைய சிறப்புடைய ஆசார்யர்களான நாதமுனிகளையும்  ராமாநுஜரையும் இப்புவிக்கு காட்டிக் கொடுத்த நம்மாழ்வார் வாழ்க.

வருத்தமற வந்தென்னை வாழ்வித்தான் வாழியே – என்னுடைய வருத்தங்கள் அனைத்தும் நீக்கி என்னை வாழ்ச்சி அடையச் செய்த நம்மாழ்வார் வாழ்க.  நம்மாழ்வார் தமது பாசுரங்கள் மூலமாக எம்பெருமானை, ஆசார்யனைக் காட்டிக் கொடுத்துள்ளார்.  அவர் பாசுரங்களைச் சேவிப்பதன் மூலம் எம்பெருமான் மற்றும் ஆசார்யன் அனுக்ரஹம் பெற்று மேன்மை அடையலாம் என்று அறிகிறோம்.  நம்மை வாழ்ச்சி அடையச் செய்த நம்மாழ்வார் பல்லாண்டு வாழ்க.

மதுரகவி தம் பிரான் வாழி வாழி வாழியே – மதுரகவி ஆழ்வாருக்கு ஆசார்யனாக இருந்தவர் நம்மாழ்வார்.  “தேவு மற்றறியேன்” என்று மதுரகவி ஆழ்வார் நம்மாழ்வாரைத் தவிர வேறு ஒன்றும் எண்ணாதவர்.  அவ்வாறு மதுரகவி ஆழ்வாருக்கு அனைத்துமாக இருந்த நம்மாழ்வார் பல்லாண்டு காலம் வாழ வேண்டும் என்று நம்மாழ்வாரின் வாழி திருநாமம் முற்றுப்பெறுகிறது.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ಉಪದೇಶ ರತ್ನಮಾಲೈ- ಸರಳ ವಿವರಣೆ ೭ ರಿಂದ ೯ ನೇ ಪಾಸುರಗಳು

Published by:

ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಉಪದೇಶ ರತ್ನಮಾಲೈ

<< ಹಿಂದಿನ ಶೀರ್ಷಿಕೆ

ಪಾಸುರ ೭

ಈ ಲೋಕಕ್ಕೆ ಪರಮ ಹಿತ ದಾಯಪಾಲಿಸಿದ ಅವರ ದೈವೀಕ ನಾಮಗಳು ದೃಡವಾಗಿ ಸ್ಥಾಪಿಸಿದ ರೀತಿಯನ್ನು ಅವರು ವಿವರಿಸಿದ್ದಾರೆ.

ಮಱಱಉಳ್ಳ ಆೞ್ವಾರ್ಗಳುಕ್ಕು ಮುನ್ನೇ ವಂದುದಿತ್ತು  
ನಱಱಮಿಳಾಳ್ ನೂಲ್ ಸೈದು ನಾಟ್ಟೈ ಉಯ್ತ್ತ – ಪೆಱಱಿಮೈಯೋರ್ 
ಎನ್ರು ಮುದಲ್ ಆೞ್ವಾರ್ಗಳ್ ಎನ್ನುಂ ಪೆಯರ್ ಇವರ್ಕ್ಕು
ನಿನ್ಱದು ಉಲಗತ್ತೇ ನಿಗೞ್ನ್ದು  
  

ಈ ಮೂವರು ಆೞ್ವಾರ್ಗಳು ಮಿಕ್ಕ ಆೞ್ವಾರ್ಗಳಿಗೆ  ಮುಂದಾಗಿ ಅವತರಿಸಿದ್ದು ಅವರ ಪ್ರಬಂದಗಳನ್ನು ತಮಿಳಿನಲ್ಲಿ ರಚಿಸಿ ಲೋಕವನ್ನು ಸರಿಪಡಿಸಿದರಿಂದ, ಮುದಲ್ ಆೞ್ವಾರ್ಗಳು  ಎಂಬ ಹೆಸರು ಇವರಿಗೆ ದೃಡವಾಗಿ ಸ್ಥಾಪಿಸಲಾಗಿದೆ .

ಪಾಸುರ  ೮

ಕಾಲಾನುಕ್ರಮ ಅವತಾರಾಗಳನ್ನು ಅನುಸರಿಸುವರೆಂದು ಹೇಳಿದ್ದರಿಂದ , ಆಶ್ವಯುಜ (ಐಪ್ಪಸಿ )ಮಾಸದ ನಂತರ, ಅವರು ಕಾರ್ತಿಕ ಮಾಸದಲ್ಲಿ ಅವತರಿಸಿದ ತಿರುಮಂಗೈ ಆೞ್ವಾರರ ಬಗ್ಗೆ ಕರುಣೆಯಿಂದ ಹೇಳಿದ್ದಾರೆ . ತಿರುಮಂಗೈ ಆೞ್ವಾರರ ಶ್ರೇಷ್ಟತೆಯನ್ನು ಎರಡು ಪಾಸುರಗಳಲ್ಲಿ ಅವರು ವಿವರಿಸಿದ್ದಾರೆ. ಮೊದಲನೆಯದಾಗಿ , ತಿರುಮಂಗೈ ಆೞ್ವಾರರು ಅವತರಿಸಿದ ದಿನದ ಶ್ರೇಷ್ಟತೆಯನ್ನು ಹೃದಯಪೂರ್ವಕರಾಗಿ ವಿವರಿಸುತ್ತಾರೆ.

