Category Archives: upadhESa raththina mAlai

உபதேச ரத்தின மாலை – தனிப்பாசுரம்

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 73

எறும்பி அப்பா அருளிய தனிப்பாசுரம் – இறுதியில் சேவிக்கப்படுவது வழக்கம்

மன்னுயிர்காள் இங்கே மணவாள மாமுனிவன்
பொன்னடியாம் செங்கமலப் போதுகளை – உன்னிச்
சிரத்தாலே தீண்டில் அமானவனும் நம்மைக்
கரத்தாலே தீண்டல் கடன்

நிலை பெற்ற உலகத்தில் இருப்பவர்களே! இந்த ஸம்ஸார மண்டலத்திலேயே மணவாள மாமுனிகளின் திருவடிகளான பொன்னடியாம் செங்கமலப் போதுகளை ஆசையுடன் சிந்தித்து, உங்கள் தலையிலே வைத்துக் கொண்டால், இந்த தேஹத்தின் முடிவிலேயே, அர்ச்சிராதி மார்க்கத்திலே சென்று, வ்ரஜா நதியைக் கடந்து, அமானவ புருஷனும் உங்களைத் தீண்டுவதைத் தலையாய கடமையாகச் செய்ய, திவ்யமான சரீரத்தைப் பெற்று, ஆனந்தத்துக்கு எல்லை இல்லாத தேசமான  ஸ்ரீவைகுண்டத்தில் இருக்கும் திருமாமணி மண்டபத்துள் சென்று எம்பெருமானால் ஏற்றுக்கொள்ளப்பட்டு, அடியார் குழாங்களுடன் கூடி இருந்து நித்ய கைங்கர்யத்திலே  எப்பொழுதும் இருப்பீர்கள்.

ஆழ்வார் எம்பெருமானார் ஜீயர் திருவடிகளே சரணம்
ஜீயர் திருவடிகளே சரணம்

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 73

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 72

இந்த உபதேச ரத்தின மாலை தன்னைச்

சிந்தை தன்னில் நாளும் சிந்திப்பார் எந்தை

எதிராசர் இன்னருளுக்கு என்றும் இலக்காகிச்

சதிராக வாழ்ந்திடுவார் தாம் 

எழுபத்துமூன்றாம் பாசுரம். இந்த ப்ரபந்தத்தைக் கற்று அனுபவிப்பவர்களுக்கானப் பலனைச் சொல்லி ப்ரபந்தத்தை முடித்தருளுகிறார்.

பூர்வாசார்யர்களின் உபதேச ஸாரத்தை எடுத்துரைத்த இந்த உபதேச ரத்தின மாலை என்னும் ப்ரபந்தத்தைத் தங்கள் சிந்தையிலே எப்பொழுதும் வைத்திருப்பவர்கள், என்னுடைய ஸ்வாமியான யதிராஜராம் எம்பெருமானாரின் இனியதான கருணைக்கு இலக்காகிச் சிறப்பாக வாழ்வார்கள்.

ஆழ்வார்கள் திருவவவதார க்ரமம், அவர்கள் திருவவதார ஸ்தலங்கள், அவர்களின் அருளிச்செயல்களுக்கு ஆசார்யர்கள் இட்டருளிய வ்யாக்யானங்கள், அந்த அருளிச்செயல்கள் மற்றும் வ்யாக்யானங்களின் ஸாரமான ஸ்ரீவசன பூஷண திவ்ய சாஸ்த்ரத்தின் பெருமைகளும் அதில் காட்டப்பட்ட “ஆசார்ய அபிமானம்” என்ற உயர்ந்த கொள்கை ஆகியவற்றை எப்பொழுதும் சிந்தனை செய்பவர்கள், காரேய் கருணை இராமானுசனின் கருணையாலே இவ்வுலகிலும் கைங்கர்யஸ்ரீயுடன் வாழ்ந்து, பிறகு மேலான நித்ய கைங்கர்யத்தையும் பெற்று வாழ்ச்சி அடைவார்கள்.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 72

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 71

பூருவாசாரியர்கள் போதம் அனுட்டானங்கள்

கூறுவார் வார்த்தைகளைக் கொண்டு நீர் தேறி இருள்

தருமா ஞாலத்தே இன்பம் உற்று வாழும் தெருள்

தருமா தேசிகனைச் சேர்ந்து 

எழுபத்திரண்டாம் பாசுரம். ஒரு நல்ல ஆசார்யனை அடிபணிந்து ஆத்மாவின் ஸ்வரூபத்துக்குச் சேர்ந்த கைங்கர்ய ப்ராப்தியை இவ்வுலகிலேயே பெறுங்கோள் என்று மற்றவர்களுக்கு உபதேசம் செய்கிறார்.

