Category Archives: telugu

ఉపదేశ రత్తినమాలై – సరళ వ్యాఖ్యానము – పాశురము 46 – 47

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 46

ఈ నలబైయారవ పాశురములో వేదములకు ఉన్నవిధముగా తిరువాయ్ మొళికి కూడా అంగములు మఱియు ఉపాంగములుగా మిగిలిన ప్రబంధములుగా గుర్తించి వాటికి వ్యాఖ్యానములు కృపచేసిన మహనీయులను కీర్తిచవలననెడి గొప్ప ఉద్ధేశ్యముతో మొదటగా పెరియవాచ్ఛాన్ పిళ్ళై చేసిన మహోపకార వైభవమును మామునులు తెలుపుచున్నారు.

పెరియవాచ్ఛాన్బిళ్ళైే పిన్బుళ్ళవైక్కుమ్।                                                             తెరియ వియాక్కియైగళ్ శెయ్ వాల్ అరియ                               అరుళిచ్చెయల్పొరుళై ఆరియర్ గట్కు ఇప్పోదు।                                  అరళిచ్చెయల్ ఆయ్ త్తరిన్దు॥

నంబిళ్ళై ప్రియ శిష్యులు వ్యాఖ్యాన చక్రవర్తి బిరుదాంకితులుగా కీర్తింపబడే పెరియవాచ్ఛాన్ పిళ్ళై మిగిలిన మూడువేల పాశురములన్నింటికీ అర్థములను సమగ్రముగా తెలుసుకొను విధముగా వ్యాఖ్యానములను అనుగ్రహించినందుకు, సంపూర్ణ అర్థములను తెలుసుకొను వ్యాఖ్యానముల (అరుళిచ్చెయల్) వలన వీరి తదనంతర ఆచార్యులు ఇవే కదా ఆళ్వార్ల అరుళిచ్చెయల్ అని బాగుగా తెలుసుకొనగలిగిరి. వీరు ఆళ్వార్ల అరుళిచ్చెయల్ అర్థవిశేషములను పరిపూర్ణముగా తమ ఆచార్యుల వద్ద వాటిని ఆసాంతం అనుభవించు క్రమము మిగిలిన వారికి ఉపదేశపూర్వ రూపముగా చూపిన వైశిష్ట్యమును మామునులు కీర్తస్తున్నారు.

పాశురము 47

నలబై ఏడవ పాశురము. ఈ నలబై ఏడవ పాశురములో నఞ్జీయర్ మొదలైన కొంత మంది ఆచార్యులు అనుగ్రహంచిన వ్యాఖ్యాన విశేషములను కృప చేయుచున్నారు.

నఞ్జీయర్ శెయ్ ద వియాక్కియైగళ్ నాలిరణ్డుక్కు।                                            ఎఞ్జామై యావైక్కుం ఇల్లైయే తమ్ శీరాల్                                                 వైయగురువిన్ తమ్బి మన్ను మణవాళముని।                                             శెయ్యుమవై తాముమ్ శిల॥

భట్టర్ శిష్యులు వేదాంతిగా పిలువబడే నఞ్జీయర్ కొన్ని ప్రబంధములకు వ్యాఖ్యానములు కృపచేసినప్పటికీ పెరియ వాచ్ఛాన్ పిళ్ళై మాదిరిగా అన్ని ప్రబంధములకు కృప చేయలేదు. (ఆ విధముగా కృప చేసియుండినచో ఎంత బాగుండి ఉండేదో కదా!) పిళ్ళైలోకాచార్యుల తిరుతమ్బి ఉత్తములైన మణవాళ పెరుమాళ్ నాయనార్ కృప చేసిన వాటి యందు అనేక శాస్త్రములలో ఉన్నటు వంటి విశేష జ్ఞానము చేత కొన్ని ప్రబంధములకు అద్భుతమైన వ్యాఖ్యానములు అనుగ్రహించినారు. లబ్ద ప్రతిష్ఠులైన వాది కేసరి అళగియ మణవాళ జీయర్ కూడా కొన్ని వ్యాఖ్యానములు కృపచేసినారు.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-46-47-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ఉపదేశ రత్తినమాలై – సరళ వ్యాఖ్యానము – పాశురము 44 – 45

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 44

నలబై నాల్గవ పాశురము. తిరువాయ్ మొళికి నమ్బిళ్ళె కృపచేసిన ఉపన్యాసములను సంకలనము చేసి వడక్కుతిరువీధి పిళ్ళై ఈడు ముప్పత్తారాయిరపడి వ్యాఖ్యానముగా రచించిన వైభవమును కృపచేయుచున్నారు.

తెళ్ళియదా నమ్బిళ్ళె శెప్పు నెఱిదన్నై।                                                                వళ్ళల్ వడక్కుతిరువీధి పిళ్ళై ఇన్ద                                                                  నాడఱియ మాఱన్మఱై ప్పొరుళై నన్గురైత్తదు।                                                          ఈడు ముప్పత్తాఱాయిరమ్॥

నజ్ఞీయర్ శిష్యులు పరిపూర్ణ జ్ఞానవంతులైన నంబిళ్ళై, నమ్మాళ్వార్ మాఱన్ మొదలుగా మన పూర్వాచార్యులు చూపిన వేద/వేదాంత మార్గములో “ఈ ఉత్క్రష్ట అర్థములను అందరు తెలుసుకొనవలెను” అనే మంచి సంకల్పము కలిగిన వడక్కుతిరువీధి పిళ్ళై ఈ లోకములోనే తెలుసుకొని ఉజ్జీవింపబడే విధముగా కృప చేసిన వ్యాఖ్యానము ఈడు ముప్పతాఱాయిరపడి వ్యాఖ్యానము. ఈడు అనగా అర్థము, వ్యాఖ్యానము, వివరణ, తాత్పర్యము, కవచము, సాటిలేనిది మొదలగు అనేకార్థములు కలవు. ఇది పరిమాణములో శ్రీభాష్యమునకు వ్యాఖ్యానమైన “శృత ప్రకాశిక” కు సమానము. ఈ శృత ప్రకాశిక ఈడు వ్యాఖ్యానము తరువాతి కాలములో వచ్చినప్పటికినీ దీనిని ఆ విధముగా భావిస్తారు.

పాశురము 45

నలబై ఐదవ పాశురము. ఈ పాశురములో వాదికేసరి అళగియ మణవాళ జీయర్ తిరువాయ్ మొళికి అనుగ్రహించిన పన్నీయాయిరప్పడి వ్యాఖ్యాన వైభవ విశేషములను కృపచేయుచున్నారు.

అన్బోడు అళగియ మణవాళ చ్చీయర్।                                                           పిన్బోరుమ్ కత్తఱిన్దు పేశుగైక్కా తమ్ పెరియ                                               పోదముడన్ మాఱన్మఱై యిన్ పొరుళ్ ఉరైత్తదు।                                             ఏదమిల్ పన్నీరాయిరమ్॥

నమ్మాళ్వార్ల యందు మఱియు తిరువాయ్ మొళి యందు గల గొప్ప భక్తి చేతను మరియు చేతనుల మీద గల వాత్సల్యముతో పెరియవాచ్ఛాన్ పిళ్ళై కృపకు పాత్రులైన వాదికేసరి అళగియ మణవాళ జీయర్, తమ తదనంతర కాలములో వచ్చు ఆచార్యులు పాశురములలోని అర్థములను సంపూర్ణముగా తెలుసుకొని ఇతరులకు ఉపదేశము చేయుటకు అనుకూలముగా, తమ ఆచార్యుల కృపతో కలిగిన జ్ఞాన విశేషముతో నమ్మాళ్వార్ మాఱన్ కృప చేసిన వ్యాఖ్యానము పన్నీయాయిరప్పడి వ్యాఖ్యానము. ఇది పదముల వరుస క్రమములో అనగా పాశురములలోని విషయములకు వివిధ అర్థ విశేషములతో కూడినది.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-44-45-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ఉపదేశ రత్తినమాలై – సరళ వ్యాఖ్యానము – పాశురము 41 – 43

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 41

నలబైయొకటవ పాశురము. ఈ పాశురములో తిరుక్కురుగైపిరాన్ పిళ్ళాన్ తిరువాయ్ మొళికి చేసిన ఆరాయిరప్పడి (ఒక పడికి 32 అక్షరములు) వ్యాఖ్యాన వైభవమును మామునులు కృపచేయుచున్నారు.