ಪೇದೈ ನೆಂಜೇ ಇನ್ಱೈ  ಪರುಮೈ ಅಱಿಂದಿಲಯೋ 
ಏದು ಪೆರುಮೈ ಇನ್ಱೈಕ್ಕು  ಎನ್ಱು  ಎನ್ನಿಲ್ – ಓದುಗಿನ್ಱೇನ್ 
ವಾಯ್ತ ಪುಗೞ್ ಮಂಗೈಯರ್ ಕೋನ್ ಮಾನಿಲತ್ತಿಲ್ ವಂದುದಿತ್ತ  
ಕಾರತಿಗೈಯಿಲ್ ಕಾರತಿಗೈ ನಾಳ್ ಕಾಣ್

ಓ ! ಅರಿವಿಲ್ಲದ ಮನಸೇ ! ನಿನಗೆ ಈ ದಿನದ ಶ್ರೇಷ್ಟತೆ ತಿಳಿದಿದೆಯೇ ? ನಾನು ಹೇಳುತ್ತೇನೆ ,ಕೇಳು. ಇಂದು ಕಾರ್ತಿಕ ಮಾಸದ ಕೃತ್ತಿಕಾ ನಕ್ಷತ್ರ . ಈ ದಿನದಂದು ಅದ್ಭುತವಾದ ತಿರುಮಂಗೈ ಆೞ್ವಾರರು ಈ ಭೂಲೋಕದಲ್ಲಿ ಅವತರಿಸಿದರು .

ಪಾಸುರ ೯

ತಿರುಮಂಗೈ ಆೞ್ವಾರರಿಗೂ ಹಾಗೂ ನಮ್ಮಾೞ್ವಾರರ ನಡುವೆಯ ಅದ್ಭುತ ಸಂಪರ್ಕವನ್ನು ವಿವರಿಸಿದ್ದಾರೆ. ಈ ದಿನವನ್ನು ಕೊಂಡಾಡುವವರ ದೈವೀಕ ಪಾದಗಳನ್ನು   ಪ್ರಶಂಸಿಸಲು ಅವರ ಮನಸ್ಸಿಗೆ ಸೂಚಿಸುತ್ತಾರೆ.

ಮಾಱನ್ ಪಣಿತ್ತ ತಮಿಳ್ ಮಱೈಕ್ಕು ಮಂಗೈಯರ್ ಕೋನ್
ಆಱಂಗಮ್ ಕೂಱ  ಅವದರಿತ್ತ – ವೀಱುಡೈಯ
ಕಾರ್ತಿಗೈಯಿಲ್ ಕಾರ್ತಿಗೈ ನಾಳ್ ಇನ್ಱು  ಎನ್ಱು  ಕಾದಲಿಪ್ಪಾರ್
ವಾಯ್ತ ಮಲರ್ ತಾಳ್ಗಳ್ ನೆಂಜೇ ವಾೞ್ತ್ತು

ಓ  ಮನಸೇ! ನಾಲ್ಕು ವೇದಗಳಿಗೆ ಸಮನಾದ ನಾಲ್ಕು ಪ್ರಬಂದಗಳನ್ನು ಕರುಣಾಮಯಿ  ನಮ್ಮಾೞ್ವಾರರು ರಚಿಸಿದ್ದಾರೆ. ಈ ನಾಲ್ಕು ವೇದಗಳಿಗೆ ಆರು ಭಾಗಗಳಿರುವಂತೆ , ಕಾರ್ತಿಕ ಮಾಸದ ಕೃತ್ತಿಕಾ ನಕ್ಷತ್ರದ ಈ ಅದ್ಭುತವಾದ ದಿನದಂದು  ಅವತರಿಸಿದ ತಿರುಮಂಗೈ ಆೞ್ವಾರರು, ನಮ್ಮಾೞ್ವಾರರ ಪ್ರಬಂದಗಳಿಗೆ ಆರು ಭಾಗಗಳಂತೆ ಆರು ಪ್ರಬಂದಗಳನ್ನು ರಚಿಸಿರುವರು. ಈ ದಿನವನ್ನು ಬಹು ಇಷ್ಟಪಡುವವರ ದೈವೀಕ ಪಾದಗಳನ್ನು ಹೊಗಳು.

ಮೂಲ : http://divyaprabandham.koyil.org/index.php/2020/06/upadhesa-raththina-malai-7-9-simple/

ಅಡಿಯೇನ್ ರಂಗನಾಯಕಿ ರಾಮಾನುಜ ದಾಸಿ

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು ) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

 

வாழிதிருநாமங்கள் – பெரிய பெருமாள் மற்றும் பெரிய பிராட்டியார் – எளிய விளக்கவுரை

Published by:

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

ஆழ்வார் ஆசார்யர்கள் வாழிதிருநாமங்கள் – எளிய விளக்கவுரை

<< ஓராண் வழி ஆசார்யர்கள் – அறிமுகம்

அப்பிள்ளை அருளிய வாழி திருநாமங்கள் வரிசையில் ஓராண்வழி ஆசார்யர்களின் வாழி திருநாமங்களின் விளக்கவுரையைக் காணலாம்.