ஸத் ஸம்ப்ரதாயத்திலே ஸ்திரமான நிஷ்டை கொண்ட ஒரு ஆசார்யனிடம் சரண் அடைந்து, ஸ்ரீமந்நாதமுனிகள் தொடக்கமான நம் பூர்வாசார்யர்களின் ஞானம் மற்றும் அனுஷ்டானங்களை நன்றாக உபதேசிப்பவர்களிடம் அவற்றைக் கற்றறிந்து, அதிலே நல்ல நிஷ்டை பிறந்து, அஜ்ஞானத்தைக் கொடுத்து அதையே வளர்க்கும் ஸம்ஸார மண்டலத்திலேயே பகவத் பாகவத ஆசார்ய கைங்கர்யம் செய்து இன்பத்துடன் வாழுங்கோள்.

இந்த ஸம்ஸாரம் நமக்கு அஜ்ஞானத்தை அளித்து அதை நன்றாக வளர்க்கும் இடம். நல்ல ஆசார்யனைப் பெற்று அந்த ஆசார்யனிடத்தில் உபதேசங்களைப் பெற்று, ஆசார்யனுக்கு அனுகூலமாக இருந்து, இங்கே இருக்கும் காலத்திலும் திருமால் அடியார்களைப் பூசித்து வாழ்ச்சி பெறலாம்.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 71

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 70

முன்னோர் மொழிந்த முறை தப்பாமல் கேட்டு

பின்னோர்ந்து தாம் அதனைப் பேசாதே தன் நெஞ்சில்

தோற்றினதே சொல்லி இது சுத்த உபதேசவர

வாற்றதென்பர் மூர்க்கர் ஆவார் 

எழுபத்தோறாம் பாசுரம். கீழ்ப் பாசுரங்களில் பார்த்த அனுகூலர்கள் மற்றும் ப்ரதிகூலர்களின் உபதேசங்கள் எப்படிப்பட்டவை என்று அருளிச்செய்கிறார்.

முன்னோர்களான ஸ்ரீமந்நாதமுனிகள் தொடக்கமான பூர்வாசார்யர்களின் உபதேச க்ரமத்திலே அடிபணிந்து கேட்டு அந்த அர்த்தங்களை நன்றாக ஆராய்ந்து பார்த்து, தாமும் அதே க்ரமத்திலே உபதேசம் செய்யாமல், தங்களுடைய நெஞ்சிலே தோன்றிய அர்த்தங்களை மற்றவர்களுக்கு உபதேசித்து, அதற்கு மேலும், நான் சொன்ன அர்த்தங்கள் சுத்த ஸம்ப்ரதாய பரம்பரயிலே சொல்லப்பட்ட அர்த்தங்களே என்று பொய்யுரைப்பவர்கள் மூர்க்கர்கள்.

மூர்க்கன் என்றால் அறிவிலி என்று அர்த்தம். நம்முடைய ஆசார்யர்கள், பரம்பரையாக, ஸத் ஸம்ப்ரதாய அர்த்தங்களைப் பேசிற்றே பேசும் ஏககண்டர்களாக அருளிச்செய்துள்ளனர். அந்த உயர்ந்த ஸ்ரீஸூக்திகளைக் கொள்ளாமல், தாங்களாகவே புதிது புதிதான அர்த்தங்களைக் கற்பிப்பவர்கள் ஆசார்ய பக்தியும், சாஸ்த்ர ஞானமும், ஸத் ஸம்ப்ரதாய ஞானமும் இல்லாத அறிவிலிகளே.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 70

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 69

தீய கந்தம் உள்ளதொன்றைச் சேர்ந்து இருப்பதொன்றுக்குத்

தீய கந்தம் ஏறும் திறம் அது போல் தீய

குணம் உடையோர் தங்களுடன் கூடி இருப்பார்க்குக்

குணம் அதுவேயாம் செறிவு கொண்டு 

எழுபதாம் பாசுரம். விட வேண்டியவர்களான ப்ரதிகூலர்களுடன் ஏற்படும் தீமையை ஒரு உதாரணத்தின் மூலம் விளக்கி அருளுகிறார்.