తెళ్ళారుమ్ జ్ఞాన త్తిరుక్కురుగైప్పిరాన్                                                                  పిళ్ళాన్ * ఎతిరాశర్ పేరరుళాళ్ ఉళ్ళిరుమ్                                                    అన్బుడవే మాఱన్మఱై ప్పొరుళై అన్ఱురైత్తదు!                                               ఇన్బమిగుం ఆఱాయి‌రమ్!!

ఎంబెరుమానార్లచే జ్ఞాన పుత్రునిగా అభిమానింపబడి ఉడయవర్ల నిర్హేతుక కృపకు పాత్రులైన తిరుక్కురుగై పిరాన్ పిళ్ళాన్ తిరువాయ్ మొళి యందు గల అమిత భక్తి చేతను చేతనుల మీదకల అమితమైన కృపచేతను నమ్మాళ్వార్ మాఱన్ కృప చేసిన తిరువాయ్ మొళికి ఎంబెరుమానార్ కాలములోనే దాసులకు మిక్కిలి సంతోషమును కలిగించే ఆరాయిరప్పడి వ్యాఖ్యానమును కృప చేసినారు. ఈ వ్యాఖ్యానము యొక్క పరిమాణము విష్ణుపురాణమునకు సమానము.

పాశురము 42

నలుబది రెండవ పాశురములో నఞ్జీయర్ కృపతో తిరువాయ్ మొళికి చేసిన ఒన్బదినాయిరప్పడి వ్యాఖ్యానము గురించి తెలుపుచున్నారు.

తఞ్జ్శరై జ్ఞానియర్ గళ్ దామ్ పుగழுమ్ వేదాన్తి!                                                నఞ్జీయర్ దామ్ భట్టర్ నల్లరుళాల్ * ఎఞ్జాద                                              ఆర్వముడన్ మాఱన్మఱై ప్పొరుళై ఆయ్ న్దుఱైత్తదు *                                    ఏరోన్బిదిన ఆయిరమ్!!

శాస్త్ర జ్ఞానము కలిగిన జ్ఞానులు వేధాంతిగా పిలువబడే నఞ్జీయర్ ను శ్లాఘిస్తారు. ఎందుకనగా వారు వేదాంతం (ఉపనిషత్తుల) లో నిష్ణాతులు. అట్టి నఞ్జీయర్ తమ ఆచార్యులైన పరాశర భట్టర్ యొక్క కరుణతో నమ్మాళ్వార్ మాఱన్ కృప చేసిన తిరువాయ్ మొళికి ఎటువంటి కొఱతలేని భక్తితో కృప చేసిన విశ్లేషణాత్మకమైన విపులమైన వ్యాఖ్యానము ఒన్బదినాయిరప్పడి. పరాశర భట్టర్ పరమ కృపతో సంస్కరింపబడి వారి వద్దనే సంప్రదాయ రహస్యార్థ వివరణములను తెలుసుకొని నఞ్జీయర్ తిరువాయ్ మొళికి వందసార్లు కాలక్షేపము చేసిన కీర్తిని పొందినవారు. వారి వ్యాఖ్యనము పరిమాణములో శ్రీభాష్యమునకు సమానము.

పాశురము 43

నలుబైమూడవ పాశురము. ఈ పాశురములో పెరియవాచ్చాన్ పిళ్ళై తిరువాయ్ మొళికి కృపచేసిన ఇరువదినాలాయిరపడి వ్యాఖ్యాన వైభవమును కృపచేయుచున్నారు మామునులు.

నమ్బిళ్ళె తమ్ముడైయ నల్లరుళాల్ ఏవి యిడ!                                                          పిన్ పెరియవాచ్చాన్బిళ్ళై యదనాల్* ఇన్బా                                                     వరుపత్తి మాఱన్మఱై ప్పొరుళై చ్చొన్నదు!                                                          ఇరుపత్తి నాలాయిరమ్!!

లోకాచార్యులుగా కీర్తింపబడే నంబిళ్ళై, వారి యొక్క గొప్ప కరుణ మూలముగా వారి శిష్యులలో ముఖ్యులు వ్యాఖ్యాన చక్రవర్తియైన పెరియవాచ్ఛాన్ పిళ్ళైకి తిరువాయ్ మొళికి ఒక చక్కని వ్యాఖ్యానమును రచించమని ఆజ్ఞాపించగా, ఆ ఆజ్ఞయే కారణముగా తలచి అందముగా మరియు భగవత్ కృప వలన కలిగిన భక్తితో కూడిన నమ్మాళ్వార్ మాఱన్ కృప చేసిన తిరువాయ్ మొళికి పెరియవాచ్చాన్ పిళ్ళై కృప చేసిన వ్యాఖ్యనము ఇరువది నాలాయిరపడి వ్యాఖ్యనము. ఇది పరిమాణములో శ్రీమధ్రామాయణమునకు సమానము.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-41-43-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ఉపదేశ రత్తినమాలై – సరళ వ్యాఖ్యానము – పాశురము 38 – 40

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 38

ముప్పదెనిమిదవ పాశురము. ఎంబెరుమానార్ ప్రపత్తి మార్గమును మంచిగా నడిపిస్తూ శ్రీభాష్యము మొదలగు గ్రంథముల రూపములో ఈ మార్గమును రక్షిస్తూ దీని మూలముగా మన సంప్రదాయమును బాగుగా ప్రవర్తింపచేసి ప్రతి ఒక్కరూ అర్థము చేసుకొను విధముగా నంబెరుమాళ్ వీరికి చేసిన గొప్ప మర్యాద గురించి తెలుపుచున్నారు.

ఎంబెరుమానార్ దరిశనమెన్ఱే ఇదుక్కు!
నమ్బెరుమాళ్ పేరిట్టు నాట్టివైత్తార్ అమ్బువియోర్
ఇన్దదరిశనత్తై ఎమ్బరుమానార్ వళర్త!
అన్దచ్చెయల్ అఱిగై క్కా!!

మన శ్రివైష్ణవ సంప్రదాయమునకు “ఎంబెరుమానార్ దర్శనమ్” అని నంబెరుమాళ్ కీర్తించి స్థాపించినారు. అది ఎందుకనగా ఎంబెరుమానార్ శ్రీభాష్యము మొదలగు గ్రంథముల మూలముగా మన సంప్రదాయమును అందరూ అర్థము చేసుకొను విధముగా చేయడం, అందుకు అనుగుణముగా దివ్యదేశముల యందు దిద్దుబాట్లు చేయడం. ఈ ప్రపత్తి మార్గమును బాగుగా పెంచి పోషించి అభివృద్ధి చేసినారు. ఈ విధముగా చేసి ఈ లోకములో అందరూ అర్థము చేసుకొను విధముగా నంబెరుమాళ్ దీనిని స్థాపించినారు. వీరి పరమ కరుణను తెలుసుకొనిన తిరుకోష్టియూర్ నంబి వీరికి “ఎంబెరుమానార్” అను తిరునామమును ఇచ్చుటను నంబెరుమాళ్ మనసులో తలంచి నంబెరుమాళ్ తామే నంబి ద్వారా ఈ కీర్తిని వారికి వచ్చునట్లు చేసినారని చెప్పవచ్చును.