பெரிய பெருமாள் வைபவம் 

பெரிய பெருமாள் நமது குரு பரம்பரையின் முதல் ஆசார்யராகக் கருதப்படுகிறார்.  “லக்ஷ்மீநாத ஸமாரம்பாம்” எனும் வகையில் குரு பரம்பரையானது மஹாலக்ஷ்மித் தாயாரின் நாதனான ஸ்ரீமந் நாராயணனில் இருந்து துவங்குகிறது.  ஸ்ரீமந் நாராயணன் என்பது “பெரிய பெருமாள்” என்று கூறப்படும் திருவரங்கத்தில் உறையும் ஸ்ரீரங்கநாதர் தான் என்பதை அறியலாம்.  ஸ்ரீவைஷ்ணவ சம்பிரதாயத்தில் அர்ச்சாவதாரத்திற்குத் தனிச்சிறப்பு உண்டு.  ஏனென்றால் எம்பெருமானின் ஸெளலப்யம் எனப்படும் எளிமை குணம் வெளிப்படுவது அரச்சாவதாரத்தில்தான்.  ஆழ்வார்களின் பாசுரங்களில் அநுபவிக்கப் பெற்ற ஸ்தலங்கள் திவ்யதேசங்கள் என்பதை நாம் அறிவோம்.  அப்படிப்பட்ட 108 திவ்யதேசங்களில் முதன்மையான திவ்யதேசமாகக் கருதப்படுவது “பூலோக வைகுண்டம்” என்று அழைக்கப்படும் திருவரங்கம் ஆகும்.  பொதுவாக எம்பெருமானுக்கு “உபயவிபூதி நாதன்” என்ற பெருமை உண்டு.  நித்ய விபூதி மற்றும் லீலா விபூதிக்குத் தலைவராகக் கருதப்படுபவர் எம்பெருமான். திருவரங்கத்திற்கு ஏற்பட்ட தனிப்பெருமை என்னவெனில், இந்த ஸ்தலம் “திருதீயா விபூதி” என்று அழைக்கப்படுகிறது.  திருதீயா விபூதி என்பது பரமபதத்திலும் சேராமல் ஸம்ஸாரத்திலும் சேராமல் தனித்திருப்பதாகும்.  லீலா விபூதியில் இருந்தபோதும் பரமபத அளவிற்கு பெருமையுடையதாய் திருவரங்கம் உள்ளது.  எனவே எம்பெருமானுக்கான மூன்றாவது விபூதி என்று திருவரங்கம் அறியப்படுகிறது.

அவ்வாறு சிறப்புடைய திருவரங்கத்திற்கு அனைத்து ஆழ்வார்களும் மங்களாசாசனம் செய்துள்ளனர்.  “பதின்மர் பாடும் பெருமாள்” என்று ஸ்ரீரங்கநாதர் அழைக்கப்படுகிறார்.  அதேபோன்று குருபரம்பரையில் வந்த ஆசார்யர்கள் ஆளவந்தார் தொடக்கமாக மணவாள மாமுநிகள் இறுதியாக அனைத்து ஆசார்யர்களும் திருவரங்கத்திலேயே வாழ்ந்து வந்திருக்கிறார்கள்.  இவர்களில் நாதமுனிகள், உய்யக்கொண்டார் மற்றும் மணக்கால்நம்பி திருவரங்கத்தில் வசித்ததாகத் தெரியவில்லை.  மேலும் திருவாய்மொழிப்பிள்ளை எனப்படும் ஆசார்யர் நம்மாழ்வாரிடம் மிகுந்த ஈடுபாடு கொண்டு, நம்மாழ்வாரின் இருப்பிடமான ஆழ்வார் திருநகரியை புனர் நிர்மாணம் செய்து ஆழ்வார் திருநகரியிலேயே வாழ்ந்து வந்தார்.  எனவே திருவாய்மொழிப்பிள்ளை, நாதமுனிகள், உய்யக்கொண்டார் மற்றும் மணக்கால்நம்பி  தவிர ஏனைய ஆசார்யர்கள் திருவரங்கத்தில் வாழ்வதையே தமது வாழ்நாள் கொள்கையாகக் கடைப்பிடித்தனர் என்று அறிகிறோம்.    ஸ்ரீவைஷ்ணவ ஆசார்யர்கள் அல்லாமல் ஏனைய சம்பிரதாயத்து ஆசார்யர்களும் திருவரங்கத்து நம்பெருமாளிடம் ஈடுபாடு கொண்டு திருவரங்கத்திலேயே வாழ்ந்தனர் என்பதை நாம் அறியலாம்.  அத்தகைய சிறப்புடைய திருவரங்கத்தில் உறையும் நம்பெருமாள் (ஸ்ரீரங்கநாதர்) ஓராண்வழி ஆசார்யரில் முதன்மையான ஆசார்யனாகக் கொண்டாடப் படுகிறார்.

எம்பெருமானின் திருநக்ஷத்திரம் ரோகிணி என்று கூறப்படுகிறது்.  பெரிய பெருமாள் கண்ணனாக அறியப்படுவதால் ரோகிணி நக்ஷத்திரம் என்று கொள்ளப்படுகிறது.  நம்பெருமாளின் திருநக்ஷத்திரம் ரேவதி என்றும் கூறுவார்கள். துவாபர யுகத்தில் கண்ணனாக அவதாரம் செய்து வாய்மலர்ந்தருளிய பகவத் கீதையும், மணவாள மாமுநிகளைக் கெளரவிக்கும் வகையில் அருளிய ஸ்ரீசைலேச தயாபாத்ரம் என்ற தனியனும் எம்பெருமான் அருளிச் செய்த க்ரந்தங்கள் (ஸ்ரீஸுக்திகள்) என்று அறியலாம்.    ஸ்ரீரங்கநாதர் என்று ப்ரசித்தமாக அறியப்படுபவர்.  பரம பதத்தில் இருந்து தனது விமானத்துடன் இறங்கி வந்து சத்ய லோகத்தில் பிரம்மாவால் ஆராதனை செய்யப்பட்ட பெருமாள்.  அதன் பின் இக்ஷ்வாகு குலத்தில் (சூர்ய குலம்) வந்த அரசன் பிரம்மாவைப் பிரார்த்தித்து இந்தப் பெருமானை ப்ரணவாகார விமானத்துடன் பூலோகத்தில் அயோத்திக்குக் கொண்டு வந்தான்.  ரகு குல வம்ஸத்தில் வந்த அனைத்து அரசர்களும் இந்தப் பெருமாளைப் பூஜித்து வந்தனர்.  இராமாவதாரத்தில் ஸ்ரீராமர் இந்தப் பெருமாளுக்கு ஆராதனை செய்திருக்கிறார்.  ஸ்ரீவைஷ்ணவ சம்பிரதாயத்தில் பெருமாள் என்பது ஸ்ரீஇராமரைக் குறிக்கும்.  அவ்வாறு பெருமாளால் ஆராதனை செய்யப்பட்ட பெருமாள் என்பதைக் குறிக்கும் வகையில் இந்த எம்பெருமான் “பெரிய பெருமாள்” என்று அழைக்கப்படுகிறார்.  ஸ்ரீஇராமர் தனது பட்டாபிஷேகத்தின்போது விபீஷணனுக்கு பெரிய பெருமாளை ப்ரணவாகார விமானத்துடன் பரிசாக அளித்து ஆராதனை செய்து வருமாறு கூறினார்.  விபீஷணன் பெருமாளை எடுத்துக் கொண்டு அயோத்தியில் இருந்து தென்திசையில் உள்ள இலங்கை நோக்கிப் பயணிக்கும் காலத்தில், இரு புறமும் காவிரியால் சூழப்பட்டு ஒரு தீவு போன்று காட்சியளித்த திருவரங்கத்தில் தனது அநுஷ்டானங்களை முடிப்பதற்காக பெரிய பெருமாளை கீழே இறக்கி வைத்துவிட்டு அநுஷ்டாங்களைச் செய்யலானார்.  அப்பொழுது பெரிய பெருமாள் சோலைகளால் சூழப்பட்ட திருவரங்கத்தின் வனப்பைப் பார்த்து மகிழ்ந்தான்.    உடனே விபீஷணனிடம் பெரிய பெருமாள் “நீவீர் உம்முடைய நாடான இலங்கைக்குச் செல்லும்.  எனக்குத் திருவரங்கம் பிடித்திருப்பதால் நான் இங்கேயே வசித்தபடி உம்மைக் கடாக்ஷிக்கும் வகையில் எமது பார்வை தென் திசை நோக்கி இருக்கும்” என்று தெரிவித்தார்.   “வண்டினமுரலும் சோலை மயிலினம் ஆலும் சோலை கொண்டல் மீதணவும் சோலை குயிலினம் கூவும் சோலை அண்டர் கோன் அமரும் சோலை” என்று திருமாலையில் கூறியபடி அனைத்து உலகங்களுக்கும் தலைவனான எம்பெருமான் இங்கு வந்து எழுந்தருளினான் என்பதை அறிகிறோம்.