துர்நாற்றத்துடன் கூடியிருக்கும் ஒரு பொருளுடன் கூடினால் அந்த துர்நாற்றத்தைத் தானும் பெறுவதைப்போலே ரஜோ தமோ குணம் கொண்டவர்களுடன் கூடியிருந்தால், அந்தச் சேர்க்கையினாலேயே தீய குணமானது ஏற்படும்.

பகவத் பாகவத ஆசார்ய பக்தி இல்லாதவர்களுடன் நாம் பழகினால், நம்மிடம் இருக்கும் பகவத் பாகவத ஆசார்ய பக்தியும் குறைந்துவிடும். பகவத் பாகவத ஆசார்ய விஷயத்தில் அபசாரப்படுபவர்களுடன் பழகினால் நாமும் அவ்வாறு அபசாரப்படத் தொடங்கிவிடுவோம். இது இயற்கையே. இவற்றை உணர்ந்து அப்படிப்பட்டவர்களுடன் பழகாமல் இருப்பதே ஆத்மாவுக்கு நலம். இதுவே நம் ஆசார்யர்கள் காட்டிய வழி.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 69

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 68

நல்ல மணம் உள்ளதொன்றை நண்ணி இருப்பதற்கு

நல்ல மணம் உண்டாம் நலம் அது போல் நல்ல

குணம் உடையோர் தங்களுடன் கூடி இருப்பார்க்குக்

குணம் அதுவேயாம் சேர்த்தி கொண்டு 

அறுபத்தொன்பதாம் பாசுரம். அனுகூலர்களுடன் பழகுவதால் ஏற்படும் நன்மையை ஒரு உதாரணத்தின் மூலம் விளக்கி அருளுகிறார்.

நல்ல மணத்துடன் கூடியிருக்கும் ஒரு பொருளுடன் கூடினால் அந்த நல்ல மணத்தைத் தானும் பெறுவதைப்போலே ஸத்வ குணம் கொண்டவர்களுடன் கூடியிருந்தால், அந்தச் சேர்க்கையினாலேயே நல்ல குணமானது ஏற்படும்.

நல்ல குணம் என்பது சேஷத்வ ஞானம், பகவத், பாகவத ஆசார்ய பக்தி, இதர விஷயங்களில் வைராக்யம் போன்றவைகள். ஒரு நிலத்திலே நீர் நிரம்பி இருந்தால் அது அருகில் இருக்கும் நிலங்களிலும் வழியுமாபோலே, உயர்ந்த குணங்களை உடையவர்களுடன் நாம் பழகினால் நமக்கும் அந்த குணங்கள் ஏற்படும். நம் ஸம்ப்ரதாயத்தின் மிக முக்யமான கொள்கை “ஒரு பாகவதனை அண்டி அவன் திருவடி நிழலின் கீழே வாழ்தல்”.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 67

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 66

ஆசாரியர்கள் அனைவரும் முன் ஆசரித்த

ஆசாரம் தன்னை அறியாதார் பேசுகின்ற

வார்த்தைகளைக் கேட்டு மருளாதே பூருவர்கள்

சீர்த்த நிலை தன்னை நெஞ்சே சேர் 

அறுபத்தேழாம் பாசுரம். நீரோ “ஆசார்யனே எல்லாம் என்று இருக்கச் சொல்லுகிறீர். ஆனால் வேறு சிலரோ எம்பெருமானே எல்லாம் என்று இருக்கச் சொல்லுகிறார்கள், இதில் எது உண்மை?” என்று தன் திருவுள்ளம் கேட்பதாகக் கொண்டு அதற்கு விடை அருளிச்செய்கிறார்.

