Category Archives: sthOthra rathnam

ಸ್ತೋತ್ರ ರತ್ನ – ಸರಳ ವಿವರಣೆ – ತನಿಯನ್ಗಳು

Published by:

ಶ್ರೀ: ಶ್ರೀಮತೇ ಶಠಕೋಪಾಯ ನಮ: ಶ್ರೀಮತೇ ರಾಮಾನುಜಾಯ ನಮ: ಶ್ರೀಮದ್ ವರವರಮುನಯೇ ನಮ:

ಸ್ತೋತ್ರ ರತ್ನ

ಸ್ವಾದಯನ್ನಿಹ ಸರ್ವೇಷಾಮ್ ತ್ರಯ್ಯನ್ತಾರ್ತಮ್ ಸುದುರ್ಗ್ರಹಮ್ |
ಸ್ತೋತ್ರ ಯಾಮಾಸ ಯೋಗೀನ್ದ್ರಃ ತಮ್ ವನ್ದೇ ಯಾಮುನಾಹ್ವಯಮ್ ||

ಅಡಿಯೇನ್ ಅರಿಯಲು ಕಠಿನವಾದ ವೇದಾನ್ತ ತತ್ತ್ವಗಳನ್ನು ಎಲ್ಲರಿಂದಲೂ ಸುಗ್ರಾಹ್ಯವಾಗಿ(ಗ್ರಹಿಸಲು ಸುಲಭವಾದ ರೀತಿಯಲ್ಲಿ) ಸ್ತೋತ್ರ ರೂಪದಲ್ಲಿ ಪ್ರಕಾಶಿಸಿದ ಯೋಗಿಗಳಲ್ಲಿ ಉತ್ತಮರಾದ ಆಳವಂದಾರನ್ನು ಪ್ರಾರ್ಥಿಸುತ್ತೇನೆ.

ನಮೋ ನಮೋ ಯಾಮುನಾಯ ಯಾಮುನಾಯ ನಮೋ ನಮಃ |
ನಮೋ ನಮೋ ಯಾಮುನಾಯ ಯಾಮುನಾಯ ನಮೋ ನಮಃ ||

ಅಡಿಯೇನ್ ಆಳವಂದಾರನ್ನು ಪುನಃಪುನಃ ಪ್ರಾರ್ಥಿಸುತ್ತೇನೆ, ಅವರಿಗೆ ನಾಮಸ್ಕರಿಸಲಾಗದಿರಲು ಅಡಿಯೇನಿಂದ ಸಾದ್ಯವಿಲ್ಲ.

ಅಡಿಯೇನ್ ಆಳವಂದಾರ್ ರಾಮಾನುಜ ದಾಸನ್

ಮೂಲ – http://divyaprabandham.koyil.org/index.php/2016/12/sthothra-rathnam-invocation/

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

ಸ್ತೋತ್ರ ರತ್ನ- ಸರಳ ವಿವರಣೆ

Published by:

ಶ್ರೀ: ಶ್ರೀಮತೇ ಶಠಕೋಪಾಯ ನಮ: ಶ್ರೀಮತೇ ರಾಮಾನುಜಾಯ ನಮ: ಶ್ರೀಮದ್ ವರವರಮುನಯೇ ನಮ:

vishnu-lakshmi
alavandhar-nathamunigal

ವಿಶಿಷ್ಟಾದ್ವೈತ ಸಿದ್ಧಾತ ಹಾಗು ಶ್ರೀವೈಷ್ಣವ ಸಂಪ್ರದಯದ ಉತ್ತಮ ವಿದ್ವಾನ್ ಹಾಗು ಶ್ರೀಮನ್ನಾಥಮುನಿಗಳ ಪೌತ್ರರಾದ(ಮೊಮ್ಮಗರಾದ) ಆಳವಂದಾರ್ ಪ್ರಾಪ್ಯ (ಹೋಂದಬೇಕಾದ ವಿಷಯ/ ಗುರಿ) ಹಾಗು ಪ್ರಾಪಕಗಳ (ಅದರ ಉಪಾಯ/ಸಾಧನ) ಸ್ವರೂಪವನ್ನು ದ್ವಯಮಹಾಮಂತ್ರದ ವಿಸ್ತರ ವಿವರಣೆಯ ರೂಪದಲ್ಲಿ ತಮ್ಮ ಸ್ತೋತ್ರ ರತ್ನದಲ್ಲಿ ಪ್ರಕಾಶಿಸಿದ್ದಾರೆ. ನಮಗೆ ಲಭ್ಯವಾದ ಪೂರ್ವಾಚಾರ್ಯರ ಸಂಸ್ಕೃತ ಸ್ತೋತ್ರ ಗ್ರಂಥಗಳಲ್ಲಿ ಇದು ಪುರಾತನತಮವಾದದ್ದು.

ಪೆರಿಯ ನಂಬಿಗಳು ಇಳೈಯಾೞ್ವಾರನ್ನು(ಶ್ರೀ ರಾಮಾನುಜರನ್ನು) ಆಳವಂದಾರಿನ ಶಿಷ್ಯರನ್ನಾಗಿ ಮಾಡಿಸಲು ಕಾಂಚೀಪುರಕ್ಕೆ ಹೊರಟಿದ್ದರು. ತಿರುಕ್ಕಚ್ಚಿ ನಂಬಿಗಳ ಉಪದೇಶದಂತೆ ದೇವಪ್ ಪೇರುಮಾಳಿನ ಕೈಂಕರ್ಯಕ್ಕಾಗಿ ಸಾಳೈಕ್ಕಿಣಱಿಂದ(ಒಂದು ಬಾವಿ) ತೀರ್ಥವನ್ನು ತರುತಿದ್ದರು. ಪೆರಿಯ ನಂಬಿಗಳ ಸ್ತೋತ್ರ ರತ್ನದಿಂದ ಪಠನವು ಇಳೈಯಾೞ್ವಾರನ್ನು ತುಂಬಾ ಅಕರ್ಶಿಸಿತು ಹಾಗು ಅವರನ್ನು ನಮ್ಮ ಸಂಪ್ರದಾಯಕ್ಕೆ ತಂದಿತು. ಎಮ್ಪೆರುಮಾನಾರೆಂದು ಪ್ರಸಿದ್ಧರಾದ ಇಳೈಯಾೞ್ವಾರಿಗೆ ಈ ಸ್ತೋತ್ರವು ತುಂಬಾ ಪ್ರಿಯವಾಗಿತ್ತು ಹಾಗು ಇದರ ಹಲವಾರು ಭಾಗಗಳನ್ನು ತಮ್ಮ ಶ್ರೀವೈಕುಂಠಗದ್ಯದಲ್ಲು ಆಕರಿಸಿದ್ದಾರೆ

ಪೆರಿಯವಾಚ್ಚಾನ್ ಪಿಳ್ಳೈ ಈ ದಿವ್ಯವಾದ ಪ್ರಬಂಧಕ್ಕೆ ವಿಸ್ತರವಾದ ವ್ಯಾಖ್ಯಾನವನ್ನು ರಚಿಸಿದ್ದಾರೆ. ದುರ್ಗ್ರಾಹ್ಯವಾದ ಸ್ತೋತ್ರಗಳಿಗೆ ಸುವ್ಯಕ್ತವಾಗಿ ಅರ್ಥಗಳನ್ನು ತೋರಿದ್ದಾರೆ. ಶ್ಲೋಕಗಳಿಗೆ ಈ ವ್ಯಾಖ್ಯಾನವನ್ನು ಅನುಸರಿ ಸರಳ ಅರ್ಥವನ್ನು ನೋಡುತಿದ್ದೇವೆ.

ಅಡಿಯೇನ್ ಆಳವಂದಾರ್ ರಾಮಾನುಜ ದಾಸನ್

ಮೂಲ – http://divyaprabandham.koyil.org/index.php/2020/10/sthothra-rathnam-simple/

ಆರ್ಕೈವ್ ಮಾಡಲಾಗಿದೆ : http://divyaprabandham.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

స్తోత్ర రత్నము – సరళ వ్యాఖ్యానము – శ్లోకములు 61- 65

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

శ్లోకములు 51-60

శ్లోకము 61 –  “నీవు మహా గొప్ప వంశములో పుట్టావు? నిస్సహాయ వ్యక్తిలా ఎందుకు మాట్లాడుతున్నావు?” అని భగవానుడు ప్రశ్నిస్తున్నారు. “నేను గొప్ప వంశములో పుట్టినా, నేను చేసిన లెక్కలేని పాపకర్మల కారణంగా ఈ సంసారములో కూరుకుపోతున్నాను; దయచేసి నన్ను ఉద్ధరించు” అని ఆళవందార్లు ప్రార్థిస్తున్నారు. 

జనిత్వాऽహం వంశే మహతి జగతి ఖ్యాతయశసాం
శుచీనాం ముక్తానాం గుణపురుష తత్వస్థితివిదాం।
నిసర్గా దేవ త్వచ్చరణ కమలైకాంత మనసాం
అదోऽధః పాపాత్మా శరణద! నిమజ్జామి తమసి॥

ఆశ్రితులకు అభయమిచ్చు ఓ నా స్వామి! ఈ ప్రపంచములో అతి ప్రసిద్దులు, పరిశుద్దులు, నీతో కలిసి ఉండాలని ఆశించేవారు, చిత్ మరియు అచిత్తుల పరిభాష ఎరిగినవారు, నీ దివ్య చరణ కమలముల యందే నిత్యము ధ్యానించు గొప్ప వ్యక్తిత్వముగల వంశపరంపరలో నెను పుట్టానుకానీ, నేనొక పాపాల పుట్టని, ఆ కారణంగా ఈ సంసార లోతుల్లోకి నేను కూరుకుపోతున్నాను.

శ్లోకము 62 – “ఇంతటి గొప్ప వంశ పరంపరలో నీ పుట్టుక నిరర్థకమయ్యేటంతటి పాపాలు నువ్వేంచేశావు?” అని భగవాన్ ప్రశ్నిస్తున్నారు. “పాపాత్మా” (మునుపటి పాశురములో తెలిపినట్టుగా) అని ఆళవందార్లు విశదీకరింస్తున్నారు.

అమర్యాదః క్షుద్ర శ్చలమతిరసూయాప్రసవభూః
కృతఘ్నో దుర్మానీ స్మరపరవశో వంచనపరః।
నృశంసః పాపుష్థః కథమహమితో దుఃఖజలధేః
అపారాదుత్తీర్ణస్తవ పరిచరేయం చరణయోః॥

అల్పమైన విషయాలను కోరుతూ వేదాల పరిధి దాటిన వాడిని నేను,  చంచలమైన మనస్సుతో, అసూయ మూలంగా, నాకు మంచి చేసిన వారికి కూడా హాని తలపెడుతూ, అహంకారము/అహంభావముతో, కామ వ్యసనుడిగా, మోసాలు చేస్తూ, కౄరమైన పనులలో పాల్పడుతూ ఎన్నో పాపకర్మలలో మునిగి ఉన్నాను, ఈ అనంత దుఃఖ సాగరములో ఈదుతూ నేను ఒడ్డుకి చేరేది ఎప్పుడో, నీ దివ్య పాదలను సేవించేది ఎప్పుడో?   

శ్లోకము 63 – “నీవు ఉద్దేశపూర్వకంగా చేసిన తప్పులను నేను తొలగించనా?” అని భగవానుడు ప్రశ్నిస్తున్నారు. “కాకాసురుడు (కాకి రూపాన్ని ధరించిన ఇంద్ర పుత్రుడు) మరియు శిశుపాలుడు చేసిన అపకారములను క్షమించిన విధముగా ఓ రాజాధిరాజా, నా తప్పులను కూడా క్షమించలేవా?” అని ఆళవందార్లు బదులిస్తున్నారు.