அத்தகைய சிறப்புடைய பெரிய பெருமாளின் வாழி திருநாமத்தில் எம்பெருமானின் பரம், வ்யூகம், விபவம், அர்ச்சை, அந்தர்யாமி எனப்படும் ஐந்து நிலைகளும் காட்டப்பட்டுள்ளன.  பரமபதத்தில் பரவாசுதேவனாக உள்ள நிலை பரம் எனப்படும்.    வ்யூகம் நிலை எனப்படுவது திருப்பாற்கடலில் (க்ஷீராப்தி) பள்ளி கொண்ட நிலையாகும்.  அதாவது பரம பதத்தில் இருந்து எம்பெருமான் இறங்கி திருப்பாற்கடல் வந்து அங்கிருந்து அவதாரங்கள் எடுக்கிறான்.  அவ்வாறு அவதாரம் எடுக்கும் நிலை  விபவம் எனப்படுகிறது.  அதாவது க்ருஷ்ணாவதாரம், ராமாவதாரம், நரசிம்ம அவதாரம், வாமன அவதாரம் முதலான பல அவதாரங்களை இப்பூவுலகில் எம்பெருமான் எடுக்கிறான்.  அதன் பின் வாழ்ச்சி தொடர வேண்டும் என்பதற்காக அர்ச்சாவதாரம் எடுக்கிறான்.  பல கோயில்களிலும், மடங்களிலும் சிலை வடிவத்தில் எம்பெருமான் எழுந்தருளியிருப்பது அர்ச்சாவதாரம் எனப்படும்.  அதற்கு மேலும் அனைத்து வஸ்துக்களிலும் மறைந்து அந்தர்யாமியாக இருந்து அவைகளை தாங்கி நிற்கிறான்.  இந்த ஐந்து நிலைகளும் இந்த வாழி திருநாமத்தில் காட்டப்பட்டுள்ளது.

பெரிய பெருமாள் வாழி திருநாமம்

திருமகளும் மண்மகளும் சிறக்கவந்தோன் வாழியே
செய்யவிடைத்தாய்மகளார் சேவிப்போன் வாழியே
இருவிசும்பில்வீற்றிருக்கு மிமையவர்கோன் வாழியே
இடர்கடியப் பாற்கடலை யெய்தினான் வாழியே
அரியதயரதன் மகனாயவதரித்தான் வாழியே
அந்தரியாமித்துவமும் ஆயினான் வாழியே
பெருகிவரும் பொன்னிநடுப் பின்துயின்றான் வாழியே
பெரியபெருமாள் எங்கள் பிரான் அடிகள் வாழியே

பெரிய பெருமாள் வாழி திருநாமம் விளக்கவுரை

திருமகளும் மண்மகளும் சிறக்கவந்தோன் வாழியே – முதலில் எம்பெருமானின் ஶ்ரிய பதித்துவத்தைக் கொண்டே வாழி திருநாமம் துவங்குகிறது.  திருமகள் எனப்படும் பெரிய பிராட்டியார் மற்றும் மண்மகள் எனப்படும் பூமிப்பிராட்டியார் சிறக்கும்படி இருப்பவன் இந்த எம்பெருமான்.  எம்பெருமானாலே பிராட்டிமார்களுக்குப் பெருமை, பிராட்டிமார்களாலே எம்பெருமானுக்குப் பெருமை என்பது இந்த வரியில் காட்டப்படுகிறது.  எம்பெருமானுக்கு பல பத்தினிமார்கள் இருந்தபோதும், ஸ்ரீதேவி, பூமி தேவி மற்றும் நீளா தேவி ஆகிய மூவரும் மிகப் பிரதானமானவர்களாகக் கருதப் படுகிறார்கள்.  இந்த முதல்வரியில் ஸ்ரீதேவி மற்றும் பூமிதேவியின் சிறப்பு காட்டப்பட்டுள்ளது.