நெஞ்சே! நம்முடைய பூர்வாசார்யர்கள், அதாவது ஸ்ரீ மதுரகவிகள், ஸ்ரீமந்நாதமுனிகள் தொடக்கமான ஆசார்யர்கள் அனைவரும் ஆசார்ய பக்தியிலேயே திளைத்திருந்தார்கள். அப்படிப்பட்டவர்களின் ஆசாரத்தை, அதாவது நடத்தையை அறியாதவர்கள் சொல்லுகின்ற உபதேசங்களைக் கேட்டுக் கலங்காதே. நம்முடைய பூர்வாசார்யர்கள் கொண்டிருந்த உயர்ந்ததான நிலையை நீயும் அடை.

எம்பெருமானை அடிபணிந்து இருப்பது என்பது முதல் நிலை. ஆசார்யனை அடிபணிந்து இருப்பது என்பது எல்லையான நிலை. நம் ஆசார்யர்கள், இந்த எல்லையான நிலையில் இருப்பதையே விரும்பி அனுஷ்டித்தார்கள்.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 66

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 65

பின்பழகராம் பெருமாள் சீயர் பெருந்திவத்தில்
அன்பதுவும் அற்று மிக்க ஆசையினால்
நம்பிள்ளைக்கான
அடிமைகள் செய் அந்நிலையை நன்னெஞ்சே
ஊனமற எப்பொழுதும் ஓர் 

அறுபத்தாறாம் பாசுரம். கீழ்ப் பாசுரங்களில் காட்டிய விஷயத்துக்கு உதாரணமாக யாரேனும் உளரோ என்று தன் திருவுள்ளம் கேட்பதாகக் கொண்டு அதற்கு விடை அருளிச்செய்கிறார்.

பின்பழகராம் பெருமாள் ஜீயர் பெரு நகரமான பரமபதத்தை அடைவதில் எந்த ஆசையும் கொள்ளாமல், தன் ஆசார்யரான நம்பிள்ளையிடத்திலே இருந்த பேரன்பினால், அவருக்குத் தகுந்த கைங்கர்யங்களைச் செய்து வந்தார். விலக்ஷணமான நெஞ்சே! நீயும் அப்படிப்பட்ட நிலையை எவ்விதமான தோஷமும் இல்லாமல் எப்பொழுதும் நினை.

பின்பழகராம் பெருமாள் ஜீயர் நம்பிள்ளையின் ப்ரிய சிஷ்யர். நம்பிள்ளை சிஷ்யராக இருந்த காலத்திலேயே இவர் ஜீயராக இருந்தும், நம்பிள்ளைக்குத் திருமேனி கைங்கர்யங்கள் செய்து வந்தவர். இவருக்கு ஒரு முறை திருமேனியிலே ஏதோ ஒரு உபாதை வர, வைத்யரிடம் சென்று மருந்து வாங்கி உண்டு, அதைச் சரி செய்து கொண்டார். ஸ்ரீவைஷ்ணவர் அதிலும் ஸந்யாஸி, இப்படி மருந்து உட்கொண்டு உடம்பைப் பேணலாமா என்று ஒரு பேச்சு வர, அந்த ஸமயத்தில், பலரும் இதற்குப் பல காரணங்கள் கூறினர். ஒரு ஆசார்யர், இவருக்கு நம்பெருமாளை விட்டுப் பிரிய மனமில்லை என்றார். மற்றொருவர், இவருக்கு ஸ்ரீரங்கவாஸத்தை விட மனமில்லை என்றார். வேறொருவர், இவருக்கு நம்பிள்ளை காலக்ஷேப கோஷ்டியை விட மனமில்லை என்றார். நம்பிள்ளை, ஜீயரையே அழைத்துக் காரணத்தை வினவ, இவர் தன் ஆசார்யனான நம்பிள்ளை தீர்த்தமாடித் திரும்பி வரும் காலத்திலே அவர் திருமுதுகிலே துளிர்க்கும் வியர்வையை ஸேவிக்கும் பாக்யம் இங்கு தானே உள்ளது, இதை இழக்க விரும்பாததாலேயே அப்படிச் செய்தேன் என்று நம்பிள்ளையின் திருமேனி மீது தனக்கிருந்த எல்லையில்லாத பக்தியை வெளியிட்டார். இதையே இங்கே மாமுனிகள் கொண்டாடுகிறார். நம்மாழ்வாருக்கு ஸ்ரீ மதுரகவிகள் போலேயும், எம்பெருமானாருக்கு வடுக நம்பியைப் போலேயும், இவரும் ஒருவர்.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 65