రఘువర! యదభూస్త్వం తాదృశో వాయసస్య
ప్రణత ఇతి దయాళుర్ యచ్చ చైద్యస్య  కృష్ణా!।
ప్రతిభవం అపరాద్ధు ముగ్ధ! సాయుజ్యదోऽభూః
వద కిమపదమాగస్తస్య తేऽస్తి క్షమాయాః॥

రఘుకుల శ్రేష్ఠుడు శ్రీ రామునిగా అవతరించిన ఓ నా స్వామీ! కాకాసురుడు మహాపాపము చేసినా, అతను శరణాగతుడని నీవు అతనిపై దయ చూపలేదా? ఓ కృష్ణా! అనేక జన్మలలో అనేకానేక పాపములు చేసి చేడికులములో పుట్టిన శిశుపాలుడికి మోక్షాన్ని ప్రసాదించావు కదా? నీ ఓరిమి ఔన్నత్యానికి ఏ పాపము లక్ష్యము కాక ఉండును. దయచేసి వివరింపుము.

శ్లోకము 64 –  “నేను స్వతంత్రుడనే, కొందరిని నేను క్షమించి ఉన్నతగతికి చేరుకునేలా చేశాను. కానీ అదే ప్రమాణము అవుతుందా?” అని భగవానుడు ప్రశ్నిస్తున్నారు. “సారగ ఒడ్డుపైన ఉండి అందరి సమక్షములో వాగ్దానము (శరణాగతులను రక్షిస్తానని) చేసితివి, శరణాగతులలో నేను లేనా, నేను చేసినది శరణాగతి కాదా?” అని ఆళవందార్లు బదులిస్తున్నారు.

నను ప్రపన్నస్సకృదేవ నాథ!
తవాహస్మీతి చ యాచమానః!
తవానుకంప్యః స్మరతః ప్రతిజ్ఞాం
మదేకవర్జం కిమిదం వ్రతం తే॥

ఓ నా స్వామీ! “నన్ను నేను నీకు సమర్పించుకొంటిని”, “నేను మీకు ప్రత్యేక సేవ చేయాలి” నేను ప్రార్థిస్తున్నాను, నీ వాగ్దానముని (రామ రావణ యుద్ధానికి ముందు (సముద్ర ఒడ్డున విభీషనుడికి తెలియజేశిన)) ధ్యానించుచూ; నీ ఈ వాగ్దానము నాకు మాత్రమే వర్తించదా?

శ్లోకము 65 – ఆళవందార్లు శ్రీరామాయణము అయోధ్య కాండము 18.30లో చెప్పినట్టుగా ‘రామో ద్విర్నాభిభాషతే’ (రెండు తీరులుగా శ్రీ రాముడు మాట్లాడడు) అన్న మాటను నీవు మరచినా,  పెరియ ముదలియార్లతో (శ్రీ నాథమునులతో) నా యొక్క సంబంధము (వారి మనుమడిగా జన్మించుట), వారి నుండి సంక్రమించిన జ్ఞానముని దృష్ఠిలో పెట్టుకొని నా దోషాలను పట్టించుకోక నన్ను స్వీకరించాలి”,  భగవాన్ బదులిస్తూ “నీవు వచ్చిన పద్దతిలో ఏ దోషము లేదు కనక, అలా చేయుటకు నాకే అభ్యంతరము లేదు” అని ఆళవందార్లకు ఆ వరాన్ని అనుగ్రహిస్తారు. సంతృప్తిపడి ఆళవందార్లు స్తోత్రరత్న ప్రబంధముని ముగిస్తారు.

అకృత్రిమ త్వచ్చరణారవింద
ప్రేమ ప్రకర్షావధిం ఆత్మవంతం।
పితామహం నథమునిం విలోక్య
ప్రసీద మద్వృత్త మచింతయిత్వా॥

ఓ భగవానుడా! నా ప్రవర్తనను నిగ్రహించి, నీ పాదాల యందు సహజ భక్తి ప్రపూర్ణులైన మా తాతగారు నాథమునులను దృష్థిలో పెట్టుకొని దయతో నీవు నన్ను క్షమించాలి.

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-slokams-61-to-65-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

స్తోత్ర రత్నము – సరళ వ్యాఖ్యానము – శ్లోకములు 51-60

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

శ్లోకములు 41-50

శ్లోకము 51 – “నీ గొప్ప కృపతోనే, ఈ దయ కలిగినవారి మరియు దయ కోరే వారి మధ్య సంబంధము స్థాపించబడింది; ఈ సంధర్భముగా, నీవు నన్ను త్యజించకుండా నన్ను రక్షించాలి”, అని  ఆళవందార్లు తెలుపుతున్నారు.

తదహం త్వదృతే న నాథవాన్
మదృతే త్వం దయనీయవా న్న చ।
విధినొర్మితమేతదన్వయం
భగవాన్! పాలయ మా స్మ జీహపః॥

జ్ఞాన సంపూర్ణుడవైన ఓ భగవాన్! నీవు తప్పా వెరెవరినీ స్వామిగా భావించని వాడిని, నీ దయాపాత్రుడిగా నీకు నేను తప్పా వేరెవరు లేరు. నీ కృపతో ఏర్పడిన ఈ సంబంధాన్ని పరిత్యజించకుండా రక్షించాలి.

శ్లోకము 52 – “ఆత్మ యొక్క స్వరూపాన్ని బట్టి రక్షణ ఉండును; నీవు స్వరూప నిర్ధారణ చేసి నాకు శరణాగతి చేయి” అని  ఎంబెరుమానుడు తెలియజేస్తున్నారు.  తిరువాయ్మొళి 2.9.5లో నమ్మళ్వార్లు “సిఱప్పిల్ వీడు” అని చెప్పినట్టుగా, “నాకు ఎటువంటి నిర్బంధము లేదు; ఈ ఆత్మ నీ పాదపద్మముల యందు శరణాగతి చేసినది” అని ఆళవందార్లు తెలుపుతున్నారు.

వపురాదిషు యోऽపి కోऽపి వా
గుణతోऽసాని యథాతథావిధః।
తదయం తవ పాదపద్మయోః
అహమధ్యైవ మయా సమర్పితః॥                                                                              

అనేక శరీరాలలో నాదొక శరీరముగా, ఏ గుణాలున్నా సరే [స్వరూప, గుణ]; ఈ విషయాలతో నాకే నియంత్రణ లేదు, కావున, ఆత్మ అను ఈ అంశమును, నేను నీ చరణారవిందముల యందు అప్పుడే సమర్పణ చేసాను..

శ్లోకము 53 – “ఆళవందార్లని కలవరపడు స్థితిలో ఎలా వదలగలను?” అని భగవానుడు ఆలోచిస్తూ,  “నీవెవరు, నీవెవరికి నిన్ను నీవు సమర్పించుకున్నావు?” అని అడుగుతున్నారు. తిరువాయ్మొళి 2.3.4 లో “ఎనదావి ఆవియుం నీ…..ఎనదావి యార్? యానార్?” అని నమ్మళ్వార్లు  చెప్పినట్టుగా దృఢ నిశ్చయముతో “నీవు నీ సొత్తునే స్వీకరించావు; ఆత్మ సమర్పణం కూడా ఆత్మాపహారం లాంటిది” అని ఆళవందార్లు చెబుతూ తన శరణాగతికి చింతిస్తున్నారు.

మమ నాథ! యదస్తి యోऽస్మ్యహం
సకలం తద్ధి తవైవ మాధవ।
నియతస్వమితి ప్రబుద్దధీః
అథవా కింను సమర్పమామి తే॥

సర్వస్వామి మరియు లక్ష్మీ నాధుడవైన ఓ భగవాన్! నా ఉనికి మరియు నా సొంతమైనవన్నింటికీ నీవే యజమానివి. ఇది తెలిసిన పిదప నేను నీకు సమర్పించగలిగినది ఇంకేముంది?

శ్లోకము 54 –  ఆత్మ అపహరణ చర్యగా పరిగణించబడే ‘ఆత్మ సమర్పణము’ తో నేను ఆగటం లేదు. కాబట్టి, నీ నిర్హేతుక కృప తో ఈ శేషత్వమును (మీ పట్ల నా దాస్యం) నాకు అనుగ్రహించితివి, ఈ జ్ఞానమును నీ సేవలో ఉపయోగించడానికి  దయచేసి నాకు మూడు స్థాయుల పర భక్తిని ప్రసాదించుము అని ఆళవందార్లు విన్నపించుకుంటున్నారు.

అవబోదితవా నిమాం యథా
మయి నిత్యం భవధీయతాం స్వయం।
కృపయైతదనన్యభోగ్యతాం
భగవాన్! భక్తిమపి ప్రయచ్చ మే॥

ఓ స్వామి! నీ నిష్కామ కృపతో ఈ దాసుడికి సేవాభాగ్యాన్ని అనుగ్రహించినట్లుగా, దయతో నాకు వేరేచోట లభ్యముకాని భక్తి మాధుర్యాన్ని కూడా ప్రసాదించండి. 

శ్లోకము 55 – భగవత్కృపతో సమృద్దిగా భక్తిని పొందిన ఆళవందార్ల పిదప, భగవత్ శేషత్వంతో ఆగకుండా  తదీయ శేషత్వం (భగవత్ భక్తులకు దాసునుగా) అనుగ్రహించమని ప్రార్థిస్తున్నారు.

తవ దాస్యసుఖైక సంగినాం
భవనేష్వస్త్వపి కీటజన్మ మే।
ఇతరావసథేషు మాస్మభూత్
అపి మే జన్మ చతుర్ముఖాత్మనా॥

నిన్ను సేవించే దాసుల దివ్య భవనములో (ఇళ్ళలో) ఒక పురుగులానైన జన్మించాలి. ఇతరుల ఇండ్లల్లో బ్రహ్మలా పుట్టినా నాకు స్ఫురించదు.

శ్లోకము 56 – వైష్ణవ నివాసంలో జన్మించినందుకు అంత కీర్తి నాకు అవసరమా? ఆ ఇంటివారు నన్ను వేరుగా కాకుండా, వాళ్ళల్లో ఒకరిగా ‘నా వారు’ గా భవించి తమ ప్రత్యేక కృపను నాపై కురిపించే విధంగా ఉండాలి”, అని ఆళవందార్లు  అడుగుతున్నారు.

సకృత్త్వదాకారవిలోకనాశయా
తృణీకృతానుత్తమ భుక్తిముక్తిభిః।
మహాత్మభిర్ మామవలోక్యతాం నయ
క్షణేపి తే యద్విరహోऽతిదుస్సహః॥

గొప్ప సుఖాలు మరియు ముక్తిని అనుభవించే వారు, అయినా ఒక్కసారి నీ దివ్య స్వరూప దర్శనముతో పోలిస్తే ఆ సుఖాలన్నీ ఒక గడ్డి పరకలా భావించేవారు, ఎవరి ఎడబాటైతే నీవు భరించలేవో, అటువంటి గొప్ప వైష్ణవులు చూపు నాపై పడేలా నాకు అర్హతనివ్వు.

శ్లోకము 57 – శేషత్వము యొక్క అత్యున్నత స్థితి అయిన తదీయ శేషత్వముపై (భగవత్భక్తుల దాసులు) ఆళవందార్లు ధ్యానిస్తున్నారు. శేషత్వపు ఆవల ఉన్నవారి పట్ల విరక్తి నొందుతూ” దయచేసి వాటిని తొలగించండి (నా జీవితము నుండి)” అని భగవానుడిని ప్రార్థిస్తున్నారు.