செய்ய விடைத்தாய் மகளார் சேவிப்போன் வாழியே – (செய்ய இடைத்து ஆய் மகளார்) செய்ய என்றால் சிறந்த என்பது பொருளாகும்.  இடைக்குலத்தில் பிறந்த நப்பின்னை பிராட்டி எம்பெருமானைத் தொழுது கொண்டிருக்கிறாள். க்ருஷ்ணவதாரத்தில் நீளா தேவியின் அவதாரம் நப்பின்னை பிராட்டி என்றும், ஸ்ரீதேவியின் அவதாரம் ருக்மிணி என்றும்  பூமிப்பிராட்டியின் அவதாரம் சத்யபாமா என்றும் காட்டப்படுகிறது.  அவ்வாறு நப்பின்னை பிராட்டி வணங்கும் எம்பெருமான் பல்லாண்டு பல்லாண்டு வாழ்க என்று இவ்வரியில் சொல்லப்பட்டுள்ளது.

இருவிசும்பில் வீற்றிருக்கும் இமையவர்கோன் வாழியே – இரு என்பதற்கு இரண்டு என்பது மட்டும் பொருளல்ல இவ்விடத்தில் பரந்த என்று பொருள் காட்டப்படுகிறது.  விசும்பு என்பது ஆகாசம்.  பரந்த ஆகாசமான பரமபதத்தில் வீற்றிருக்கக் கூடிய, நித்யஸுரிகளுக்குத் (கண்களை இமைக்காத தன்மையினால் இமையவர்கள் என்று அழைக்கப்படுகிறார்கள்) தலைவனான ஸ்ரீமந் நாராயணன் பல்லாண்டு வாழ்க.  இவ்விடம் பரமபதத்தில் இருக்கக் கூடிய “பரம்” நிலை காட்டப்பட்டுள்ளது.

இடர்கடியப் பாற்கடலை யெய்தினான் வாழியே – நம்முடைய துன்பமெல்லாம் தீர்வதற்காகப் பாற்கடலில் வந்து துயின்றான் எம்பெருமான்.  விபவ அவதாரங்கள் எடுப்பதற்கு முன்பாக பரமபதத்தில் இருந்து பாற்கடலுக்கு வந்து அங்கு தங்கி இருந்து “உறங்குவான் போல் யோகு செய்த பெருமான்” என்ற ஆழ்வாரின் கூற்றிற்கு ஏற்ப சேதநர்களுக்கு, அதாவது ஆத்மாக்களுக்கு எவ்வாறு நன்மை செய்வது என்பதைச் சிந்தித்துக் கொண்டு இருக்கக் கூடிய நிலை.  இது “வ்யூஹ நிலை” என்று அறியப்படுகிறது.  ஆத்மாக்களின் துன்பம் தீரும் வகையில் பாற்கடலில் துயின்றவன் என்று ஒரு அர்த்தம் காட்டப்படுகிறது.  மற்றொன்று எம்பெருமான் தன் துயர் தீர அதாவது சேதநர்கள் படும் துன்பம் கண்டு தானே துன்பப்பட்டான்.  அந்த துன்பம் தீர்வதற்காகப் பாற்கடலில் துயின்றான் என்றும் கொள்ளலாம.  அப்படிப்பட்ட எம்பெருமான் வாழ்க.

அரியதயரதன் மகனாயவதரித்தான் வாழியே – மிகச் சிறந்தவனான, பார்ப்பவர்கள் வியக்கும் வண்ணம் சிறந்த குணங்களை உடைய தசரதனுடைய மகனாக, ஸ்ரீராமபிரானாக அவதரித்த எம்பெருமான் வாழ்க.   இவ்விடம் எம்பெருமானின் விபவ  நிலை காட்டப்பட்டுள்ளது.  இராமாவதாரத்தை விபவத்திற்கு உதாரணமாகக் காட்டினால் அனைத்து அவதாரங்களையும் காட்டியதற்குச் சமமாகும்.  ஸ்ரீராமபிரானாக அவதரித்த காலத்தில் எம்பெருமான் தசரதன் மகனாக, தசராதாத்மஜனாக, சக்ரவரத்தித் திருமகனாக இருப்பதையே விரும்பினான் என்று அறிகிறோம்.

அந்தரியாமித்துவமும் ஆயினான் வாழியே – எம்பெருமான் அனைத்து வஸ்துக்களிலும் அந்தர்யாமியாக இருந்து வழி நடத்துகிறான். அனைத்து ஆத்மாக்களிலும், சேதந, அசேதந பொருட்களிலும் நிறைந்திருக்கிறான் என்பதை இவ்வரியில் காட்டியதன் மூலம் எம்பெருமானின் “அந்தர்யாமி” என்ற நான்காவது நிலை உணர்த்தப்படுகிறது.  அப்படிப்பட்ட எம்பெருமான் வாழ்க.

பெருகிவரும் பொன்னிநடுப் பின்துயின்றான் வாழியே – வெள்ளமாக பெருக்கெடுத்து ஓடும் பொன்னி என்று அழைக்கப்படும் காவிரி நதியின் நடுவில் வந்து திருவரங்கத்தில் சயனித்துக் கொண்டிருக்கிறான்.  அப்படிப்பட்ட எம்பெருமான் பல்லாண்டு வாழ்க என்று இவ்வரியில் காட்டப்படுகிறது.

பெரியபெருமாள் எங்கள் பிரான் அடிகள் வாழியே – பெரிய பெருமாள் என்று அழைக்கப்படும் ஸ்ரீரங்கநாதர், எங்களுக்கு உபகாரனாக (நன்மை செய்பவனாக) இருக்கக்கூடிய எம்பெருமான் வாழ்க என்று பெரிய பெருமாளின் வாழி திருநாமம் முற்றுப் பெறுகிறது.  அர்ச்சாவதாரத்தில் முதன்மையான திவ்ய தேசமான திருவரங்கத்தில் வீற்றிருக்கும் பெரிய பெருமாளின் வாழி திருநாமம் மூலம் ஸ்ரீரங்கநாதரே குருபரம்பரையின் முதல் ஆசார்யர் என்பதை அறிகிறோம்.