పాశురము 39

ముప్పైతొమ్మిదవ పాశురము. ఈడు వ్యాఖ్యానము అనగా ద్వయ మంత్రార్థ రూపముగా తిరువయ్ మొళికి వ్యాఖ్యానము. ఎంబెరుమానార్ ఆజ్ఞతో మొదలై అనేక వ్యాఖ్యానములు పూర్వాచార్యుల ద్వారా వెలువడినవి. మామునులు ఎంబెరుమానార్ వివరించిన అర్థములనాధారముగా కృపతో వివరించుచున్నారు.

పిళ్ళాన్ నఞ్జీయర్ పెరియవాచ్చాన్ పిళ్ళై!
తెళ్ళార్ వడక్కుత్తిరివీధిపిళ్ళై!  మణవాళ యోగి
తిరువాయ్ మొళియై క్కాత్త!
గుణవాళరెన్ఱు నెఞ్జే! కూఱు!!

ఎంబెరుమానార్ ద్వారా జ్ఞాన పుత్రులు (అభిమాన పుత్రులు) గా పరిగణింపబడిన తిరుకురుగైపిరాన్, పరాశర భట్టర్ శిష్యులైన నఞ్జీయర్, వ్యాఖ్యాన చక్రవర్తియైన పెరియ వాచ్చాన్ పిళ్ళై, నంబిళ్ళై ప్రియ శిష్యులు మహాజ్ఞాన పూర్ణులైన వడక్కు తిరివీధీ పిళ్ళై, నఞ్జీయర్ దయకు పాత్రులైన వాధికేసరి అళగియ మణవాళ జీయర్ మొదలగు గొప్ప వారు తిరువాయ్ మొళిని కాపాడి వర్ధింప చేసినారు. దీనినే ద్వయ మంత్రము యొక్క వివరణగా భావిస్తారు. అందుచేత ఓ మనసా! ఆ మహానుబావులను స్తుతించు!

పాశురము 40

నలుబదవ పాశురము. తిరువాయ్ మొళికి ఆచార్యులు కృప చేసిన వ్యఖ్యానముల విశేషములను ఇంకా కీర్తించమని తన మనస్సునకు తెలుపుచున్నారు.

మున్దుఱవే పిళ్ళాన్ ముదలానోర్ శెయ్ దరుళుమ్!
అన్ద వియాక్కి యైగళ్ అన్ఱాగిల్ అన్దో
తిరువాయ్ మొళి ప్పొరుళై త్తేరున్దురైక్కవల్ల
గురువార్ ఇక్కాలం నెఞ్జే కూఱు!!

ఓ మనసా! పూర్వం తిరుక్కురుగై పిరాన్ పిళ్ళాన్ మొదలు పూర్వాచార్యులు తిరువాయ్ మొళికి నమ్మాళ్వార్ల మనోద్దేశ్యమునకు తగినట్లుగా వారి ఆచార్యుల ద్వారా విని సమర్ధమైన వ్యఖ్యానములు చేయకుండినచో ఈ కాలంలో తిరువాయ్ మొళి రహస్యార్థములను తెలుపగల వారెవరు నీవే చెప్పుమా!!
తిరువాయ్ మొళి ద్వయ మహామంత్రమునకు వ్యాఖ్యానముగా ఉన్నది. ద్వయ మంత్రములోని మొదటి పంక్తిలో చెప్పిన “పిరాట్టితో కూడిన ఎంబెరుమాన్ శ్రీమన్నారాయణుని తిరువడిగళే ఉపాయముగా పట్టుకొనదగినవి” మఱియు రెండవ పంక్తిలో చెప్పిన “ఈ విధముగా పిరాట్టితో కూడిన ఎంబెరుమానునకు అవిచ్ఛిన్న కైఙ్కర్యమును ప్రార్థించటము”. అటువంటి విషయములనే తిరువాయ్ మొళిలో నమ్మాళ్వార్లు వ్యాఖ్యానము చేసినారు.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-38-40-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ఉపదేశ రత్తినమాలై – సరళ వ్యాఖ్యానము – పాశురము 36 – 37

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 36

ముప్పదారవ పాశురము. ఆళ్వార్ల ఔన్నత్యము వారి రచనల ప్రాశస్త్యమును మన పూర్వాచార్యులు కాక వేరెవరు తెలుసుకొనగలరని తన మనస్సునకు మామునులు చెప్పు విధముగా మనకు కృపచేయుచున్నారు.

తెరుళుత్త ఆళ్వార్ గళ్ శీర్మై యఱివారార్।                                                   అరుళిచ్చెయలై అఱివారార్ * అరుళ్ పెత్త                                                    నాదముని ముదలాన నమ్ దేశికరై యల్లాల్।                                                           పేదై మనమే ఉణ్డో పేశు!!

ఓ అజ్ఞాని మనసా! పరిశుద్ధ జ్ఞాన వంతులైన ఆళ్వార్ల ఔన్నత్యము తెలుసుకొనగలిగిన వారెవరు? వారిచే కృప చేయబడిన ప్రబంధముల వైశిష్ట్యమును తెలుసుకొనగలిగిన వారెవరు? ఆళ్వార్ల యొక్క మరీ ముఖ్యముగా నమ్మాళ్వార్ల అనుగ్రహమును పొందిన శ్రీమన్నాధమునులు మొదలు మన ఆచార్యుల వరకు కాక వేరెవరు? నీవే ఆలోచించి చూడు. ఆళ్వార్ల వైభవమును బాగుగా తెలుసుకున్నవారు మన అచార్యులే! ఎవరైనా ఏదైనా గొప్ప విషయమును బాగుగా తెలుసుకున్నారనుకుంటే అదే విధముగా వారు నడుచుకుంటారు. మన పూర్వాచార్యులు మాత్రమే ఆళ్వార్లు మఱియు వారి కృతుల గురించి పరిపూర్ణ జ్ఞానమును కలిగినవారు. వారు ఆళ్వార్ల రచనలకు పరమ కృపతో చేసిన వ్యాఖ్యానములు చేయుట ద్వారా మరియు వారు చూపిన మార్గము నుంచి ఏ మాత్రము ప్రక్కకు జరగకుండా అచరణలో పెట్టుట ద్వారా మనము వారిని అర్థము చేసుకొనవచ్చును.

పాశురము 37

ముప్పదేడవ పాశురము. శ్రీమన్నాధమునుల నుండి మొదలుకొని ఆచార్యులచే ఆదరింపబడిన ప్రపత్తి (శరణాగతి) మార్గము క్రమముగా వచ్చినది మఱియు దానినే ఎంబెరుమానార్ వారి యొక్క నిర్హేతుక కృపవలన మార్చి అందరికి అందించినారు.

ఓరాణ్ వళియాయ్ ఉపదేశిత్తార్ మున్నోర్।                                                            ఏరార్ ఎతిరాశర్ ఇన్నరుళాల్ * పారులగిల్                                                                ఆశై యుడై యోర్కెల్లామ్ ఆరియర్గాళ్ కూఱుమెన్ఱు *                                                 పేశి వరంబఱుత్తార్ పిన్!!