న దేహం న ప్రాణాన్న చ సుఖమశేషాభిలషితం
న చాత్మానం నాన్యత్ కిమపి తవ శేషత్వవిభవాత్।
బహిర్భూతం నాథ! క్షణమపి సహే యాతు శతధా
వినాశం తత్సత్యం మధుమథన! విజ్ఞాపన మిదం॥

ఓ నా స్వామి! నీ శేషత్వ సంపద రహితమైనదేదైనా – నా ఆత్మ అయినా, నా శరీరమైనా, ప్రాణ వాయువైనా, అందరూ కోరుకునే ఆ భోగభాగ్యాలైనా ఒక్క క్షణం కూడా నేను సహించను; అటువంటి (శేషత్వ రహితమైన) అంశాలన్నీ కనుమరుగైపోనీ. మధు అనే రాక్షసుడిని వధించిన ఓ నా స్వామీ! ఇదియే సత్యము, ఇదే నా విన్నపము.  

శ్లోకము 58 – “నాకు క్రోధము కలిగించే భగవత్ అపచారము మొదలైన ఎనేక అమంగళమైన అంశాలున్న ఈ సంసారములో, వాటి పట్ల విరక్తి చూపిస్తూ కైంకర్య మార్గములో అడ్డంకులు తొలగించాలని, పెద్ద పెద్ద యోగులకు కూడా సాధ్యముకానిది కోరుతున్నావు” అని ఎంబెరుమాన్ ఆశ్చర్యపోతుండగా, “అనేక అమంగళ గుణాలను నిర్మూలించే, నీలో ఉన్న అనంతమైన మంగళ గుణాలను ధ్యానిస్తూ ఉండాలనేదే నా కోరిక” అని ఆళవందార్లు బదులిస్తున్నారు.

దురంతస్యానాథేరపరిహరణీయస్య మహతో
నిహీనాచారోऽహం నృపశురశుభస్యాస్పదమపి।
దయాసింధో! బంధో! నిరవధికవాత్సల్యజలధే!
తవ స్మారం స్మారం గుణగణమిదీచ్చామి గతభీః॥

కృపా సాగరుడివైన ఓ నా స్వామీ! నాతో సర్వవిధ సంబంధములన్నీ ఉన్న ఓ నా స్వామీ! తల్లి చూపించే వాత్సల్య కృపా సాగరుడివైన ఓ నా స్వామీ! తొలగించుటకు అసాధ్యమైన, ఆద్యంతములులేని ఘోర పాపాలకు నిలయుడైన నేను, నీ యొక్క కల్యాణ గుణములను పదే పదే ధ్యానిస్తూ నిర్భయముతో నిన్ను ఈ విధముగా కోరుతున్నాను.

శ్లోకము 59 – ముందుటి శ్లోకములో ‘ఇచ్ఛామి’ అని చెప్పినట్టుగా,  నీవు నిజంగా (నన్ను) కోరుతున్నావా?” అని భగవానుడు ప్రశ్నిస్తున్నారు. “మీ గొప్పతనానికి సరితూగే కోరిక నాలో ఉన్న సంగతి మీ దివ్య సన్నిధిలో వ్యక్తపరచలేని మంద బుద్దిని నేను. నా కోరికను విశద పరచిన మాటలను స్వీకరించి నా బుద్దిని సంస్కరించి నాకది సాధ్యమైయ్యేలా చేయి స్వామి” అని ఆళవందార్లు బదులిస్తున్నారు. 

అనిచ్చన్నప్యేవం యది పునరితీచ్చన్నివ రజః
తమశ్చన్నశ్ఛద్మస్తుతి వచనభంగీమరచయం।
తథాऽపీర్థం రూపం వచనమవలంబ్యాపి కృపయా
త్వమే వైవం భూతం ధరణిధర! మే శిక్షయ మనః॥

భూమిని ఉద్ధరించిన ఓ భగవాన్! రజో తమో గుణాలతో కప్పబడి ఉన్న ఈ దాసుడికి అటువంటి కోరిక అంతగా  లేకున్నా, నిజమైన కోరిక ఉన్నవారిలా నీకు కపటపు ప్రశంసలు అందిస్తూ, అటువంటి ప్రశంసల కారణముగా గైకొన్న నీవు ఆ కారణముగా నీ అనన్య కృపతో నా బుద్దిని సంస్కరించవలెను.

శ్లోకము 60 – “నీవు కోరిక కూడా లేనివాడివి. నీలో  కోరికను సృష్టించిన, తర్వాత నిన్ను రక్షించాలని నీవు కోరుకుంటున్నావు – అలా నేను ఎందుకు చేయాలి?”  అని భగవానుడు ప్రశ్నిస్తున్నారు. భగవానుడు మరియు తన మధ్య ఉన్న అనివార్యమైన సంబంధాన్ని గురించి ఆళవందార్లు వివరిస్తున్నారు.

పితా త్వం మాతా త్వం దయిత తనస్త్వం ప్రియ సుహృత్
త్వమేవ త్వం మిత్రం గురురసి గతిశ్చాసి జగతాం।
త్వదీయ స్త్వద్భృత్యస్తవ పరిజన స్త్వద్గతి రహం
ప్రపన్నశ్చైవం సత్యహమపి తవైవాస్మి హి భరః॥

అన్ని లోకాలకు నీవు తల్లివి, తండ్రివి; ప్రియమైన పుత్రుడివి; నమ్మదగిన మిత్రుడివి (మనసులోని మాటలు పంచుకోగల); ఆచర్యుడివి; నీవే ఉపాయము మరియు నీనే ఉపేయము; నేను నీ వాడను; నీ దాసుడను; నీవే ఏకైక ఉపాయోపేయములుగా ఉన్న వాడిని; ఇటువంటి పరిస్థితిలో నన్ను నీవే రక్షించాలి కదా?

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-slokams-51-to-60-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

స్తోత్ర రత్నము – సరళ వ్యాఖ్యానము – శ్లోకములు 41- 50

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

శ్లోకములు 31-40

శ్లోకము 41 –  ఈ శ్లోకము – భగవానుడికి అతి ప్రియమైన, ధ్వజము మరియు ఇతర దివ్య సేవలందిస్తున్న పెరియ తిరువడి (గరుడాల్వాన్, గరుడ) తో ఎంబెరుమానుడితో కలసి ఉండటాన్ని ఆళవందార్లు ఆనందిస్తున్నారు.

దాస సఖా వాహనమాసనం ద్వజో
యస్తే వితానం వ్యజనం త్రయీమయః ।
ఉపస్థితం తేన పురో గరుత్మతా
త్వదంఘ్రిసమ్మర్ధకిణాంగశోభినా॥

వేదములు అంగములుగా, నీ సేవకునిగా, మిత్రునిగా, వాహనముగా, సింహాసనముగా, ధ్వజముగా, నీకు ఛత్ర చామరములుగా, నీ దివ్య చరణములు ఒత్తిడితో ఏర్పడిన పుమచ్చలతో గుర్తింపబడి ప్రకాశిస్తున్నవాడు గరుడ (గరుడాల్వాన్); అటువంటి గరుడునిచే నీవు పూజలందుకుంటున్నావు.

శ్లోకము 42 – ఈ శ్లోకము – శ్రీ సేనాపతి ఆళ్వానుని (విశ్వక్సేనుడు) సామ్రాజ్యాన్ని, విశ్వక్సేనునిపై తన సమస్త బాధ్యతలని ఉంచి తాను అతని నియంత్రణలో ఉన్న ఎంబెరుమానుడిని  ఆళవందార్లు ఆనందిస్తున్నారు.

త్వదీయభుక్తోజ్జిత శేషభోజినా
త్వయా నిసృష్ఠాత్మభరేణ యద్యథా।
ప్రియేణ సేనాపతినా న్యవేది తత్
తథాऽనుజానంత ముదారవీక్షణైః॥

నీవు (భగవాన్) భుజించిన తరువాత శేషము (మిగిలినది) విశ్వక్సేనులు భుజిస్తారు, లీలా విభూతి మరియు నిత్య విభూతి నిర్వహణ బాధ్యతను నీ నుండి తీసుకోగలిగినవారు; అందరికీ ప్రియమైన వారు, కార్యములు నిర్వహించుటకు నీ యొక్క కను సైగతో అనుమతి తీసికొని వాటిని సుసంప్పన్నము చేసెదరు విశ్వక్సేనులవారు.

శ్లోకము 43 –  “సదా పశ్యంతి సూరయః” (నిరంతరము ఎంబెరుమానుని నిత్యసూరులు కనులారా చూస్తుంటారు) అని విష్ణు సూక్తములో వివరించినట్టుగా ఈ శ్లోకములో ఎంబెరుమానునికి నిత్యసూరులందించే సేవలను ఆళవందార్లు అనుభవిస్తున్నారు. తిరువాయ్మొళి 2.3.10లో “అదియార్గళ్ కుళాంగళై ఉడన్ కూడవదు ఎన్ఱు కొలో?” (నిత్యసూరుల సమూహములో నేనెప్పుడు చేరతానో?) అని ప్రార్థన చేస్తున్నారు.

హతాఖిల క్లేశమలైః స్వభావతః
*సదానుకూల్యైకరసైః తవోచితైః।
గృహీత తత్తత్పరిచాససాధనైః
నిషేవ్యమాణం సచివైర్యథోచితం॥

* ‘త్వదానుకూల్యైక’ అని కూడా పఠించవచ్చు.

కళంకములు మరియు బాధ రహితమైన నిత్యసూరులచే పూజింజబడే ఈ భగవానుడు!  నీ కైంకర్యమే వారి సుఖానుభవంగా ఉండిన,  స్వాభావికంగా, సామర్థ్యం పరముగా నీసాకూప్యము కలిగి కైంకర్యమునకు అవసరమైన సామగ్రి –  పూల దండలు, ధూప దీపములు చేత పట్టుకొని నీ స్వరూపానుగుణంగా నీకు సూచనలు చేస్తూ సేవలందించేవారు నిత్యసూరులు.

శ్లోకము 44 –   శ్రీ రామాయణము అయోధ్య కాండము 31.25వ ఈ శ్లోకములో “భవాంస్తు సహ వైదేహ్యా గిరిసానుషు రంస్యతే” (కొండలలో అడవులలో నీవు సీతమ్మతో వేంచేసి ఉన్నప్పుడు, మీ ఇరువురికీ నేను సకల సేవలందిస్తాను) అని లక్ష్మణులు విన్నపించుకుంటారు. అనేక విధాలుగా రాములవారు సీతమ్మకి అందిస్తున్న సౌక్యములను ఇక్కడ ఆళవందార్లు పరికిస్తున్నారు.

అపూర్వనానారస భావ నిర్భర
ప్రబద్ధయా ముగ్ధ విదగ్ధ లీలయా।
క్షణాణువత్ క్షిప్తపరాదికాలయా
ప్రహర్శమంతం మహిషీం మహాభుజం॥

పిరాట్టిని ఆలింగనంచేసుకొనేటంత పొడుగాటి చేతులున్న ఆజానుబాహుడైన భగవానుడు వారి నైపుణ్యంతో అందమైన  లీలలతో  బ్రహ్మ కాలం కూడా ఒక్క క్షణం లాగా గడుపుతున్నట్లు ఎన్నో ఆహ్లాదకరమైన లీలలతో ప్రతి క్షణము కొత్తగా  అనిపించేలా పెరియ పిరాట్టిని ఆనందపరచుచున్నారు.

శ్లోకము 45 –   పిరాట్టికి ఆనందము కలిగించే కళ్యాణ గుణాలకి నివాసుడైన భగవత్ స్వరూపమును ఈ శ్లోకములో  ఆళవందార్లు అనుభవిస్తున్నారు.