அடுத்து பெரிய பிராட்டியின் வாழிதிருநாமத்தின் அர்த்தத்தைப் பார்க்கலாம்.  பெரிய பெருமாளை அனுபவிக்கும்போது பெரிய பிராட்டியையும் சேர்த்துத்தான் அனுபவிக்க வேண்டும். ஏனென்றால் பெருமாளும் பிராட்டியும் இணைபிரியாதவர்கள்.

பெரியபிராட்டி வைபவம்

பெரிய பிராட்டி என்றால் ஸ்ரீரங்கநாயகித் தாயார்.  ஸ்ரீமஹாலக்ஷ்மியின் அம்சம்.  எம்பெருமானுக்கு அடுத்ததாக ஓராண் வழி ஆசார்யர்கள் வரிசையில் இருப்பவர் பெரிய பிராட்டியார்.  எம்பெருமான் தான் ஆசார்யனாக இருந்து த்வய மந்திரத்தை பெரிய பிராட்டிக்கு உபதேசம் செய்கிறான்.  ஆசார்யர் என்பவர் நம்மை வழி நடத்துபவர்; எம்பெருமானிடம் கொண்டு சேர்ப்பவர்.  பெரிய பெருமாள் ஸ்வதந்த்ரன்.  தன் விருப்பத்திற்கு ஏற்ப இருக்கக் கூடியவன்.  ஆனால் பெரிய பிராட்டியோ பரதந்த்ரை, எம்பெருமானை அண்டியிருப்பவள்.  அவள் எம்பெருமானுக்கு பத்தினியாக அடிபணிந்தவள்.  ஆனால் மற்றையவர்களுக்கு தலைவியாக இருக்கக் கூடியவள். அத்தகைய சிறப்புப் பெற்றவள் பெரிய பிராட்டி. பெரிய பிராட்டி எம்பெருமானின் பத்தினிமார்களில் முதன்மையானவர்.  பட்டமகிஷி என்று சொல்லும் சிறப்புப் பெற்றவள். எம்பெருமானை அடைவதற்கு புருஷகார பூதையாகவும் நம்முடைய பூர்வாசார்யர்களால் கொண்டாடப்படுபவள்.    புருஷகார பூதை என்பவள் நம்முடைய குற்றங்களை மறைத்து எம்பெருமானை அடைவதற்கு வழி காட்டுபவள்.  மேலும் அப்படி சரணாகதி செய்தவர்களை எம்பெருமானை ஏற்றுக் கொள்ளும்படி செய்பவள் என்று அறியலாம்.  ஆத்மாக்களுக்கு எம்பெருமானை அடைய வழி காட்டுபவளாகவும், ஈஶ்வரனை ஆத்மாக்களை ரக்ஷிக்கும்படியும் செய்பவள்.

பெரிய பிராட்டி வாழி திருநாமம்

பங்கயப் பூவிற்பிறந்த பாவை நல்லாள் வாழியே
பங்குனியில் உத்தர நாள் பாருதித்தாள் வாழியே
மங்கையர்கள் திலகமென வந்த செல்வி வாழியே
மாலரங்கர் மணிமார்பை மன்னுமவள் வாழியே
எங்களெழில் சேனைமன்னர்க்கு இதமுரைத்தாள் வாழியே
இருபத்தஞ்சு உட்பொருள் மால் இயம்புமவள் வாழியே
செங்கமலச் செய்யரங்கம் செழிக்கவந்தாள் வாழியே
சீரங்க நாயகியார் திருவடிகள் வாழியே

பெரிய பிராட்டி வாழி திருநாமம் விளக்கவுரை

பங்கயப் பூவிற்பிறந்த பாவை நல்லாள் வாழியே – பங்கயம் என்றால்  தாமரை.  பிராட்டியின் பிறப்பிடம் தாமரை புஷ்பம் என்று கூறுவர்.  இவளுக்கு மலர்மகள் என்றும் திருநாமம்.   பாவை என்றால் நல்லவள்.  நல்லவர்கள் என்பது எம்பெருமானிடம் ஈடுபாடு கொண்டவர்கள்; இதர விஷயங்களில் வைராக்யம் உடையவர்கள் என்று பொருள்படும்.  பிராட்டியை முன்னிட்டுத்தான் நாம் எம்பெருமானிடம் எவ்வாறு பக்தி கொள்ள முடியும் என்பதை அறிகிறோம்.  அதனால் பிராட்டி இவ்விடத்தில் நல்லாள் என்று காட்டப்பட்டுள்ளாள். அவ்வாறு தாமரை மலரில் பிறந்த சிறந்த திருமேனியை உடைய நல்லவளான பிராட்டி வாழ்க.

பங்குனியில் உத்தர நாள் பாருதித்தாள் வாழியே – பங்குனி மாதம் உத்தர நக்ஷத்திரத்தில் அவதரித்தவள் பெரிய பிராட்டி.  பங்குனி உத்தர நாளன்று வருடாவருடம் திருவரங்கத்தில் தாயார் சன்னதி அருகில் உள்ள கத்யத்ரய மண்டபத்தில், கத்யத்ரயம் ஸேவிக்கப்பட்டு, பெரிய பெருமாளும், பெரிய பிராட்டியும் “சேர்த்தி உற்சவம்” கண்டருளுவர்.   இந்த உற்சவம் திருவரங்கத்தில் வருடத்தில் ஒரு நாள் தான் நடக்கும்.  எம்பெருமானார் ஒரு பங்குனி உத்தர நாளன்று சேர்த்தி உற்சவத்தில் கத்யத்ரயம் (சரணாகதி கத்யம், ஸ்ரீரங்க கத்யம், ஸ்ரீவைகுண்ட கத்யம்) ஸேவித்து அனைவருக்கும் நற்கதி வேண்டி பிரார்த்தித்தார்.   இந்த பங்குனி உற்சவம் சிறந்த முறையில் திருவரங்கத்தில் பத்து நாட்கள் உற்சவமாகக் இன்றளவும் கொண்டாடப்படுகிறது.  அவ்வாறு பங்குனி உத்தர நாளன்று இப்பூவுலகில் அவதரித்த பிராட்டி வாழ்க.