ఎంబెరుమానారునకు పూర్వమున్న ఆచార్యులు కొంత మంది యోగ్యులుగా భావించిన ప్రియ శిష్యులకు మాత్రమే ఈ యొక్క ప్రపత్తినిష్ఠను అర్థముతో సహా ఉపదేశిస్తూ వచ్చినారు. వారు విషయము యొక్క ఔన్నత్యమును చూసి దాచి పెట్టినారు. ఎతిరాజులనే ప్రశస్తి కలిగిన ఎంబెరుమానార్ అత్యంత కరుణతో ఈ లోకములోనున్న అందరి దుఃఖమును చూసి సహించలేక పరమ ఔదార్యముతో , తమచే నియమింపబడ్డ ఉన్నతమైన ఆచార్యులు కూరత్తాళ్వాన్, మొదలియాండాన్ మొదలగు వారిని తీసుకొని “ఈ లోకములో ఎవకైనా ఎంబెరుమాన్/పరమాత్మను పొందాలని ఆశ ఉన్నదో వారందరికీ నాలాగా కరుణతో ఉపదేశము చేయండి” అని ఆజ్ఞాపించి, అంతకు ముందున్న పద్దతులను/నియమములను మార్చినారు.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-36-37-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

రామానుశ నూత్తందాది – సరళ వ్యాఖ్యానము – పాశురములు 1 – 10

Published by:

శ్రీః శ్రీమతే శఠకోపాయ నమః శ్రీమతే రామానుజాయ నమః శ్రీమత్ వరవరమునయే నమః

పూర్తి క్రమము

<<మునుపటి శీర్శిక

మొదటి పాశురము: “ఎంబెరుమానార్ యొక్క దివ్య చరణాల వద్ద సముచిత జీవితము గడిపేందుకు వారి దివ్య తిరునామాలను పఠిద్దాము” అని అముదనార్ తన హృదయాన్ని ఆహ్వానిస్తున్నారు.

పూ మన్ను మాదు పొరుందియ మార్బన్ పుగళ్ మలింద
పా మన్ను మాఱన్ అడి పణిందుయ్ందవన్ పల్ కలైయోర్
తాం మన్న వంద ఇరామానుశన్ చరణారవిందం
నాం మన్ని వాళ నెంజే శొల్లువోం అవన్ నామంగళే (1)

ఓ మనసా! పద్మమును తన నివాసముగా ఉన్న పెరియ పిరాట్టి, ఎంబెరుమాన్ యొక్క దివ్య వక్షస్థల మాధుర్యాన్ని చూసిన పిదప ఆ దివ్య వక్షస్థలమే తన నివాసముగా చేసుకొని ఉండిపోయింది. ఎంబెరుమాన్ యొక్క దివ్య మంగళ గుణాలు పూర్ణంగా ఉన్న తిరువాయ్మొళిలోనే నమ్మాళ్వార్ మునిగి ఉండేవారు. అటువంటి నమ్మాళ్వార్ యొక్క దివ్యమైన శ్రీ చరణాలను ఆశ్రయించి రామానుజులు జీవించారు. రామానుజులకు పూర్వ కాలములో జీవించిన వారు, శాస్త్రాధ్యయము చేసిన తరువాత కూడా, వాటి నిగూఢ అర్థాలను అర్థము చేసుకోలేక పోయారు. రామానుజులు ఆ గూఢ అర్థాలు తెలిసినవారు మరియు వాటిని చక్కగా స్థాపించారు కూడా. వారి దివ్య చరణములు మన లక్ష్యముగా ఉంచుకొని, సుసంప్పన్నముగా ఉండేందుకు రామానుజుల దివ్య నామాలను పలుకుదాము.

రెండవ పాశురము: ఎంబెరుమానార్ యొక్క దివ్య నామాలను పఠింద్దామని తన హృదయానికి చెప్పిన మునుపటి పాసురము తరువాత, అన్య సాధనములను మరచిపోతూ తన హృదయము ఎంబెరుమానార్ యొక్క దివ్య చరణాలను ఆనందించడం ప్రారంభిస్తుంది.

కళ్ళార్ పొళిల్ తెన్నరంగన్ కమల ప్పదంగళ్ నెంజిల్
కొళ్ళా మనిశరై నీంగి కుఱైయల్ పిరాన్ అడిక్కీళ్
విళ్ళాద అన్బన్ ఇరామానుశన్ మిక్క శీలం అల్లాల్
ఉల్లాదు ఎన్ నెంజు ఒన్ఱు అఱియే ఎనక్కుట్ఱ పేరియల్వే (2)

కొంత మంది మనిషిగా జన్మనెత్తినా కూడా, తేనె కారుతున్న తోటలతో నిండి ఉన్న శ్రీ రంగములో శయనించి ఉన్న పెరియ పెరుమాళ్ పైన దైవ చింతనను నేర్పే శాస్త్రాధ్యయనము చేసే అదృష్టము ఉండదు. అటువంటి వాళ్ళకి నా మనస్సు దూరమైంది. ఆ తరువాత, తిరుక్కుఱైయలూర్లో అవతరించి దివ్య ప్రబంధాన్ని రచించిన తిరుమంగై ఆళ్వార్ యొక్క దివ్య తిరువడిని నిరంతరము ధ్యానించే రామానుజుల యొక్క దివ్య మంగళ గుణాలను తప్పా మరే ఇతర వాటి గురించి నా మనస్సు ధ్యానించడం లేదు.

మూడవ పాశురము: “లౌకిక విషయాలలో మునిగి ఉన్న వారితో నా సంబంధము తొలగించి ఎంబెరుమానార్ సంబంధము ఉన్న వారి పాదాల వద్ద నా సంబంధము ఉండేలా చేసిన నీ గొప్ప ఉపకారముకి నేను తల వంచుతున్నాను” అని అముదనార్ తన హృదయముతో అంటున్నారు.తిరుమంగై ఆళ్వార్ యొక్క దివ్య తిరువడిని నిరంతరము ధ్యానించే రామానుజుల దివ్య మంగళ గుణాలను తప్పా ఇంక దేని గురించి ఆలోచించడం లేదు.

పేరియల్ నెంజే అడి పణిందేన్ ఉన్నై పేయ్ పిఱవి
ప్పూరియరోడుళ్ళ శుట్ఱం పులర్ త్తి ప్పొరువరుం శీర్
ఆరియన్ శెమ్మై ఇరామానుశ మునిక్కన్బు శెయ్యుం
శీరియ పేఱు ఉడైయార్ అడిక్కీళ్ ఎన్నై చ్చేర్త్తదర్కే (3)

గొప్ప గుణమున్న ఓ మనసా! నాకు ఎంత గొప్ప ఉపకారాన్ని చేసావు. అహంకార మమకార లోపాలున్న వారితో, అజ్ఞానులు మొదలైన వారితో నా సంబంధాన్ని తెంచి గొప్ప వ్యక్తుల చరణాలను చేరేలా చేసినందుకు నీకు నమస్కారాలు. తన దాసులతో ఇమిడిపోయే నిజాయితీ ఉన్న ఎంబెరుమానార్ పట్ల భక్తి ఉన్న వారు ఈ గొప్ప వ్యక్తులు.

నాల్గవ పాశురము: నిరహేతుకమైన ఎంబెరుమానార్ కృప కారణముగా, తాను మునుపటి దిగజారిన స్థాయికి వెళ్ళనని, తనలో ఇక ఏ దోషములూ లేవని వారు తెలియజేస్తున్నారు.