అచింత్య దివ్యాద్భుత నిత్యయౌవన
స్వభావలావణ్య మయామృతోదధిం।
శ్రియః శ్రియం భక్తజనైక జీవితం
సమర్థ మాపత్సఖ మర్థికల్పకం॥

భగవానుడు అనూహ్యమైన, ఆధ్యాత్మిక / దివ్య, అద్భుతమైన, నిత్య యవ్వనము  కలిగి ఉండి, అసీమిత సౌందర్య సాగరుడు,  (శ్రీ మహాలక్ష్మి) శ్రీ కి సంపదగా, తన భక్తులకి ప్రాణముగా, (అల్ప జ్ఞానులకి కూడా తన అనుభవాన్ని కలిగించు వాడు), స్నేహితులకు ఆప్తునిగా,  కోరికలు తీర్చు కల్పవృక్షము వంటివాడు.  

శ్లోకము 46 – ఈ శ్లోకములో – నేనెప్పుడు ఈ లౌకికాంశాలపై ఆసక్తిని వదులుకొని నా జన్మసాఫల్యంగా ఉద్దేశ్యముతో, క్రిందట శ్లోకములలో వివరించిన రూప, గుణ, విభవ గుణములలో సంపూర్ణుడవైన నీ ప్రీతి కొరకై నీ కైంకర్యములో ఎప్పుడు పాల్గొంటానో అని ఆళవందార్లు భగవానుడి చింతనచేస్తున్నారు.

భవంత మేవానుచరన్ నిరంతరం
ప్రశాంత నిశ్శేష మనోరథాంతరః।
కధాऽహమైకాంతిక నిత్యకింకరః
ప్రహర్షయిష్యామి సనాథ జీవితః॥

ఆనవాలు లేకుండా అన్ని బంధముల నుండి విముక్తి పొంది నిన్నే అనుసరిస్తూ,  నిన్నెప్పుడు నిత్య కైంకర్యముతో మెప్పిస్తానో?

శ్లోకము 47 – ఈ శ్లోకమున,  ఆళవందార్లు తన మునుపటి స్థితిని, పొందతగ్గ ఈశ్వరుని విశిష్ట స్వరూపాన్ని చూసి, బ్రహ్మ రుద్రులు మొదలైన వారికి కూడా అందని కైంకర్యము, ఈ భౌతిక అంశాలతో తాకబడని నిత్యసూరులచే కోరబడిన ఆ కైంకర్యమును, ఈ సంసారినైన నేనెలా ఆశించగలను? రాజ భోగములో విషాన్ని ఎలా కలపగలము!”అని భవిస్తూ, “వళవేళుల్గు” అని నమ్మాళ్వార్లు చేసినట్టు తనను తాను ఖండించుకున్నారు.     

దిగషుచిమవినీతం నిర్దయం మామలజ్జం
పరమపురుష! యోऽహం యోగివర్యాగ్రగణ్యైః।
విదిశివసనకాద్యైః ధ్యాతు మత్యంతదూరం
తవ పరిజనభావం కామయే కామవృత్తః||

ఓ పురుషోత్తమ!  (నా స్వంత) ఇష్టాలు మరియు అభిరుచులకు అనుగుణంగా వ్యవహరించడానికి ప్రసిద్ఢుడనైన నేను, నన్ను నేను ఖండించుకోవాలి, అపవిత్రంగా, సంస్కారహీనుడిగా, నిర్లజ్జగా, నిర్దయగా ఉన్న నేను, యోగులలో ఉత్తములుగా భావించబడే  బ్రహ్మ, రుద్రుడు, సనకులు మొదలైనవారు ఆలోచించడనికి కూడా సాధ్యం కాని నీ సేవను కోరుతున్నాను. 

శ్లోకము 48 – ఈ శ్లోకములో – ఆళవందార్లు తన పాపములను తొలగించి కృపతో తనను స్వీకరించమని ఎంబెరుమానునికి  విన్నపిస్తున్నారు. మరో వివరణ – “నన్ను నా లక్ష్యన్ని చేరుకునే దారిలో అడ్డమువచ్చే నా పాపములన్నీ నీవు ఔన్నత్యముతో తొలగించాలి” అని ఆళవందార్లు భగవానుడిని ప్రార్థిస్తున్నారు. ఇంతకు ముందు ఎంబెరుమానుడి యొక్క అత్యున్నత గొప్పతనాన్ని చూసి వెళ్లిపోయి ఇప్పుడు, భగవానుడి సౌలభ్య గుణాన్ని చూసి వారిని ఆశ్రయిస్తున్నారు.

అపరాధసహస్రభాజనం
పతితం భీమభవార్ణవోదరే।
అగతిం శరణాగతం హరే!
కృపయా కేవలమాత్మసాత్కురు॥

ఓ నా దుఃఖాలను తొలగించే ఆపద్భాంధవా! నేను అనేక పాపాలకు పుట్ట లాంటివాడను; నేను ఘోరమైన ఈ సంసార సాగరములో పడ్డాను, నీవు తప్పా నాకు ఆశ్రయము లేదు, నిన్ను శరణు వేడుతున్నాను; నీ కృపతో మాత్రమే, నీవు నన్ను నీవాడిగా స్వీకరించాలి.

శ్లోకము 49 – ఈ శ్లోకములో – “నీలో పుష్కలంగా లోపాలు ఉన్నప్పుడు, ఆ లోపాలను తొలగించుకునే మార్గములను వెదకకుండా లేదా అన్నీ విడిచి నన్ను వేడుకోకుండా, “కృపయా కేవలమాత్మసాత్కురు”(నీ కృప కారణంగా నన్ను స్వీకరించు) అని నన్నెందుకు బలవంత పెడుతున్నావు అని భగవానుడు ఆళవందార్ని ప్రశ్నిస్తున్నాడు. దానికి ఆళవందార్లు బదులిస్తూ “శాస్త్ర అనుష్థానములలో నాకు ఏ జ్ఞానము లేదు” (శాస్త్రములో చెప్పబడిన పద్దతులు /సాధనములు) [ఉపయాంతరములలో పాల్గొనకపోవుట]; నాకు రక్షణ ఎవరు లేరు కాబట్టి, నేను వదులుకోలేను. కాబట్టి కృపతో కూడిన నీ ఒక్క చూపు మాత్రమే నా ఉద్దరణకి సోపానము”.

అవివేక ఘనాన్థ దిఙ్ముఖే
బహుధా సంతత దుఃఖవర్షిణి।
భగవన్! భవదుర్ధినే పథః
స్కలితం మామవలోకయాచ్యుత॥

జ్ఞాన, శక్తి మొదలైన 6 గుణాలలో పరిపూర్ణుడవైన ఓ భగవానుడా!  నీ భక్తులను ఎన్నడు విడువని వాడా!  కారు మబ్బులు అలుముకొని అనేక రకాలుగా ఘోరమైన దుఃఖ వర్షాన్ని కురిపిస్తున్న ఈ సంసారపు చీకటిలో  నేను ధర్మ మార్గము నుండి దారి తప్పాను; నీ చల్లని చూపుతో నన్ను అనుగ్రహించు.

శ్లోకము 50 – ఈ శ్లోకములో – “నీ కృప తప్పా నాకింకే రక్షణ లేదు, నీకు తగిన కృపా పాత్రుడను నేనే; కాబట్టి ఈ అవకాశాన్ని వదలవద్దు” అని ఆళవందార్లు చెబుతున్నారు.

న మృషా పరమార్థమేవ మే
శృణు విజ్ఞాపనమేక మగ్రతః।
యది మే న దయిష్యసే తతో
దయనీయస్తవ నాథ దుర్లభః॥

ఓ నా స్వామి! ముందు దయతో నా విన్నపాన్ని వినండి; (ఇది వినతి) వాస్థవమైనది, తప్పు కాదు; నాపైన నీవు నీ దయ చూపించక పోతే, నన్ను కోల్పోయిన తరువాత, నీ దయ పొందటానికి అర్హత గలవారు నీకు వెరెవరు దొరకరు.

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-slokams-41-to-50-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

స్తోత్ర రత్నము – సరళ వ్యాఖ్యానము – శ్లోకములు 31-40

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

శ్లోకములు 21-30

శ్లోకము 31 –    ఈ శ్లోకములో “కేవలము నీ దివ్య చరణముల దర్శనముతో సరిపోదు, నా శిరస్సుని నీ దివ్య తిరువడితో అలంకరించాలి” అని ఆళవందార్లు చెబుతున్నారు. తిరువాయ్మొళి 9.2.2లో చెప్పినట్టుగా “పడిక్కళవాగ నిమిర్త నిన్ పాదపంగయమే తలైక్కణియాయ్” (ముల్లోకాలంత పెరిగిన నీ దివ్య చరణములతో నా శిరస్సుని  అలంకరించు), తిరువాయ్మొళి 4.3.6 “కోలమామ్ ఎన్ సెన్నిక్కు ఉన్ కమలం అన్న కురై కళలే” (కమలము లాంటి నీ దివ్యచరణములు నా శిరస్సుకి అలంకరణ).

కదా పునః శంఖ రథాంగ కల్పక
ధ్వజారవిందాంకుశవజ్రలాంఛనం।
త్రివిక్రమ! త్వచ్చరణాంబుజద్వయం
మదీయమూర్ధానమలంకరిష్యతి॥

త్రివిక్రమునిగా అవతరించిన ఓ నా స్వామి! శంఖము, చక్రము, కల్పవృక్షము, ధ్వజము, అరవిందము/తామరము, అంకుశము, వజ్రాయుధము గుర్తులు ఉన్న నీ రెండు దివ్య చరణములతో నా శిరస్సుని ఎప్పుడు అలంకరించెదవు?

శ్లోకము 32 – ఈ శ్లోకము నుండి 46వ శ్లోకము “భవంతం” వరకు, ఆళవందార్లు చతుర్భుజములు, పాద యుగళి, తిరువాభరణములు, దివ్యాయుధములు, ఉభయ దేవేరులు, దివ్య సేవకులు, సంపద మొదలైన వాటితో కూడిన భగవానుడిని ఆనందిస్తూ ఈ దివ్య పరమానంద అనుభవము యొక్క ఫలితముగా తాను ఎప్పుడు భగవానుడి సేవ చేయగలడని ప్రశ్నిస్తున్నారు.  దీనితో, భగవానుడిని భక్తుల సమేతముగా పరమపదములో సేవించాలనే తన లక్ష్యము గురించి ఆళవందార్లు వివరిస్తున్నారు.

విరాజమానోజ్జ్వల పీతవాససం
స్మితాతసీసూనసమామలచ్ఛవిం।
నిమగ్ననాభిం తనుమధ్యమున్నతం
విశాలవక్షస్థలశోభిలక్షణం॥

అతి సుందర దివ్య ప్రకాశవంతమైన పీతాంబరము, నీలోత్పల పుష్పము వంటి మచ్చలేని సౌదర్యము, లోతైన నాభి, సన్నని నడుము, వారి దివ్య వక్షస్థములో శ్రీవత్సము పుట్టుమచ్చ వంటి సహజలక్షణముతో భగవానుడు ఉన్నాడు.

శ్లోకము 33 – ఆళవందార్లు భగవానుడి వీర్య శౌర్యములతో పాటు వారి దివ్య భజములను వీక్షిస్తూ ఆనందిస్తున్నారు.

చకాసతం జ్యాకిణకర్కశైశుభైః
చతుర్భి రాజానువిలంబిభిః భుజైః।
ప్రియావతంసోత్పల కర్ణ భూషణ
శ్లథాలకాబంధ విమర్ధశంసిభిః

శ్రీ మహాలక్ష్మి యొక్క కర్ణములను, చెవి దుద్దులను, ఉంగరాల శిరోజాలను అలంకరించే కలువ పుష్పముల ముద్రలను బహిర్గతము చేస్తూ పెరుమాళ్ళు శరప్రయోగము చేసియుడుట వలన రాటుదేలిన తమ దివ్య మంగళ చతుర్భుజములతో దేదీప్యమానముగా వెలుగుతున్నాడు..