மங்கையர்கள் திலகமென வந்த செல்வி வாழியே – பெரிய பிராட்டி எம்பெருமானுக்குக் கைங்கர்யம் செய்து சிறந்த பத்தினியாக மங்கையர்களுக்கு மிகச் சிறந்த உதாரணமாக விளங்குகிறாள்.  மங்கையர்களுக்குத்  தலைவியாக சிறந்த செல்வத்தை உடையவளான பிராட்டி வாழ்க என்பது இந்த வரியில் காட்டப்படுகிறது.

மாலரங்கர் மணிமார்பை மன்னுமவள் வாழியே –  மால் என்றால் திருமால்.  திருமாலின் மாணிக்கம் பொருந்திய மார்பில் உறைபவள்.  “அகலகில்லேன் இறையுமென்று” என்று பிராட்டியின் வார்த்தைகளாக நம்மாழ்வார்  திருவாய்மொழியில் அருளிச் செய்துள்ளார்.  எம்பெருமானின் திருமார்பை விட்டு அகலாதவளாக எம்பெருமானின் திருமார்பில் பொருந்தியிருப்பவளான பிராட்டி பல்லாண்டு வாழ்க.

எங்களெழில் சேனைமன்னர்க்கு இதமுரைத்தாள் வாழியே –  சேனை மன்னர் என்றால் சேனை முதலியார் என்று அழைக்கப்படும் விஷ்வக்சேனர்.  விஷ்வக்சேனர் பிராட்டிக்கு அடுத்த ஆசார்யராக ஓராண் வழி ஆசார்யர் பரம்பரையில் இருப்பவர்.  அப்படி என்றால் பிராட்டிதான் விஷ்வக்சேனருக்கு ஆசார்யனாக இருந்து இதமான நல்ல உபதேசங்களை உரைத்தவள்.  அத்தகைய பெரிய பிராட்டி வாழ்க.

இருபத்தஞ்சு உட்பொருள் மால் இயம்புமவள் வாழியே – முந்தைய வரியில் விஷ்வக்சேநருக்கு பிராட்டி உபதேசம் செய்தாள் என்று சொல்லப்பட்டது.  என்ன உபதேசம் செய்தாள் என்று நோக்கும்போது, இருபத்தைந்து எழுத்துக்களைக் கொண்ட த்வய மஹா மந்திரத்தை திருமாலான எம்பெருமானிடம் சிஷ்யனாக இருந்து பிராட்டி கற்றுக் கொண்டு விஷ்வக்சேனருக்கு த்வய மஹா மந்திரத்தின் உட்பொருளை உபதேசித்தாள் என்று ஒரு பொருள் காட்டப்படுகிறது.    இருபத்து நான்கு அசேதந தத்துவங்கள், கர்மேந்திரியங்கள், ஞானேந்திரியங்கள், பஞ்ச பூதங்கள், பஞ்ச தன்மாத்திரைகள், மனது, மஹான், அஹங்காரம்,  மூலப்ரக்ருதி ஆகும்.  இருபத்து ஐந்தாவது தத்துவம் ஜீவாத்மா என்ற தத்துவம்.  இந்த இருபத்து ஐந்து தத்துவங்களையும், இருபத்து ஆறாவது தத்துவமான மால் எனப்படும் எம்பெருமானின் பெருமையையும் சேனை முதலியாருக்கு உபதேசம் செய்தவள் என்றும் பொருள் கொள்ளலாம்.  அத்தகைய சிறந்த ஆசார்யையான பிராட்டி வாழ்க.

செங்கமலச் செய்யரங்கம் செழிக்கவந்தாள் வாழியே –  சிவந்த தாமரை மலர்கள் மலர்ந்திருக்கக் கூடியதான சிறந்த திருவரங்கம் செழிப்படைவதற்காக வந்த பிராட்டி வாழ்க.

சீரங்க நாயகியார் திருவடிகள் வாழியே – ஸ்ரீரங்க நாயகியான பெரிய பிராட்டியார் திருவடிகள் பல்லாண்டு காலம் வாழ்க என்று பெரிய பிராட்டியின் வாழி திருநாமம் முடிவுறுகிறது.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ಉಪದೇಶ ರತ್ನಮಾಲೈ – ಸರಳ ವಿವರಣೆ ೪ ರಿಂದ ೬ ನೇ ಪಾಸುರಗಳು

Published by:

ಶ್ರೀಃ  ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಉಪದೇಶ ರತ್ನಮಾಲೈ

ಹಿಂದಿನ ಶೀರ್ಷಿಕೆ

ಪಾಸುರ ೪

ಆೞ್ವಾರ್ಗಳು   ಅವತರಿಸಿದ ಕಾಲಾನುಕ್ರಮವನ್ನು ಈ ಪಾಸುರದಲ್ಲಿ ಹೇಳಿದ್ದಾರೆ.