ఎన్నై ప్పువియిల్ ఒరు పొరుళాక్కి మరుళ్ శురంద
మున్నై ప్పళవినై వేర్ అఱుత్తు ఊళి ముదల్వనైయే
పన్న ప్పణిత్త ఇరామానుశన్ పరమ్ పాదముం ఎన్
శెన్ని త్తరిక్క వైత్తాన్ ఎనక్కేదుం శిదైవిల్లెయే (4)

అన్ని తత్వాలకు (చిత్ మరియు అచిత్) కారకుడు, భగవాన్ సర్వకారకుడని, మనందరము గుర్తించి ధ్యానించేలా చేసిన వారు ఎంబెరుమానార్లు. ఇది వారు శ్రీ భాష్యంతో సాధించగలిగారు. అందరి కన్నా గొప్పవారైన రామానుజులు, ఈ ప్రపంచములో అచేతనముగా ఉన్న నన్ను చేతనుడిగా తయారుచేశారు. అనాదిగా నన్ను వెంటాడుతున్న నా కర్మలను తొలగించి, వారి దివ్య తిరువడిని నా శిరస్సు పై ఉంచి నన్ను కటాక్షించారు. ఇక నాలో ఏ లోపము లేదు.

ఐదవ పాశురము: రామానుజుల దివ్య నామాలను పఠిద్దామని ఈ ప్రబంధాన్ని ప్రారంభించిన అముదనార్, వాటిని పఠించడం మొదలుపెట్టారు. కుదృష్టులు తనను నిందిస్తారేమోనని మొదట భావించి, ఆపై తనను తాను ఒప్పించుకొని, తన కార్య సాధనను ప్రారంభిస్తున్నారు.

ఎనక్కుట్ఱ శెల్వం ఇరామానుశన్ ఎన్ఱు ఇశైయగిల్లా
మన క్కుట్ఱ మాందర్ పళిక్కిల్ పుగళ్ అవన్ మన్నియ శీర్
తనక్కుట్ఱ అన్బర్ అవన్ తిరునామంగళ్ శాట్ఱుం ఎన్బా
ఇన క్కుట్ఱం కాణగిల్లార్ పత్తి ఏయ్ంద ఇయల్విదెన్ఱే(5)

మన స్వరూపానికి నిధి అయిన వారు ఒక్క ఎంబెరుమానార్, అనే నా ప్రయత్నాన్ని తోసిపుచ్చి, నా అభిప్రాయాలను బుద్దిలోపముతో అంగీకరించని వారు ఉన్నట్లైతే అది నాకు పండుగ లాంటిది. ఎంబెరుమానార్ యొక్క మంగళ గుణాలపై భక్తి ప్రపత్తులు ఉన్నవారు వారి దివ్య నామాలను మరియు దివ్య కార్యాలను వ్యక్తపరచే నా పాశురములలో లోపాలను చూడరు.

ఆరవ పాశురము: మునుపటి పాశురములో, ఎంబెరుమానార్ పట్ల తన భక్తిని వ్యక్త పరచుచున్నానని చెప్పిన అముదనార్, ఇప్పుడు ఎంబెరుమానార్ గొప్పతనానికి తగిన భక్తి తనలో లేదని తనను తాను నిందించుకుంటున్నారు.

ఇయలుం పొరుళుం ఇశైయ త్తొడుత్తు ఈన్ కవిగళ్ అన్బాల్
మయల్ కొణ్డు వాళుత్తుం ఇరామానుశనై మది ఇన్మైయాల్
పయిలుం కవిగళిల్ పత్తి ఇల్లాద ఎన్ పావి నెంజాల్
ముయల్ గిన్ఱనన్ అవన్ తన్ పెరుం కీర్తి మొళిందిదవే (6)

ఎంబెరుమానార్ పై ప్రేమతో గొప్ప కవులు పదాలను కూర్చి మాలలు చేసి కవితలు మరియు పద్యాల రూపములో కీర్తిస్తారు. పాపపూరితమైన వాడినైన నాకు అంతటి భక్తి లేదు. వారి అమితమైన గొప్పతనాన్ని నా అజ్ఞానమైన బుద్దితో నా ఈ పాశురముల ద్వారా తెలియజేయడనికి ప్రయత్నిస్తున్నాను.

ఏడవ పాశురము: తన నీచత్వాన్ని చూసి ఒక అడుగు వెనకకు వేసిన అముదనార్, కూరత్తాళ్వాన్ యొక్క దివ్య చరణాలతో ఉన్న తన సంబంధాన్ని గుర్తుచేసుకొని ఇది తనకు కష్టమైన పని కాదని నిర్ణయించుకొని ప్రారంభిస్తున్నారు.

మొళియై క్కడక్కుం పెరుం పుగళాన్ వంజ ముక్కుఱుంబామ్
కుళియై క్కడక్కుం నమ్ కూరత్తాళ్వాన్ చరణ్ కూడియ పిన్
పళియై క్కడత్తుం ఇరామానుశన్ పుగళ్ పాడి అల్లా
వళియె క్కడత్తల్ ఎనక్కు ఇని యాదుం వరుత్తం అన్ఱే (7)

కూరత్తాళ్వారుల గొప్పతనాన్ని పూర్తిగా చెప్పలేము; మూడు అగాధ లోయల రూపములో ఉన్న వంశ అహంకారము (గొప్ప కులము లో పుట్టడం ), జ్ఞాన అహంకారము, ప్రవర్తన వల్ల సంక్రమించిన అహంకారాన్ని వారు జయించినారు. మా నాయకులైన కూరత్తాళ్వారుల దివ్య చరణములను చేరుకున్నాము. మనకి, ఈ పాప సాగరమును దాటడానికి సహాయపడే ఎంబెరుమానార్ యొక్క దివ్య మంగళ గుణాలను కీర్తించడములో ఇక ఇప్పుడు అంత కష్టము ఉండదు. నా స్వరూపానికి విరోధమైన సాధనములను నుండి కూడా తప్పించు కొనవచ్చు.

ఎనిమిదవ పాశురము: పొయిగై ఆళ్వార్ అనుగ్రహించిన దివ్య ప్రబంధముపై ధ్యానించే గొప్పతనము గల ఎంబెరుమానార్, నాకు ప్రభువు.

వరుత్తుం పుఱ ఇరుళ్ మాట్ఱ ఎం పొయిగై ప్పిరాన్ మఱైయిన్
కురుత్తిన్ పొరుళైయుం శెందమిళ్ తన్నైయుం కూట్టి
ఒన్ఱ త్తిరిత్తు అన్ఱు ఎరిత్త తిరువిళక్కై త్తన్ తిరువుళ్ళత్తే
ఇరుత్తుం పరమన్ ఇరామానుశన్ ఎం ఇఱైయవనే (8)

అజ్ఞానము వలన జీవాత్మలు ఈ లౌకిక సుఖాలవైపు ఆకర్షితులై చివరికి దుఃఖాన్ని పొందుతున్నారు. ప్రపన్న కులానికి అతి ప్రియులు మరియు ఉత్తములైన పొయిగై ఆళ్వార్, అజ్ఞానాంధకారమును తోలగించే వేదాంతమును అందమైన తమిళ పదాలతో వైయమ్ తగళియ (ఈ ప్రపంచాన్నే దీపముగా) అని మొదలైయ్యే ముదల్ తిరువందాది పాడారు. ఆ దివ్య దీపాన్ని తమ దివ్య మనస్సులో ఉంచుకున్న ఉత్తములు ఎంబెరుమానార్ మనకు స్వామి.

తొమ్మిదవ పాశురము: బూదత్తాళ్వారుల దివ్య తిరువడిని ధ్యానిస్తూ ఉండే ఎంబెరుమానార్ యొక్క దివ్య మంగళ గుణాలను ఎవరైతే పఠిస్తారో, వారు ఈ ప్రపంచములో వేదాలను స్థాపించి కాపాడతారు అని అముదనార్ తెలియజేస్తున్నారు.