శ్లోకము 34 –     భగవానుని దివ్య భుజముల తరువాత, ఆళవందార్లు వారి దివ్య కంఠమును మరియు దివ్య ముఖ సౌందర్యముని ఆనందిస్తున్నారు.

ఉదగ్రపీనాంస విలంబి కుండల
అలకావళీబంధురకంబుకంధరం।
ముఖశ్రియా న్యక్కృతపూర్ణ నిర్మల
అమృతాంశుబుంబాంబురుహోజ్జ్వలశ్రియం॥

గుడ్రని దివ్య భుజముల వరకు భగవానుడి చెవి కుండలములు తాకుతున్న కారణముగా వారి దివ్య కంఠ భాగము అతి సుందరముగా కనిపించుచున్నది. వారికి ఉంగరాల శిరోజాలు ఉన్నాయి. మెడపైన మూడు గీతలు కూడా ఉన్నాయి. అప్పుడే వికసించిన పద్మము యొక్క తాజాతనమును, పౌర్ణమి యొక్క నిండు చంద్రుడిని జయిస్తున్న చందముగా వారి దివ్య ముఖ భాసిల్లుచున్నది…

శ్లోకము 35 – తిరువాయ్మొళి 7.7.8 “కొళిళైత్ తామరై” (కమల నేత్రములు వాటికవే దివ్యాభరణము వలే మెరుస్తున్నాయి) [ ఈ పాసురములో నమ్మాళ్వార్లు భగవానుడి దివ్య ముఖ సౌందర్యాన్ని ఒక్కొక్కటిగా ఆస్వాదిస్తున్నారు],  దివ్య ముఖ సౌందర్యమును ఒక్కొక్క అంశముగా ఆ కలయికని ఆళవందార్లు  ఆస్వాదిస్తున్నారు.

ప్రబుద్దముగ్ధాంబుజచారులోచనం
సవిభ్రమభ్రూలతముజ్జ్వలాధరం।
శుచిస్మితం కోమలగణ్డమున్నసం
లలాటపర్యంత విలంబితాలకం॥

అప్పుడే వికసించిన తామర పువ్వు రేఖలవంటి నేత్రములు, తీగలా మెలికెలు తిరిగిన దివ్య కను బొమ్మలు, దివ్యముగా మెరుస్తున్న పెదాలు, నిర్మలమైన చిరు మందహాసము, అందమైన చెక్కిళ్లు, ఎత్తైన ముక్కు, లలాటము (నుదురు) వరకున్న దివ్య శిరోజాలు…

శ్లోకము 36 – భగవానుడి దివ్యాభరణములు మరియు వారి ఆయుధాల కలయికను ఆళవందార్లు ఆస్వాదిస్తున్నారు.

స్ఫురత్కిరీటాంగదహారకంటికా
మణీంద్రకాంచిగుణనూపురాదిభిః
రథాంగశంఖాసిగధాధనుర్వరైః।
లసత్తుళస్యా వనమాలయోజ్జ్వలం॥

ఆకర్షణీయమైన మకుటము, దివ్య భుజకీర్తులు, దివ్య కుండలములు, దివ్య హారములు, శ్రీ కౌస్థుభ మణి, దివ్య వడ్డానము, దివ్య పాద అందెలు మొదలైన వాటితో .,  చక్రము, శంఖము, నందకము, కౌమోదకీ గద, శారంగ ధనస్సు వంటి దివ్య ఆయుధములు, దివ్య తేజోమయమైన తిరుత్తుళాయ్ (తుళసి), వనమాలతో భగవానుడు మెరిసిపోతున్నారు.

శ్లోకము 37 – ఆళవందార్లు వచ్చే రెండు శ్లోకములలో (ఈ శ్లోకము, తరువాత శ్లోకము) పిరాట్టితో  భగవానుడు కూడియుండుటను సేవిస్తున్నారు మొదటి శ్లోకములో, పిరాట్టి యొక్క గొప్పతనాన్ని మరియు ఈశ్వరుడికి ఆమె పట్ల ఉన్న ప్రేమను ఆళవందార్లు వివరిస్తున్నారు.

చకర్థ యస్యా భవనం భుజాంతరం
తత్వ ప్రియం ధామ యదీయజన్మభూః
జగత్సమస్తం యగపాంగసంశ్రయం
యదర్థ మంభోధిరమంత్యబంధి చ ॥

క్షీర సముద్రము నుండి ఉద్భవించిన పిరాట్టికి తన వక్షస్థలాన్ని ఆమెకు ప్రియమైన నివాసముగా ఇచ్చిన ఓ ఎంబెరుమాన్! సమస్థ లోకాలు ఆమె చల్లని దృష్ఠిపై ఆధారపడి ఉన్న పిరాట్టి కోసం సముద్రము చిలికావు, సముద్రముపై వంతెన కూడా కట్టావు.

శ్లోకము 38 – ఈ శ్లోకములో, పిరాట్టి (శ్రీ మహాలక్ష్మి) యొక్క అసీమితమైన అనుభవాన్ని,  భగవానుడి కోసమే తన ప్రత్యేక అస్థిత్వాన్ని ఆళవందార్లు ఆస్వాదిస్తున్నారు. తిరువాయ్మొళి 10.10.6 లో “ఉనక్కేర్కుం కోల మలర్ప పావై” (అందమైన పద్మములో నివాసముండే శ్రీ మహాలక్ష్మి నీకు సరైన జోడి) అని చెప్పబడినట్లుగా.

స్వవైశ్వరూప్యేణ సదాऽనుభూతయాऽపి
అపూర్వవత్ విస్మయమాదధానయా।
గుణేన రూపేణా విళాసచేష్థితైః
సదా తవైవోచితయా తవ శ్రియా॥

నీ స్వరూపముతో నిన్ను ఆనందించినప్పటికీ, పిరాట్టి తన గుణములతో, సౌందర్యముతో, చక్కని కార్యములతో, అన్ని స్థితులలో  (పరపదములో ‘పర’గా, క్షీరాబ్దిలో వ్యూహముగా, విభవము(అవతారములు), మొదలైన)  నిత్య నూతనంగా, నీకు తగిన జోడిగా, నీ సంపదగా నిన్ను ఆశ్చర్యపరచుతుంది.

శ్లోకము 39 – పర్యంక విధ్యలో వివరించినట్టుగా ఆదిశేషునిపై భగవాన్తో పిరాట్టిని ఆళవందార్లు ఆనందిస్తున్నారు.

తయా సహాసీనమనంతభోగిని
ప్రకృష్థ విజ్ఞానబలైకధామని।
ఫణామణివ్రాతమయూఖమండల
ప్రకాశమానోదర దివ్యధామని॥

ఆదిశేషుడు గొప్ప శక్తి జ్ఞానానికి నివాసములాంటివాడు. అటువంటి ఆదిశేషుని వళ్ళో మధ్య భాగములో తన పడగలపైనున్న దివ్య మణుల కాంతిలో ఏకాంతముగా పిరాట్టితో భగవానుడు ప్రకాశిస్తున్నారు. తిరువనంతుని దివ్య స్వరూపముపై భగవాన్ శయనించి నిద్రిస్తున్నారు.

శ్లోకము 40 –  కైంకర్య కోరికతో, తిరుఆదిశేషుని దివ్య సేవని ఆళవందార్లు సేవిస్తున్నారు. విష్ణుపురాణము 1.15.157లో చెప్పినట్టు “ఉపమానమశేషాణాం సాధునాం యస్సదాऽభవత్।” (సత్పురుషులకు  ప్రహ్లాదుడు ఉదాహరణగా ఎలా నిలిచాడో),  కైంకర్య కోరిక ఉన్నవారికి తిరువనంతుని సేవలు ఉత్తమ ఉదాహరణలు. అటువటి ఆదిశేషుని ఉత్తమ గతిని ఆళవందార్లు వివరిస్తున్నారు.

నివాస శయ్యాసనపాదుకాంశుక
ఉపదానవర్షారప వారణాదిభిః।
శరీరభేదైస్త్వవ శేషతాం గతైః
యథోచితం శేష ఇతీరితే జనైః॥

తిరువనంతుని దివ్య స్వరూపముపైన భగవానుడు శయనించగా, ఆదిశేషుడు భగవానునికి దివ్య రాజభవనముగా, శయనించడానికి శయ్యగా, కూర్చుండడానికి సింహాసనముగా, పాదుకలుగా (వారు ధరించే),  వస్త్రముగా (వారు ధరించే), దిండుగా (వారు హత్తుకొనుటకు), వర్షము మరియు ప్రకాశము నుండి రక్షించేందుకు గొడుగుగా, నీకు ఎన్నో సేవలందించేందుకు ఎన్నెన్నో రూపాలు ధరించగా, అందరిచే తిరుఆదిశేషుడు “శేష” గా పిలువబడతాడు.

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-slokams-31-to-40-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

స్తోత్ర రత్నము – సరళ వ్యాఖ్యానము – శ్లోకములు 21-30

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

శ్లోకములు 11-20

శ్లోకము 21 – రక్షకుడైన భగవానుడి  గొప్పతనాన్ని గురించి ఆళవందార్లు ధ్యానిస్తున్నారు. మరోలా వివరిస్తూ – ఇంతకు ముందు లక్ష్యము యొక్క స్వభావాన్ని వివరించినట్టుగా, ఇక్కడ లక్ష్య సాధకుడి స్వభావాన్ని వివరిస్తున్నారు. మరొక వివరణ – ఇంతకు ముందు రక్షకుడైన భగవానుడి స్వరూప వివరణ ఇవ్వబడింది, తరువాత శరణాగతి స్వరూపము (శరణాగతి విధానము) గురించి క్రమంగా వివరించబడుచున్నది.

నమో నమో వాజ్ఞ్మనసాతిభూమయే
నమో నమో  వాజ్ఞ్మనసైకభూమయే।
నమో నమోऽనంతమహావిభూతయే
నమో నమోऽనంత దయైకసింధవే ॥

తమ స్వప్రయత్నాల ద్వారా నిన్ను తెలుసుకోవాలని ప్రయత్నించేవారి వాక్ మనస్సులకు గోచరం కాని నీకు నా నమస్కారములు, నమస్కారములు; నీ అనుగ్రహముతో నిన్ను తెలుసుకున్నవారి వాక్ మనస్సుల అధీనుడవైన నీకు నా నమస్కారములు; అనంత ఐశ్వర్యము కలిగిన నీకు నా నమస్కారములు; కృపా సముద్రుడవైన నీకు నా నమస్కారములు.

శ్లోకము 22 –  ఆళవందార్లు, తన అర్హతను చాటుతూ  ప్రపత్తిలో  (మునుపటి పాసురములో చెప్పిన) నిమగ్నమవుతున్నారు. ఈ శ్లోకము ఆ లక్ష్యానికి (ప్రపత్తి) సముచితమైన సాధన గురించి వివరిస్తున్నారు.

న ధర్మనిష్టోऽస్మి  న చాత్మవేదీ
న భక్తిమాం స్త్వచ్చరణారవిందే।
అకించనోऽనన్యగతిశ్శరణ్య
త్వత్పాదమూలం శరణం ప్రపద్యే॥

శరణాగతవత్సలుడవైన ఓ భగవానుడా! నేను కర్మ యోగముపై స్థిరత లేనివాడిని: నేను స్వరూప జ్ఞానము లేనివాడిని; నీ దివ్య చరణముల యందు భక్తి లేనివాడిని; ఏ సాధనము ఏ రక్షణలేని నేను స్థిరతతో దృఢంగా నీ దివ్య చరణాలను సాధనముగా స్వీకరుస్తున్నాను.