ಪೊಯ್ಗೆಯಾರ್ ಬೂದತ್ತಾರ್ ಪೇಯಾರ್ ಪುಗೞ್ ಮೞಿಸೈ

ಅಯ್ಯನ್  ಅರುಳ್ ಮಾರನ್ ಸೇರಲರ್ ಕೋನ್  – ತುಯ್ಯ ಭಟ್ಟ

ನಾದನ್ ಅನ್ಬರ್ ತಾಳ್ ತೂಳಿ ನರ್ಪಾಣನ್   ನರ್ಕಲಿಯನ್  

ಈದು  ಇವರ್ ತೋತ್ತು ಅಡೈವಾಮ್ ಇಂಗು  

ಆೞ್ವಾರ್ಗಳು ಅವತರಿಸಿದ ವ್ಯವಸ್ಥಿತ ಪಟ್ಟಿ-ಪೊಯ್ಗೈ ಆೞ್ವಾರ್ , ಬೂದತ್ತಾೞ್ವಾರ್, ಪೇಯಾೞ್ವಾರ್ , ಪ್ರಖ್ಯಾತಿಯಾದ ತಿರುಮೞಿಸೈ ಆೞ್ವಾರ್, ಪರಮ ಕಾರುಣಿಕರಾದ ನಮ್ಮಾೞ್ವಾರ್, ಚೇರ ಕುಲನಾಯಕರಾದ ಕುಲಶೇಖರ ಪೆರುಮಾಳ್, ಶುದ್ಧ ಮನಸುಳ್ಳ ಪೆರಿಯಾೞ್ವಾರ್, ತೊಂಡರಡಿಪ್ಪೊಡಿ  ಆೞ್ವಾರ್, ಮಂಗಳಭರಿತ ತಿರುಪ್ಪಾಣಾೞ್ವಾರ್,  ಶುಭಕರನಾದ ತಿರುಮಂಗೈ ಆೞ್ವಾರ್.

ಪಾಸುರ ೫

ಈ ಪಾಸುರದಲ್ಲಿ  ಆೞ್ವಾರ್ಗಳು ಅವತರಿಸಿದ ಮಾಸ ಹಾಗೂ ನಕ್ಷತ್ರಗಳ ಪಟ್ಟಿ ಮಾಡಿರುತ್ತಾರೆ.

ಅಂದಮಿೞ್ಆಲ್  ನರ್ಕಲೈಗಳ್  ಆಯ್ನ್ದು ಉರೈತ್ತ  ಆೞ್ವಾರ್ಗಳ್

ಇಂದ ಉಲಗಿಲ್ ಇರುಳ್ ನೀಂಗ – ವಂದು ಉದಿತ್ತ

ಮಾದಂಗಳ್ ನಾಳ್ಗಳ್ ತಮ್ಮೈ  ಮಣ್ಣುಲಗೋರ್ ತಾಂ ಆರಿಯ

ಈದು ಎನ್ ಱು  ಸೊಲ್ಲುವೋಂ ಯಾಮ್   

 ಈ ಲೋಕದಿಂದ ಆಜ್ಞಾನವೆಂಬ ಕತ್ತಲೆಯನ್ನು ತೊಲಗಿಸಲು ಆೞ್ವಾರ್ಗಳು ವೇದಗಳ ( ಪವಿತ್ರ ಕೃತಿಗಳ ) ಆಳವಾದ ಅರ್ಥಗಳನ್ನು ವಿಷ್ಲೇಶಿಸಿ, ಅವುಗಳನ್ನು ಭೋದಿಸಿರುತ್ತಾರೆ .ಲೋಕದ ಜನರು ತಿಳಿಯಲೆಂದು ಆೞ್ವಾರ್ಗಳು ಅವತರಿಸಿದ ಮಾಸ ಹಾಗೂ ದಿನಗಳನ್ನು ನಾವು ತಿಳಿಸುತ್ತೇವೆ.

ಪಾಸುರ  ೬

ಮುದಲಾೞ್ವಾರ್ ಎಂಬ ಮೊದಲನೆಯ ಮೂರು ಆೞ್ವಾರ್ಗಳ ಅವತಾರ ಮಹತ್ವವನ್ನು ಅವರು ವಿವರಿಸಿದ್ದಾರೆ.

ಐಪ್ಪಸಿಯಿಲ್ ಓಣಂ ಅವಿಟ್ಟಮ್ ಸದಯಂ ಇವೈ

ಒಪ್ಪಿಲವಾ ನಾಳ್ಗಲ್ ಉಲಗತ್ತೀರ್ – ಎಪ್ಪುವಿಯ

ಪೇಸು ಪುಗೞ್ ಪೊಯ್ಗೈಯಾರ್  ಬೂದತ್ತಾರ್ ಪೇಯಾೞ್ವಾರ್

ತೇಸುಡನೆ ತೋನ್ಱು ಸಿಱಪ್ಪಾಲ್     

ಓ ! ಈ ಲೋಕದ ಜನಗಳೆ ! ಆಶ್ವಯುಜ ಮಾಸದ  ( ಐಪ್ಪಸಿ  ಮಾಸ )  ಶ್ರವಣ (ತಿರುವೋಣಂ ), ಧನಿಷ್ಟ (ಅವಿಟ್ಟಮ್) ,ಸತಭಿಷ (ಸದಯಂ) ನಕ್ಷತ್ರಗಳು ವಿಷೇಶವಾದದ್ದು . ಅಂದು ಭವ್ಯವಾದ ಪೊಯ್ಗೈ ಆೞ್ವಾರ್ , ಬೂದತ್ತಾೞ್ವಾರ್, ಪೇಯಾೞ್ವಾರ್ ಅವತರಿಸಿದರು  . ಈ ಮೂರು  ಆೞ್ವಾರ್ಗಳನ್ನು ಎಲ್ಲರೂ ಕೊಂಡಾಡುತ್ತಾರೆ.

ಮೂಲ : http://divyaprabandham.koyil.org/index.php/2020/06/upadhesa-raththina-malai-4-6-simple/

ಅಡಿಯೇನ್ ರಂಗನಾಯಕಿ ರಾಮಾನುಜ ದಾಸಿ

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು ) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org