ఇఱైవనై క్కాణుం ఇదయత్తిరుళ్ కెడ జ్ఞానం ఎన్నుం
నిఱై విళైక్కు ఎట్ఱియ భూద త్తిరువడి తాళ్గళ్ నెంజ
త్తుఱైయ వైత్తాళుం ఇరామానుశన్ పుగళ్ ఓదుం నల్లోర్
మఱైయివై క్కాత్తు ఇంద మణ్ఞగత్తే మన్న వైప్పవరే (9)

అన్బే తగళియ అని ప్రారంభమయ్యే ఇరండామ్ తిరువందాదిని పాడిన బూదత్తాళ్వార్, అన్ని అంశాలలో పరిపూర్ణమైన దీపాన్ని (ఇరండామ్ తిరువందాది) వెలిగించారు. మన మనస్సులో ఉన్న అజ్ఞానాంధకారాన్నినాశింపజేస్తుంది ఈ దీపము. ప్రకాశవంతమైన మనస్సుతో మాత్రమే సరైన నాయకుడిని మనము గుర్తించగలము. బూదత్తాళ్వార్ల దివ్య చరణములు నిత్యము ఎంబెరుమానార్ తమ దివ్య మనస్సులో ఉంచుకున్నారు. ఎంబెరుమానార్ యొక్క దివ్య మంగళ గుణాలను ధ్యానించేవారు వేదాలను (బాహ్యులు మరియు కుదృష్టులచే నాశనము చేయలేనివి) రక్షించి, ఈ ప్రపంచములో వాటిని దృఢంగా స్థాపిస్తారు.

పదవ పాశురము: పేయ్ ఆళ్వార్ యొక్క దివ్య తిరువడిని ఎల్లప్పూడూ కీర్తించే గుణము ఉన్న ఎంబెరుమానార్ యొక్క తిరువడిని తమ శిరస్సుపై ఉంచుకొని భక్తి చుపేవారు ఎల్లప్పుడు గొప్పవారు అని అముదనార్ చెబుతున్నారు.

మన్నియ పేరిరుళ్ మాండబిన్ కోవలుళ్ మామలరాళ్
తన్నొడు మాయనై క్కణ్డమై కాట్టుం తమిళ్ త్తలైవన్
పొన్నడి పోట్ఱుమ్ ఇరామానుశర్కు పూందవర్ తాళ్
శెన్నియిల్ శూడుం తిరువుడైయార్ ఎన్ఱుం శీరియరే (10)

మొదటి ఇద్దరు ఆళ్వారులు దీపాలు వెలిగించిననంతరం (తిరువందాదులతో) అత్యంత స్థిరమైన అజ్ఞానాంధకారము పూర్తిగా కొట్టుకొనిపోయినది. అలా అంధకారము నశించిన అనంతరం, తిరుక్కోవలూర్లో వేంచేసి ఉన్న పెయాళ్వార్, భగవాన్ (కృష్ణావతారములో భక్తవత్సలునిగా ఉన్నవారు) తో కలిసి ఉన్న తిరుమామగళ్ (శ్రీ మహాలక్ష్మి) ని ఎలా దర్శించారో మనకు చూపించారు. తమిళ నాయకుడైన పేయాళ్వార్ యొక్క అపేక్షనీయమైన దివ్య చరణాలను ఎంబెరుమానార్ కీర్తించారు. ఎంబెరుమానార్ యొక్క భక్తుల దివ్య చరణాలను ధరించేవారు, ఎంబెరుమానార్ పట్ల ఉన్న భక్తి ప్రపత్తులను వారి శిరస్సుపై ఆభరణముగా ధరించువారు ఎల్లప్పుడూ పూజ్యనీయులు ( ఎందుకంటే వారి వద్ద ఈ గొప్ప సంపద ఉన్నది కాబట్టి ).

తదుపరి శీర్శికలో, ఈ ప్రబంధము యొక్క పై పాశురములను అనుభవిద్దాము.

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/04/ramanusa-nurrandhadhi-pasurams-1-10-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ఉపదేశ రత్తినమాలై – సరళ వ్యాఖ్యానము – పాశురము 34 – 35

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 34

ముప్పది నాల్గవ పాశురము. మామునులు కృపతో ఇప్పటి వరకు ఆళ్వార్ల తిరునక్షత్రములు మఱియు వారి తిరు అవతార స్థలములను వివరించినారు. ఈ మూడవ పాశురములో పూర్వాచార్యుల దివ్యచేష్టితములు “తాళ్వాదుయిల్ కూరవర్ తామ్ వాళి – ఏళ్ పారుమ్ ఉయ్య అవర్ గళ్ ఉరైత్తవైగళ్ తామ్ వాళి” అని మంగళాశాసనము చేయుచున్నారు. ఇప్పుడు పూర్వాచార్యులు ఆళ్వార్లు కృపచేసిన దివ్య ప్రబంధములకు చేసిన వ్యాఖ్యానముల గురించుటకై సంకల్పము చేయుచున్నారు.

ఆళ్వార్ గళేత్తుమ్ అరుళిచ్చెయలేత్తుమ్!                                                  తాళ్వాదుమిన్ఱి యవైదాన్ వళర్తోర్ * ఏళ్ పారుమ్                                                  ఉయ్య అవర్ గళ్ శెయ్ద వియాక్కియైగళ్ ఉళ్ళదెల్లామ్!                                          వైయ మఱియ ప్పగర్వోమ్ వాయ్ న్దు!!

ఆళ్వార్ల యొక్క ప్రత్యేక కీర్తి మఱియు వారి యొక్క కృపా రూపములైన ప్రబంధములకు ఎటువంటి కొరత మరియు కీంచిత్ దోషము కూడా లేని విధముగా యావత్ ప్రపంచము ఉజ్జీవించే విధముగా వ్యాఖ్యానములను కృప చేసినారు.

ఆళ్వార్లు ఎంబెరుమాన్ యొక్క నిర్హేతుక కృప వలన జ్ఞాన భక్తులను పొందినవారు. వారి యొక్క రచనలు సులభ శైలిలో వేదార్థములను వివరించుట మఱియు ఎంబెరుమాన్ విషయము తప్ప వేరే ఏ ఇతర విషయములను ప్రస్తావించకుండుట. మన పూర్వాచార్యులు లోకోజ్జీవనమునకు మాత్రమే అంకితమై ఎంబెరుమాన్ ను ధ్యానించుట కైంకర్యము చేయుట తప్ప నీఛమైన ఐహిక సాధనములైన కీర్తి, సంపత్తి, వారి వ్యక్తిగత ప్రతిష్ఠల గురించి ఎప్పుడూ ఆలోచించలేదు.

పాశురము 35

ముప్పదైదవ పాశురము. మామునులు తన మనస్సునకు ఏమి చెప్పుతున్నారంటే ఆళ్వార్లు మఱియు వారి కృతుల యొక్క గొప్పతనమును తెలుసుకొనక అవమానించువారు అల్ప జ్ఞానులు/నీఛులు.

ఆళ్ వార్గళైయుం! అరుళిచ్చెయల్ గళైయుం!                                                        తాళ్ వాగ ననైప్పవర్ గళ్ దామ్! నరకిల్                                                        వీళ్వార్గళెన్ఱు నినైత్తు నెఞ్జే! యెప్పొళుదుం నీ అవర్ పాల్!                  శెన్ఱణుగక్కూశిత్తిరి!!

ఓ మనసా! చాలా గొప్పవారైన ఆళ్వార్లు మరియు వారి అతి విలక్షణమైన రచనలను తక్కువగా చూసేవారు నరమునకు వెళ్తారని తలచి అటువంటి వారి సమీపమునకు పోకుండుట, వారి సహవాసము చేయకుండుట మనకు ఉత్తమమని తలచి వారికి దూరముగా మసులుము.