శ్లోకము 23 –   “నన్ను చేరుకోలేవని నీవు చింతించకు, నీవార్జించిన ఈ అర్హతను నాశింపజేయు చెడు అలవాట్లు నీలో లేనంతవరుకు ఇది సాధ్యము. నీలో సద్గుణాలను  సృష్ఠించి గమ్యానికి చేరుస్తాను” అని భగవాన్ అభయమిస్తున్నారు.  “అన్నీ ప్రతికూలమైన అంశాలతో కూడిన వాడిని నేను” అని ఆళవందార్లు బదులిస్తున్నారు.

న నిందితం కర్మ తదస్తి లోకే
సహస్రశో యన్న మయా వ్యధాయి।
సొऽహం విపాకావసరే ముకుంద!
క్రన్దామి సంప్రత్యగతి స్తవాగ్రే॥

మోక్షాన్ని ప్రసాదించే ఓ భగవానుడా! నేను పాల్పడిన ఈ నిషేద చర్యలు శాస్త్రములో కూడా లేవు. ఈ చర్యలన్నీ కర్మలుగా మారతాయన్న భయంతో నీ ముందు మొరపెట్టుకుంటున్నాను. నీవే రక్షించాలి అని భావము.

శ్లోకము 24 –   “నీ కృపయే నాకు రక్ష” అని ఆళవందార్లు భగవాన్ని వేడుకుంటున్నారు; “నిన్ను చేరుకోవడం నా  అదృష్టం, నీ కృపకి నేను కూడా తగిన వాడినే” అని ఆళవందార్లు తెలుపుతున్నారు.

నిమజ్జతోऽనంతభవార్ణ వాంతః
చిరాయ మే కూలమివాऽసి లబ్దః।
త్వయాऽపి లబ్దం భగవన్నిదానీం
అనుత్తమం పాత్రమిదం దయాయాః॥

అనంతుడవైన ఓ భగవానుడా! దీర్ఘకాలముగా సంసార సాగరములో మునిగి ఉన్న నాకు నీవు ఒక ఒడ్డు వంటి వాడవు; ఓ భగవానుడా! నీ కృపకు నేను సముచిత పాత్రుడిని అయ్యాను.

శ్లోకము 25 –  “నీ సంపూర్ణ భారాన్ని నాపై ఉంచినప్పుడు, నీ స్వభావము శ్రీ రామాయణములో సుందర కాండము 9.30లో “…తత్ తస్య సదృషం భవేత్” (శ్రీ రాముడు స్వయంగా వచ్చి లంకను నాశనము చేసి నన్ను రక్షించుట వారి మర్యాద – కావున నేను వారి కొసం ఎదురుచూస్తాను) అన్నట్టుగా ఉండాలి, నిన్ను రక్షించమని ఎందుకు పట్టుపట్టావు?” అని భగవానుడు అడుగగా, “నా దుఃఖాన్ని పోగొట్టమని నేను వేడుకోవడం లేదు; నీ లోకములో నీ భక్తులు బాధపడుతుంటే అది నీ ఔన్నత్యానికి మచ్చ వంటిది; అందుకని, బాధలు పోగొట్టమని విన్నపించుకుంటున్నాను” అని ఆళవందార్లు బదులిస్తున్నారు.

అభూతపూర్వం మమ భావి కిం వా
సర్వం సహే మే సహజం హి దుఃఖం।
కిం తు త్వదగ్రే శరణాగతానాం
పరాభవో నాథ! న తేऽనురూపః ||

ఓ నా స్వామి! నేననుభవించని దుఃఖాలంటూ ఏమి మిగిలున్నాయి? దుఃఖాలను భరిస్తూనే వస్తున్నాను; అవి నాతో పాటు పుట్టాయి. కానీ నీ సమక్షంలో నీ శరణాగతులు బాధలనుభవించుట నీ ఔన్నత్యానికి సముచితము కాదు.

శ్లోకము 26 – “నీ గొప్పతనానికి మచ్చ ఏర్పడుతుందని నీవు నన్ను వదిలి పెట్టినా, నేను నిన్ను వదలను” అని ఆళవందార్లు తమ అనన్యగతిత్వము (నిశ్చలమైన నమ్మకము) ఫలితముగా ఆర్జించిన  మహా విశ్వాసమును ప్రదర్శిస్తున్నారు.

నిరాసకస్యాపి న తావదుత్సహే
మహేశ! హాతుం తవ పాదపంకజం।
రుషా నిరస్తోऽపి శిశుః స్తనందయో
న జాతు మాతు శ్చరణౌ జిహాసతి॥

ఓ సర్వేశ్వరుడా! ఒకవేళ నీవు నన్ను తోసిపుచ్చినా, నీ దివ్య చరణములను నేనెన్నడూ విడువను; ఒకానొక పరిస్థితిలో, తల్లి తన పసిపాపను తోసినా, ఆ పసి బిడ్డ మాత్రము ఆ తల్లిని పట్టుకొనే ఉంటాడు.

శ్లోకము 27 – “నా యొక్క అనన్య గతిత్వము మాత్రమే నిన్నెన్నడూ విడువనీయ కుండా చేసేది? నీ స్వరూపానుభవములో మునిగిన నా మనస్సు ఇక దేనినీ ఆశించదు” అని ఆళవందార్లు తెలియజేస్తున్నారు.

తవామృత స్యందిని పాదపంకజే
నివేశిదాత్మ కథమన్య దిచ్చతి।
స్థితేऽరవిందే మకరంద నిర్భరే
మధువ్రతో నేక్షురకం హి వీక్షతే॥

దివ్య మకరందము వెదజల్లుతున్న నీ దివ్య చరణ కమలముల వద్ద స్థిరమై ఉన్న నా మనస్సు, ఇంకేదైనా ఎలా కోరుకుంటుంది? తేనెతో నిండిన ఎర్రని కమలము ముందున్న తరువాత, తేనీగ గడ్డి పూవులను ఎలా చూస్తుంది?

శ్లోకము 28 –  ” నీవు నాకు సహాయం చేయడానికి ఒక అంజలి (రెండు చేతులు జోడించి ప్రార్థించుట) సరిపోదా?” అని ఆళవందార్లు అడుగుతున్నారు.

త్వదంఘ్రిముద్ధిశ్య కదాపి కేనచిత్
యథా  తతా వాऽపి సకృత్కృతోऽంజలిః।
తదైవ ముష్ణాత్యశుభాన్యశేషతః
శుభాని పిష్ణాతి న జాతు హీయతే॥

ఎవరైనా, ఎప్పుడైనా, ఏ విధంగానైనా అంజలి [శారీరిక శరణాగతిని సూచిస్తుంది] పెట్టినప్పుడు, అది ఆనవాలు లేకుండా వెంటనే పాపాలను తొలగించి; మంగళ గుణాలను పెంచుతుంది; అటువంటి మంగళ గుణాలు ఎన్నడూ క్షీణించవు. 

శ్లోకము 29 – ఈ శ్లోకము మానసిక ప్రపత్తి గురించి తెలుపుతుంది.  ప్రత్యామ్నాయంగా –  శ్లోకము 28 “త్వదంగ్రిముద్దిశ్య” మరియు శ్లోకము 29 “ఉదీర్ణ” లలో వివరించిన నట్టుగా, శరణాగతి ప్రతిఫలంగా  పరభక్తి  లభిస్తుందని చెప్పవచ్చు.

ఉదీర్ణ సంసార దవాశుశుక్షణిం
క్షణేన నిర్వాప్య పరాం చ నిర్వృతిం।
ప్రయచ్చతి త్వచ్ఛరణారుణాంబుజ
ద్వయానురాగామృతసింధుశీకరః॥

నీ ఎర్రని లేత దివ్య చరణ కమలముల యందు భక్తి, మహాసాగరములో ఒక చిన్న బిందువు వంటిదైనా సరే, సంసారము (లౌకిక బంధనములు) యొక్క కార్చిచ్చుని ఒక్క క్షణములో ఆర్పివేయుటతో పాటు దివ్య పరమానందమును కూడా అనుగ్రహిస్తుంది.

శ్లోకము 30 –  ఆలస్యము కాకుండా సత్వరమే ఫలితమునిచ్చు సిద్దోపాయమును (స్థాపితమైన సాధనము, భగవానుడు) ఆళవందార్లు స్వీకరించగా, ‘త్వర’తో ప్రేరేపితులై వారు, తిరువాయ్మొళి 6.9.9 లో చెప్పినట్టుగా “కూవిక్ కొళ్ళుం కాలం ఇన్నం కుఱుగాదో” (మిమ్మల్ని చేరుకునే రోజు త్వరలో రాదా?) అని ఆతృత చెందుతున్నారు. ప్రపత్తి ఫలితమైన పరభక్తి కారణముగా, తిరువాయ్మొళి 6.3.10 లో చెప్పినట్టుగా, “కనైకళల్ కాణ్బదెన్ఱుకొల్ కణ్గళ్” (నా కళ్ళు భగవానుడి దివ్య చరణాలను ఎప్పుడు చూస్తాయి?) మరియు తిరువాయ్మొళి 9.5.1లో చెప్పినట్టుగా, “కాణక్ కరుదుమ్ ఎన్ కణ్ణే” నా కళ్ళు నిన్ను చూడాలని కోరుకుంటున్నాయి, అని ఆళవందార్లు తన స్థితిని వ్యక్తపరచుచున్నారు. 

విలాసవిక్రాంత పరావరాలయం
నమస్యదార్తిక్షపణే కృతక్షణం।
ధనం మదీయం తవ పాదపజ్ఞ్కజం
కదా ను సాక్షాత్కరవాణి చక్షుషా॥  

దేవలోకము నుండి పాతాల లోకమువరకు కొలిచిన నీ పాదములు, ఆశ్రయించి ఆరాధించువారి దుఃఖాలను తొలగించే నీ దివ్య పాదములు, నాకు గొప్ప సంపద అయిన నీ దివ్య పాద పద్మములను నేనెన్నడు చూస్తాను?

అడియెన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-slokams-21-to-30-simple/

పొందుపరచిన స్థానము : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

స్తోత్ర రత్నము – సరళ వ్యాఖ్యానము – శ్లోకములు 11-20

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

పూర్తి క్రమము

<< శ్లోకములు 1-10

శ్లోకము 11 – ఈ పాశురములో పరత్వ లక్షణము (ఆధిపత్య గుణము) గురించి వివరించబడింది. 

స్వాభావికానవధికాతిశయేశితృత్వం
నారాయణ త్వయి న మృష్యతి వైదికః కః।
బ్రహ్మా శివశ్శతమఖః పరమః స్వరాడితి
ఏతేऽపి యస్య మహిమార్ణవవిప్రుషస్తే॥     

ఓ నారాయణా! బ్రహ్మ, శివుడు, ఇంద్రుడు, కర్మ బంధములకు అతీతమై దేవతలకు కంటే ఉన్నతులైన ముక్తాత్మలు – వీరందరూ నీ ఔన్నత్యము అనే సముద్రములో ఒక చిన్న బిందువు వంటి వారు;  నీ అంతులేని గొప్పతనము, సహజ ఐశ్వర్యమును వైదికులెవరు సహించరు?

శ్లోకము 12 – ఈ పాశురములో గుర్తించడానికి సందేహాస్పదముగా అనిపించే సాధారణ నామాలకు బదులుగా, భగవానుడి ఈశితృత్వ గుణాన్ని స్పష్ఠముగా తెలిపే పూర్ణ నామాలను కృపతో మనకు ఆళవందార్లు తెలియజేస్తున్నారు.