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 64

ஆசாரியன் சிச்சன் ஆருயிரைப் பேணுமவன் 

தேசாரும் சிச்சன் அவன் சீர் வடிவை ஆசையுடன்

நோக்குமவன் என்னும் நுண்ணறிவைக் கேட்டு வைத்தும்

ஆர்க்கும் அந்நேர் நிற்கை அரிதாம் 

அறுபத்தைந்தாம் பாசுரம். ஆசார்யனும் சிஷ்யனும் செய்ய வேண்டிய விஷயங்களைக் காட்டி, இதை இயல்வாக அனுஷ்டானத்தில் பார்ப்பது அரிது என்று அருளிச்செய்கிறார்.

ஆசார்யன் சிஷ்யனுடைய உயர்ந்ததான ஆத்மாவையே தன்னுடைய உபதேசம், அனுஷ்டானம் ஆகியவைகளால் ரக்ஷித்து வருவான். ஆசார்யனாலே ஞான தேஜஸ்ஸைப் பெற்ற சிஷ்யனோ தன்னுடைய ஆசார்யனின் “எம்பெருமானாலே விரும்பப்படும்” என்கிற பெருமை பொருந்திய திருமேனியைத் தன்னுடைய கைங்கர்யங்களால் பரிவுடன் ரக்ஷித்து வருவான். இந்த ஆழ்ந்த அர்த்தத்தைப் பெரியோர்களிடம் உபதேச பரம்பரையாகக் கேட்டிருந்தாலும், இவை கேட்பதற்கு நன்றாக இருந்தாலும், இதன்படி நடப்பது மிகவும் அரிது.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

உபதேச ரத்தின மாலை – பாசுரம் – 64

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

உபதேச ரத்தின மாலை

<< பாசுரம் 63

தன் ஆரியனுக்குத் தான் அடிமை செய்வது அவன்

இந்நாடு தன்னில் இருக்கும் நாள் அந்நேர்

அறிந்தும் அதில் ஆசை இன்றி ஆசாரியனைப்

பிரிந்திருப்பார் ஆர் மனமே பேசு 

அறுபத்துநான்காம் பாசுரம். ஆசார்யனே ப்ராப்யம், அதாவது அடைந்து அனுபவிக்க வேண்டிய விஷயம் என்று உணர்ந்தாலும், சிஷ்யனுக்கு ஆசார்யனைப் பிரிய வாய்ப்பில்லை என்று தன் நெஞ்சுக்கு அருளிச்செய்கிறார்.

நெஞ்சே! சிஷ்யன் தன்னுடைய ஆசார்யனுக்குக் கைங்கர்யம் செய்யக் கூடிய பாக்யம் ஆசார்யன் இவ்வுலகில் இருக்கும் வரையே என்பதை நன்றாக உணர்ந்தபின்பும் அதிலே ஆசை இல்லாமல் எந்த சிஷ்யன் தன் ஆசார்யனைப் பிரிந்திருப்பான்? நீயே கூறு!

இவ்வுலகில் ஆசார்யன் இருக்கும் காலம் வரையே ஒரு சிஷ்யன் தன் ஆசார்யனுக்குக் கைங்கர்யம் செய்ய முடியும். ஆசார்யன் பரமபதத்துக்கு எழுந்தருளிவிட்டால், நேரே ஆசார்யனுக்குக் கைங்கர்யம் செய்யும் வாய்ப்பை இழந்து விடுவான் சிஷ்யன். ஆகையால், இருக்கும் காலம் வரை, ஆசார்ய கைங்கர்யத்திலே ஈடுபட்டிருக்க வேண்டும். சென்ற பாசுரத்தின் விளக்கவுரையிலே பார்த்தபடி, மாமுனிகள் இதைப் பூர்த்தியாக அனுஷ்டித்தார். நம் ஆசார்யர்களும், இவ்வாறு ஆசார்ய கைங்கர்யத்தில் ஈடுபட்டிருந்தனர்.

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org