ఎంబెరుమాన్ నకు అత్యంత ప్రీతిపాత్రులైన ఆళ్వార్లు ఈ లోకంలో అవతరించి అందరినీ ఉజ్జీవింపబడే మార్గమును చూపినారు. వారు పుట్టిన కులమునో లేక వారు పాడిన ప్రబంధములు తమిశ భాషలోనే ఉన్నాయనో తక్కువగా తలచేవారిని, ఎంబెరుమాన్ తాను క్షమించక పోవడమే కాకుండా నరకములో తోసేస్తాడు. ఈ విధముగా ఉండుటచే నీవు వారితో ఉండగవలవా? అందువలన నీవు వారి సమీపమునకు పోవుట సహవాసము చేయుట మనకు తగదని తలచి దూరముగా ఉండుము.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-34-35-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ఉపదేశ రత్తినమాలై – సరళ వ్యాఖ్యానము – పాశురము 31 – 33

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఉపదేశ రత్తినమాలై

<< గతశీర్షిక

పాశురము 31

ముప్పదొకటవ పాశురము. ఈ పాశురములో మామునులు తొణ్డరడిప్పొడి ఆళ్వారు మఱియు కులశేఖర ఆళ్వార్ల అవతార స్థలముల విశేషములను కృపచేయుచున్నారు.

తొణ్డరడిపొడియార్ తోన్ఱియ ఊర్  తొల్ పుగళ్ శేర్                                             మణ్ఢజ్ఞుడి యెన్బర్ మణ్ణులగిల్ ఎణ్డిశైయుమ్                                                      ఏత్తుమ్ కులశేఖర నూరెన ఉరైప్పర్!                                                                      వాయ్ త్త తిరువఞ్జిక్కళమ్!!

తొణ్డరడిప్పొడి ఆళ్వార్లవతరించిన స్థలము తిరుపుళ్ళం భూతంగుడి అను దివ్య దేశమునకు ప్రక్కన గల ప్రాచీన మఱియు ప్రఖ్యాతిగాంచిన “తిరుక్కురుంగుడి” అని పెద్దల అభిప్రాయము. ఎనిమిది దిక్కుల ప్రజలు కీర్తించునట్టి కులశేఖర ఆళ్వార్లవతరించిన స్థలము “తిరువంజిక్కళం”. ఆ స్థలము ఆళ్వార్ల కీర్తికి సమానమైనదని పెద్దల అభిప్రాయము.

పాశురము 32

ముప్పది రెండవ పాశురము. తిరుమణిశై ఆళ్వార్, నమ్మాళ్వార్ మఱియు పెరియాళ్వార్ల అవతారస్థలముల విశేషములను కృపచేయుచున్నారు.

మన్ను తిరుమళిశై మాడ త్తిరుక్కురుగూర్!                                                             మిన్ని పుగళ్ విల్లిపుత్తూర్ మేదినియిల్ * నన్నఱియోర్                                        ఏయ్ న్ద పత్తిశారర్ ఎళిల్ మాఱన్ పట్టర్ పిరాన్!                                                     వాయ్ న్దుదిత్త ఊర్ గళ్ వగై!!

ఈ ప్రపంచంలో ఆచార్యుల కరుణ కొఱకే వేచి ఉండడమనే మంచి లక్ష్యముతో ఉండినవారు శ్రీభక్తిసారులు అనబడే తిరుమణిశై ఆళ్వార్, అందముగా గల మాఱన్ అనబడే నమ్మాళ్వార్, భట్టర్ పిరాన్ అనబడే పెరియాళ్వార్లు వారి అవతార స్థలములు వరుసగా జగన్నాధ పెరుమాళ్ నిత్యము నివసించు మహీసార క్షేత్రం అనబడే తిరుమణిశై, మేడలు మిద్దేలతో చుట్టబడిన ఆళ్వార్ తిరునగరీ అనబడు తిరుక్కురుగూర్ మఱియు ప్రకాశవంతమైన కీర్తిని కలిగిన శ్రీవిల్లిపుత్తూర్ మొదలగునవి.

పాశురము 33

ముప్పదిమూడవ పాశురము. ఈ పాశురములో మామునులు ఆణ్డాళ్, మధురకవి ఆళ్వార్ మరియు యతిరాజులనబడే భగవద్రామానుజుల అవతార స్థలముల వైభవమును కృపచేయుచున్నారు.

శీరారుమ్ విల్లిపుత్తూర్ శెల్వత్తిరుక్కోళూర్!                                                              ఏరార్ పెరుమ్బూదూర్ ఎన్నుమివై * పారిల్                                                    మదియారుమ్ ఆణ్డాళ్ మధురకవి యాళ్వార్!                                                  ఎతిరాశర్ తోన్ఱియ ఊర్ ఇజ్ఞు!!

కీర్తికి ఆలవాలమైన శ్రీవిల్లిపుత్తూరు, కైంకర్య లక్ష్మీ నిండుగా కలిగిన తిరుక్కోవలూరు మరియు ఆది కేశవ పెరుమాళ్ళను నిత్యవాసముగా కలిగిన శ్రీపెరుంబుదూరు వరుసగా భూమి పిరాట్టి అంశగా అవతరించిన ఆండాళ్, నమ్మాళ్వార్లనే తమ దైవముగా భావించే మధురకవి ఆళ్వార్లు మరియు పరమాత్మ కల్యాణ గుణ సంపత్తి యొక్క పరిపూర్ణ జ్ఞానము కలిగిన యతిరాజులనబడే భగవద్రామానుజుల అవతార స్థలములు.

అడియేన్ వీ.వీ.ఎల్.ఎన్. ఆచార్యులు రామానుజ దాసన్

మూలము : http://divyaprabandham.koyil.org/index.php/2020/06/upadhesa-raththina-malai-31-33-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

రామానుశ నూత్తందాది – సరళ వ్యాఖ్యానము – తనియన్లు

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

మున్నై వినై యగల మూంగిల్‌ కుడి అముదన్
పొన్నం కళఱ్కమల ప్పోదిరణ్డుం – ఎన్నుడైయ
శెన్నిక్కు అణియాగ చ్చేర్‌త్తినేన్  తెన్బులత్తార్ క్కు
ఎన్నుక్కడ ఉడైయేన్ యాన్ 

ఎన్నో జన్మలుగా మూటగట్టుకున్న పాపాలను పటాపంచలు అవ్వాలని మూంగిల్ కుడిలో జన్మించిన బంగారము లాంటి అముదనార్ యొక్క దివ్య పాదాలను నేను నా తలపై ఒక ఆభరణము వలే ఉంచు కున్నాను. ఇక దీని తరువాత యమునితో గానీ యమదూతలతో గానీ నాకేరకమైన సంబంధము లేదు. 

నయందరు పేరిన్బమ్ ఎల్లాం పళ్ళుదు ఎన్ఱు నణ్ణినర్బాల్‌ 
శయందరు కీర్‌త్తి ఇరామానుశ ముని తాళ్‌ ఇణై మేల్‌
ఉయరన్ద గుణత్తు త్తిరువరంగత్తు అముదోంగుం అన్బాల్‌
ఇయమ్బుుం కలిత్తుఱై అందాది ఓద ఇశై నెంజమే |

ఎంబెరుమానార్ తనను ఆశ్రయించిన వారికి ఈ సంసారాన్ని జయించే అనుగ్రహమును ప్రసాధిస్తారు, ఆ తరువాత ఈ భౌతిక వ్యవహారాలకు సంబంధించిన సుఖాలన్నీ ఎంత బుద్ది హీనమైనవో వారు గుర్తిస్తారు. ఓ మనసా! గొప్ప గుణాలున్న తిరువరంగత్తు అముదనార్, రామానుజముని తిరువడి పట్ల తన భక్తి ప్రపత్తులు ఉప్పొంగి రచించిన ఈ ప్రబంధాన్ని పఠించేందుకు అంగీకరించు. ఈ ప్రబంధము కలిత్తుఱై అందాది ఆకృతిలో (ముందు పాశురము యొక్క ఆఖరి పదము తరువాతి పాశురము యొక్క మొదటి పదము అవుతుంది) కూర్చబడింది.