కశ్శ్రీః శ్రియః పరమసత్వసమాశ్రయః కః  
కః పుణ్డరీకనయనః పురుషోత్తమః కః।
కస్యాయుతాయుతశతైకకలాంశకాంశే విశ్వం 
  విచిత్రచిదచిత్ప్రవిభాగవృత్తం॥  

(శ్రీ మహాలక్ష్మి) శ్రీః కి సంపద ఎవరు? శుద్ద సత్వముగా ఉన్నవారెవరు? కమల నేత్రుడు ఎవరు? పురుషోత్తముడని ఎవరిని పిలుస్తారు? ఎవరి ఒక చిన్న అంశము మాత్ర సంకల్పము చేత చేతనాచేతనులతో కూడిన ఈ బ్రహ్మాండములోని సమస్థ లోకములు భరింపబడతాయి/సంరక్షింపబడతాయి?

శ్లోకము13 – బ్రహ్మ మరియు రుద్రులు మొదలైనవారి క్షేత్రజ్ఞ్యత్వమును (జీవాత్మగా ఉండటం), భగవానుడి పరత్వమును (సర్వాధికారము/ఆధిపత్యము) పురాణ ఇతిహాసములలోని ఘటనల ద్వారా ఇక్కడ మనకు ఆళవందార్లు వివరిస్తున్నారు.

వేదాపహార గురుపాతక దైత్యపీడది  
ఆపద్విమోచనమహిష్ఠ ఫలప్రదానైః। 
కోऽన్యః ప్రజాపశుపతీ పరిపాతి కస్య   
పాదోదకేన స శివః స్వశిరోధృతేన॥ 

ప్రజాపతి అని పిలువబడే బ్రహ్మను, పశుపతి అని ప్రసిద్దులైన శివుడిని, వేదాపహరణము (బ్రహ్మ వేదములను కోల్పోయినపుడు) మరియు తన తండ్రి శిరస్సును ఛేదించిన పాతకము (బ్రహ్మ శిరస్సుని శివుడు ఛేదించినపుడు) కలిగినపుడు, అసురుల బాధలు (ఇంద్రుడికి మరియు ఇతర దేవతలకి)  వంటి ప్రమాదాలను తొలగించి రక్షించినది నీవుకాక ఎవరు? ఎవరి శ్రీపాద తీర్థమును తన శిరస్సున ధరించి శివుడు పునీతుడైనాడు?

శ్లోకము 14 –  భగవానుడి ఆధిపత్య లక్షణాన్ని ప్రమాణముల (శాస్త్రము, ప్రామాణికమైన గ్రంథాలు) ఆధారముతో తర్కము మరియు తార్కికముగా ఆళవందార్లు వివరించి ముగిస్తున్నారు (ఐదు పాసురముల శృంఖల).

కస్యోదరే హరవిరించముఖః ప్రపంచః  
కో రక్షతీమమజనిష్ఠ చ కస్య నాభేః 
క్రాంత్వా నిగీర్య పునరుద్గిరతి త్వదన్యః 
కః కేన వైష పరవానితి శక్యశంకః ॥

సమస్త లోకములు, బ్రహ్మ, శివుడు మొదలైనవాళ్లు ఎవరి ఉదరములో ఇమిడి ఉన్నారు? ఎవరు ఈ లోకాలకు రక్షణనిస్తున్నారు? ఎవరి నాభి నుండి ఈ లోకములు సృష్టించబడ్డాయి? నీవు కాక ఇంకెవరు ఈ సృష్టిని కొలిచి, మ్రింగి మరలా ఉమ్మగలరు? ఈ సమస్త లోకములపై నీ ఆధిపత్యముపై ఒక అణువు మాత్రము కూడా సందేహము ఉండవచ్చా?

శ్లోకము 15 – ఈ శ్లోకములో, ప్రామాణిక గ్రంథాల ద్వారా ఇది స్పష్ఠంగా స్థాపించబడింది,  శ్రీ భగవద్గీత 16.20 లో చెప్పినట్టుగా “ఆసురీం యోనిమాపన్నాః” (అసురునిగా జన్మించి), అయ్యో! ఈ అసుర ప్రవృత్తి గల జనులు నిన్ను తెలుసుకోలేక దిగజారుతున్నారే అని ఆళవందార్లు చింతిస్తున్నారు. మరో వివరణ – విశిష్టత గల భగవానుడిని, ఈ అసుర ప్రవృత్తి జనులు చూడకూడదు అని తిరువాయ్మొళి 1.3.4 “యారుమోర్ నిలైమైయన్ ఎన అఱివరియ ఎంబెరుమాన్” (అసూయకల జనులు భగవానుడు” ఇంతటి విశిష్ట గుణములు కలవారు” అని తెలుసుకోలేరు) అని చెప్పబడింది.

త్వాం శీలరూపచరితైః పరమప్రకృష్ట
సత్త్వేన సాత్త్వికతయా ప్రబలైశ్చ శాస్త్రైః।  
ప్రఖ్యాతదైవ పరమార్థవిదాం మతైశ్చ  
నైవాసురప్రకృతయః ప్రభవంతి బోద్ధుం॥          

[అయ్యో!]క్రింద విషయముల ద్వారా నిన్ను తెలుసుకునే వీలు ఉన్నను, అసుర ప్రవృత్తి గల మనుషులు అత్యున్నతుడవైన నిన్ను గ్రహించలేరు.

  • నీ శీల గుణము (సరళ స్వభావము), స్వరూపము (వేదము చేత స్తుతింపబడిన) మరియు దివ్య లీలలు,
  • శుద్ద సత్త్వముతో నిండి ఉన్న నీ నిలయము/ఐశ్వర్యము,  
  • శాస్త్రములు వాటి సత్త్వ గుణము కారణముగా బలంగా / దృఢంగా  ఉన్నాయి. 
  • నీ గురించి సత్యము నెరిగిన వారి అభిప్రాయములు/ఆలోచనల ద్వారా.

శ్లోకము 16 – భగవాన్ యొక్క  సౌశీల్య గుణము కారణంగా పరమపదానికి చేరుకున్న ఉత్తమ జీవాత్మల గురించి తలుచుచూ ఆళవందార్లు తనకది (ఆ జీవాత్మలు పరమపదము చేరుట) లాభము  అని భావించుచున్నారు.   

ఉల్లంగిత త్రివిధ సీమసమాతిశాయి 
సంభావనం తవ పరిబ్రఢిమస్వభావం ।   
మాయాబలేన భవతాऽపి నిగూహ్యమానం
పశ్యంతి కేచి దనిశం త్వదనన్యభావాః॥  

నీవు తప్పా వేరెవరిని తలచని ఆ గొప్ప ఆత్మలు  కాల, దేశ, వస్తువుల పరిమితులకు అతీతమైన నీ స్వామిత్వమును గురించే తలచుచూ, “నీకు సమానమైన వారు, లేదా నీ కంటే గొప్పవారు ఎవరైనా ఉన్నారా?” అన్నటువంటి సందేహాలకు మించి, నీ అద్భుతమైన సామర్ధ్యంతో నీ స్వామిత్వము దాచినప్పుడు కూడా నీ స్వామిత్వముపై మాత్రమే దృష్థి ఉంచుతారు.   

శ్లోకము 17 –  భగవానుడి చేత నియంత్రిపబడే వివిధ రకాల తత్వాల గురించి ముందు వివరించిన విధముగా అతని సర్వేశ్వరత్వమున (సమస్తమునకు ప్రభుత్వము) కు అవసరమైనవి ఆళవందార్లు ఇక్కడ వివరిస్తున్నారు.

యదండమండాతర గోచరంచ యత్
దశోత్తరాణ్యావరణాని యాని చ ।
గుణాః ప్రధానం పురుషః పరం పదం
పరాత్పరం బ్రహ్మ చ తే విభూతయః॥  

(1)బ్రహ్మాండము [బ్రహ్మ నియంత్రణలో అండాకారములో ఉన్న 14 లోకములు], (2) అండము లోపల ఉన్నవన్నీ, (3)  సప్త ఆవరణములు (ఒకటి కంటే ఒకటి 10 రెట్లు పెద్దదైనది అయి అండమును కమ్మే ఒక పొర లాంటిది), (4) సత్త్వ , రజస్సు, తమస్సు లనబడే త్రిగుణములు (5) మూల ప్రకృతి (మూల తత్త్వము) (6) అన్ని జీవాత్మల సమూహము (చేతన తత్త్వములు) (7) శ్రీ వైకుంఠము (నిత్య విభూతి) (8) ముక్తాత్మల కంటే గొప్పవారైన నిత్యసూరుల సమూహము (వారే బ్రహ్మ నుండి మొదలు అందరు దేవతల కంటే ఉన్నతమైన వారు) (9) దివ్య మంగళ స్వరూపము (స్వరూపములు) సమస్థమూ నీ శరీరములు/రూపములు.

శ్లోకము 18 –   మునుపటి పాశురములో శరణ్యము యొక్క గొప్పతనము గురించి వివరించారు, ఇప్పుడు ఈ పాశురములో, “ఆ ఉభయ విభూతి నాథున్ని (రెండు లోకముల నాథుడు) ఎలా చేరుకొనగలను”? అన్న సంకోచములు మనలో నుండి తొలగించడానికి, భగవాన్తో తాను ముడిపడి ఉండే 12 గుణముల వివరణ ఇవ్వబడింది. అదీ కాకుండా – మునుపు భగవానుడి సర్వేశ్వరత్వము (ఆధిపత్యము) వివరించబడింది, ఇప్పుడు కీర్తించ దగ్గ వారి మహోన్నత గుణములను తెలుపుతున్నారు.  

వశీ వదాన్యో గుణవాన్ ఋజుః శుచిః  
మృదుర్దయాలుర్ మధురస్థిరః సమః।
కృతీ కృతజ్ఞస్త్వమసి స్వభావతః 
సమస్తకల్యాణగుణా మృతోదధిః॥

నీవు సహజముగానే దివ్య మంగళ గుణముల మకరంద సాగరము వంటి వాడవు. అవి ఏమనగా –  1. నియంత్రింప బడేవాడు (తన భక్తులచేత),  2. ఉదారత (భక్తులపట్ల) కలిగి ఉండుట  3. సౌశీల్యత, 4. వివక్షత లేకుండా ప్రతి ఒక్కరి పట్ల సమానత ప్రదర్శించుట, 5. నిజాయితీ (బుద్ది, కర్మణా, వాచా) ఉండుట, 6. పరిశుద్దత 7. నీ భక్తుల నుండి విరహమును భరించకుండుట, 8. కరుణతో ఉండుట (భక్తుల బాధను సహించకుండుట), 9. మాధుర్యం, దృఢమైన సంరక్షణ ఇచ్చువాడు, 10. సమానత్వము (శరణాగతుల పట్ల), 11. కార్యములలో పాల్గొనుట (భక్తుల, వారు తన సొంతమని భావించి) 12. నీ భక్తుల చేసిన చిన్న పనికి కూడా కృతజ్ఞత చూపుట.

శ్లోకము 19 – భగవానుడి కళ్యాణ గుణములు అసంఖ్యాకమైనట్లే వారి పత్రి గుణము దానికదే అనంతమైనది అని ఆళవందార్లు వివరిస్తున్నారు. 

ఉపర్యుపర్యబ్జభువోऽపి పూరుషాన్  
ప్రకల్ప్య తే యే శతమిత్యనుక్రమాత్।  
గిరస్త్వదేకైక గుణావదీప్సయా     
సదా స్థితా నోద్యమతోऽతిశేరతే॥  

“తే యే శతం” (ఇటువంటి నూరు) అని ఎన్నో ఎన్నో బ్రహ్మల కోసము జపించడం, కొత్త బ్రహ్మలను ఊహించుకోవడంపై వేద వాఖ్యములు దృష్థి పెట్టి ఉండగా, నీ ప్రతి గుణము యొక్క సరిహద్దుని పరిశీలించాలనే ఆశతో,  ప్రారంభ దశను కూడా ఇంకా దాటి ముందుకు వెళ్ళలేదు.   