శొల్లిన్ తొగై కొణ్డు ఉనదడిప్పోదుక్కు త్తొండు శెయ్యుం
నల్లన్బర్‌ ఏత్తుం ఉన్ నామం ఎల్లాం ఎందన్ నావినుళ్ళే
అల్లుం పగలుం అమరుం బడి నల్గు అఱు శమయం
వెల్లుం పరమ ఇరామానుశ ఇదు ఎన్ విణ్ణప్పమే

నీ భక్తులు, నీ తిరువడి  వద్ద వాచిక కైంకర్యము రూపముగా కొన్ని ప్రత్యేక పాశురములను పఠించి ప్రయోజనము పొందుతారు. నీపై  ప్పొంగి పొరలిన భక్తితో వారు స్మరించిన నామాలన్నీ రాత్రి పగలు తేడా లేకుండా నా నాలుకపై నిత్యము ఉండేలా అనుగ్రహము ప్రసాదించు. ఆరు విభిన్న తత్వశాస్త్రములను అనుసరించు వారిని, వేదములపై విశ్వాసము లేని వారిని, వేదములను తప్పుగా అర్థము చేసుకొను వారిని జయించిన ఓ గొప్ప రామానుజ ఇదే నీకు నా ప్రార్థన.

తదుపరి శీర్షికలో, ఈ ప్రబంధం యొక్క తరువాత భాగాన్ని అనుభవిద్దాము.

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/04/iramanusa-nurrandhadhi-thaniyans-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

రామానుశ నూత్తందాది – సరళ వ్యాఖ్యానము

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

శ్రీ మణవాళ మాముణులు తమ ఉపదేశరత్తినమాల 38వ పాశురములో ఎంబెరుమానార్ యొక్క అసమానమైన వైభవమును అద్భుతంగా వెల్లడిచేశారు. 

ఎమ్బెరుమానార్ దరిశనమెన్ఱే ఇదుక్కు। 
నమ్పెరుమాళ్ పేరిట్టు నాట్టి వైత్తార్ అమ్బువియోర్ 
ఇంద దరిశనత్తై ఎమ్బెరుమానార్ వళర్త।
అన్దచ్చెయల్ అఱిగైక్కా॥

నంపెరుమాళ్ (శ్రీరంగ ఉత్సవ మూర్తి)  మన శ్రీ వైష్ణవ సాంప్రదాయమును ఎంబెరుమానార్ దరిశనము అని నామకరణము చేశారు, అభివృద్ది పరచారు. ఇది ఎందుకనగా, స్పష్టమైన వివరణలలో ఎంబెరుమానార్ ఈ భక్తి మార్గాన్ని అభివృద్ది పరచి శ్రీభాష్యం మొదలైన గ్రంథములను రచించారు. ఆచార్యుల ద్వారా మన సాంప్రదాయము యొక్క అర్థాలు అందరికీ అందేలా చేశారు, ఎన్నో దివ్య ఆలయముల పద్దతులలో (ఆలయ పరిపాలన, శాస్త్రానుసారముగా పెరుమాళ్ ఉత్సవములు మొదలైనవి) సంస్కరణలు చేశారు. ఎంబెరుమానార్ చేపట్టిన  సంస్కరణలు అందరికీ తెలియ చేసేందుకు నంపెరుమాళ్ చేత శ్రీ వైష్ణవ సాంప్రదాయము ఎంబెరుమానార్ దరిశనము అని స్థాపించబడింది. ఎంబెరుమానార్ పంచాచార్యులలో ఒకరైన తిరుక్కోష్ఠియూర్ నంబి వారికిచ్చిన ‘ఎంబెరుమానార్’ అన్న బిరుదును సార్థకము చేయుటకు అని కూడా మనము అర్థం చేసుకోవచ్చు. ఎంబెరుమానార్ యొక్క ప్రతిష్ట వ్యాపించాలని నంపెరుమాళ్ చేసిన పని అని కూడా భావించ వచ్చు.     

ఎంబెరుమానార్ కాలములో పిళ్ళై తిరువరంగత్తు అముదనార్ శ్రీరంగములో ఆచార్యులుగా ఉండేవారు. అప్పట్లో వారికి ఎంబెరుమానార్ పట్ల అంత గౌరవము ఉండేది కాదు. ఎంబెరుమానార్ ఆదేశము మేరకు వారిని తన ప్రముఖ శిష్యులైన కూరత్తాళ్వార్ యొక్క సంస్కరణలో ఉంచబడ్డారు. కూరత్తాళ్వార్ అనుగ్రహముతో వారు ఎంబెరుమానార్  యొక్క గొప్పతనాన్ని గ్రహించి, ఎంబెరుమానార్ గుణాలను వివరముగా వర్ణిస్తూ  ‘ఇరామానుశ నూత్తందాది’ అనే అద్భుతమైన ప్రబంధాన్ని వ్రాశారు. 

ఈ ప్రబందానికి సరళ వ్యాఖ్యానము మణవాళ మామునులు కృప చేశారు. ఈ వ్యాఖ్యానములో వారు ఈ ప్రబంధము యొక్క గొప్పతనాన్ని అందముగా వివరించారు. మనము క్లుప్తంగా ఈ గుణాలను ఇక్కడ చూద్దాము.

మధురకవి ఆళ్వార్ తమ ఆచార్యులైన నమ్మాళ్వార్ పట్ల భక్తి ప్రపత్తులను వ్యక్త పరుస్తూ కణ్ణినుణ్ శిరుత్తాంబు రచించినట్లుగా, అముదనార్లు ఎంబెరుమానార్  పట్ల తమ భక్తి ప్రపత్తులను వ్యక్త పరుస్తూ ఈ ప్రబంధాన్ని కృప చేశారు. అయితే, మధురకవి ఆళ్వార్ అనుగ్రహించిన సంక్షిప్త ప్రబంధములా కాకుండా, అముదనార్ సుదీర్ఘమైన ప్రబంధాన్ని మనకు కృపచేశారు. ఎలాగైతే యజ్ఞోపవీత సంస్కారం తరువాత గాయిత్రి మంత్రము నిత్యము పఠించాలో, అలాగే ఆచార్య సంబంధము ఏర్పడిన తరువాత మరియు ఎంబెరుమానార్  తిరువడి పట్ల ఆసక్తి ఉన్న వారు నిత్యము అనుదినము ఈ ప్రబంధాన్ని పఠించాలి. ఈ ప్రబంధము యొక్క ప్రతి పాశురములో ఎంబెరుమానార్  నామము ఆవాహన చేయబడింది. కావున మన పెద్దలు ఈ ప్రబంధమును ‘ప్రపన్న గాయిత్రి’ అని పిలిచేవారు. 

ఈ పాశురముల సరళ వ్యాఖ్యానము మామునుల వ్యాఖ్యానముల సహాయముతో వ్రాయబడింది.

తదుపరి శీర్శికలో, ఈ ప్రబందము యొక్క తనియన్లను అనుభవిద్దాము.

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/04/ramanusa-nurrandhadhi-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org