శ్లోకము 20 –  మునుపు వివరించిన భగవత్గుణములను ఆనందించే నీ భక్తుల గొప్పతనమును ఇప్పుడు ఆళవందార్లు వివరిస్తున్నారు. మరొక వివరణ –   బ్రహ్మ సూత్రము 1.1.20 “అస్మిన్నస్య చ తద్యోగం శాస్తి” (ఆనందకరమైన బ్రహ్మతో జీవాత్మ యొక్క పరమానందకరమైన కలయిక అని శృతి యొక్క వివరణ) లో వివరించినట్టుగా భగవత్ గుణానుభవాన్ని ఆనందించే భక్తులు అంత గొప్పవారైనపుడు, మరి భగవానుని యొక్క గొప్పతనాన్ని ఇక కొలవలేమని స్పష్టంగా తెలుస్తుంది.

త్వదాశ్రితానాం జగదుద్భవస్థితి
ప్రణాశ సంసార విమోచనాదయః। 
భవంతి లీలా విధయశ్చ వైదికాః  
త్వదీయ గంభీర మనోऽనుసారిణః 

నీవు శృష్ఠి చేయుట, సంరక్షించుట, నాశనము చేయుట, సంసార సాగరమును దాటుటలో సహకరించుట మొదలైనవి నీ యొక్క భక్తులకు ఒక క్రీడవంటిది; వేద వాక్కులు కూడా లోతైన నీ భక్తుల హృదయావిష్కరణమే చేస్తాయి.

అడియేన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-slokams-11-to-20-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

స్తోత్ర రత్నము – సరళ వ్యాఖ్యానము

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

ఆళవందారులు మరియు నాథమునులు - కాట్టు మన్నార్ కోయిల్ఆళవందారులు మరియు నాథమునులు – కాట్టు మన్నార్ కోయిల్

పూజ్యనీయులైన ఆచార్య పురుషులు నాథమునుల మనముడైన ఆళవందారులు విశిష్థాద్వైత సిద్దాంతము/ శ్రీవైష్ణవ సాంప్రదాయము యొక్క గొప్ప పండితులు. వారు ప్రాప్యము మరియు ప్రాపకమునకు సంబంధించిన అత్యావశ్యక సూత్రములను  ద్వయ మహా మంత్రము యొక్క విస్తారమైన వివరణతో స్తోత్ర రత్నములో వెల్లడి చేశారు. ఇది మనకు అందుబాటులో ఉన్న మన పూర్వాచార్యుల మొట్టమొదటి సంస్కృత స్తోత్ర గ్రంథము.

ఇళైయాళ్వార్ని (శ్రీ రామానుజ) ఆళవందారుల శిష్యులుగా చేయాలనే కోరికతో పెరియ నంబి కాంచిపురానికి వెళ్తారు. తిరుక్కచ్చినంబి మార్గదర్శకత్వంలో దేవపెరుమాళ్ల కోసం కైంకర్య రూపంగా సాళైక్కినాఱు (ఒక బావి) నుండి తీర్థమును వారు (నీళ్లను) తీసుకొని వస్తుండేవారు. పెరియ నంబి స్తోత్ర రత్నములోని కొన్ని శ్లోకములు పఠిస్తుండగా విని ఆకర్శితులైన ఇళైయాళ్వార్, ఆ తరువాత  మన సాంప్రదాయములోకి ప్రవేశించెను. తరువాత కాలములో ఇళైయాళ్వారులు ఎంబెరుమానార్ గా పిలువబడ్డారు. ఈ ప్రబంధము పట్ల వారికి ఎనలేని ప్రీతి ఉన్న కారణముగా ఇందులోని కొన్ని వివరణ (గద్యము) లను వారి శ్రీవైకుంఠ గద్యములో ఉపయోగించారు.   

పెరియ వాచ్ఛాన్ పిళ్ళై ఈ దివ్య ప్రబంధానికి విశదమైన వ్యాఖ్యానము వ్రాశారు. ఈ స్తోత్రము యొక్క గోప్య అర్థములను పెరియ వాచ్ఛాన్ పిళ్ళై వారి వ్యాఖ్యానములో అనర్గళంగా వివరించారు. వారి వ్యాఖ్యానమాధారముగా ఈ శ్లోకముల సరళ వివరణ మనమిక్కడ ముందు ముందు చూస్తాము. 

అడియేన్ శ్రీదేవి రామానుజ దాసి

మూలము: http://divyaprabandham.koyil.org/index.php/2020/10/sthothra-rathnam-simple/

ఇక్కడ భద్రపరచబడి ఉన్నాయి : http://divyaprabandham.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

ஸ்தோத்ர ரத்னம் – எளிய விளக்கவுரை – ச்லோகங்கள் 61 – 65

Published by:

ஸ்ரீ:  ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம:

ஸ்தோத்ர ரத்னம் – எளிய விளக்கவுரை

<< ச்லோகங்கள் 51 – 65

ஶ்லோகம் 61 – எம்பெருமான் ஆளவந்தாரிடம் “நீர் உயர்ந்த வம்சத்தில் பிறந்துள்ளீரே. ஏன் எப்படி உதவியற்றவரைப்போல் பேசுகிறீர்?” என்று கேட்க, ஆளவந்தார் “நான் உயர்ந்த வம்சத்தில் பிறந்திருந்தாலும், என்னுடைய பெரிய பாபங்களினாலே, ஸம்ஸாரத்தில் மூழ்கிக் கொண்டிருக்கிறேன்; என்னை நீயே இதிலிருந்து எடுத்தருள வேண்டும்” என்கிறார்.

ஜநித்வா’ஹம் வம்ஶே மஹதி ஜகதி க்யாதயஶஸாம்
ஶுசீநாம் யுக்தாநாம் குணபுருஷ தத்த்வ ஸ்திதி விதாம் |
நிஸர்கா தேவ த்வச்சரண  கமலைகாந்த  மநஸாம்
அதோ’த: பாபாத்மா ஶரணத! நிமஜ்ஜாமி தமஸி ||

புகலிடம் கொடுக்கும் ஸ்வாமியே! நான் பரிசுத்தமான, உன்னுடன் எப்பொழுதும் இருக்க விரும்புபவர்களான, சித் மற்றும் அசித் ஆகியவற்றின் ஸ்வரூபத்தையும் தன்மைகளையும் நன்கு உணர்ந்தவர்களான, உன் திருவடிகளிலேயே எப்பொழுதும் தன்கள் மனதை வைத்திருக்கும் சிறந்தவர்களான, ப்ரஸித்தமான புகழை உடைய பெரியோர்கள் அவதரித்த, உயர்ந்த வம்சத்தில் பிறந்திருந்தாலும், பாபமே வடிவெடுத்தவனாகையாலே, இந்த ப்ரக்ருதியில் ஆழமாக மூழ்கிக் கொண்டிருக்கிறேன்.

ஶ்லோகம் 62 – எம்பெருமான் “உயர்ந்த வம்சத்தில் பிறந்தும் அது ப்ரயோஜனப்படாமல் போகும் அளவிற்கு உம்மிடத்திலே என்ன பாபங்கள் உள்ளன?” என்று கேட்க, ஆளவந்தார் சென்ற ச்லோகத்தில் பாபாத்மா என்று சொன்னதை விளக்கி அருளுகிறார்.

அமர்யாத: க்ஷுத்ரஶ்  சலமதிர் அஸூயா ப்ரஸவபூ:
க்ருதக்நோ துர்மாநீ ஸ்மரபரவஶோ வஞ்சநபர: |
ந்ருஶம்ஸ: பாபிஷ்ட: கதம் அஹமிதோ து:க்க ஜலதே:
அபாராதுத்தீர்ணஸ்   தவ பரிசரேயம் சரணயோ: ||

நான் சாஸ்த்ர மர்யாதைகளை மதிக்காமல் கடந்தவன், தாழ்ந்த விஷயங்களில் ஆசை உள்ளவன், நிலை இல்லாத மனதை உடையவன், பொறாமையின் பிறப்பிடம், எனக்கு நன்மை செய்பவர்களுக்கும் தீங்கிழைப்பவன், கைவிடவேண்டிய கர்வத்தை உடையவன், காமத்துக்கு வசப்பட்டவன், ஏமாற்றுபவன், க்ரூரமான செயல்களில் ஈடுபட்டவன் மற்றும் பாபங்களில் மூழ்கியுள்ளவன். நான் எப்படி இந்த எல்லையில்லாத பாபக்கடலின் கரையை அடைந்து உன்னுடைய திருவடிகளுக்குத் தொண்டு செய்வேன்?

ஶ்லோகம் 63 – எம்பெருமான் “நீர் தெரிந்தே செய்த தவறுகளை நான் எப்படிப் போக்க முடியும்?” என்று கேட்க, ஆளவந்தார் “காகாஸுரன் மற்று சிசுபாலன் ஆகியோர் செய்த அபராதங்களைப் பொறுத்த தேவரீரால், என்னுடைய தவறுகளைப் பொறுக்க முடியாதோ?” என்கிறார்.

ரகுவர! யதபூஸ்த்வம் தாத்ருஶோ வாயஸஸ்ய
ப்ரணத இதி தயாளுர்  யச்ச சைத்யஸ்ய க்ருஷ்ண! |
ப்ரதிபவம் அபராத்துர் முக்த! ஸாயுஜ்யதோ’பூ:
வத கிமபதமாகஸ்தஸ்ய தே’ஸ்தி க்ஷமாயா: ||

ரகுகுல திலகமான ஸ்ரீராமராக அவதரித்தவனே! பெரிய தவறைச் செய்த காகாஸுரன் விஷத்தில், அவனை ஒரு சரணாகதனாகக் கொண்டு, உன் கருணையைக் காட்டவில்லையோ? எந்தத் தவறுகளையும் பொருட்படுத்தாத கண்ணனே! சேதி குலத்தைச் சேர்ந்த, பிறவிதோறும் உன்னிடத்தில் அபராதம் செய்த சிசுபாலனுக்கு நீ மோக்ஷத்தையே அளித்தாயே. எந்த பாபம் தேவரீருடைய பொறுமைக்கு விஷயமாகாது? எனக்கு தேவரீர் விளக்கியருள வேண்டும்.

ஶ்லோகம் 64 – எம்பெருமான் “ஸ்வதந்த்ரனான நான் சிலருக்கு சில விசேஷ காரணங்களுக்காக உஜ்ஜீவனத்தைச் செய்து கொடுத்தால், அதுவே என்னுடைய பொதுவான நடத்தையாகக் கருதமுடியுமோ?” என்று கேட்க, ஆளவந்தார் “கடற்கரையில், நீ உன்னிடத்தில் சரணடைவர்களை ரக்ஷிப்பேன் என்று சபதம் எடுத்தபோது, அதில் என்னைத் தவிர என்று சபதம் செய்தாயோ?” என்கிறார்.

நநு  ப்ரபந்நஸ் ஸக்ருதேவ நாத!
தவாஹம் அஸ்மீதி ச யாசமாந: |
தவாநுகம்ப்ய: ஸ்மரத: ப்ரதிஜ்ஞாம்
மதேகவர்ஜம் கிமிதம் வ்ரதம் தே ||

ஸ்வாமி! “நான் உன்னிடத்தில் ஒருமுறை சரணடைந்துள்ளேன்” என்றும் “உனக்கே நான் தொண்டு செய்ய வேண்டும்” என்றும் சொல்லி, நீ கடற்கரையில் விபீஷணன் சரணடைய வந்த ஸமயத்தில் செய்த சபதத்தை நினைக்கும் நான், உன்னுடைய கருணையைப் பெறத் தகுந்தவன்; தேவரீருடைய சபதம் என் ஒருவனைத் தவிர்த்தோ?

ஶ்லோகம் 65 –ஆளவந்தார் “நீ ஸ்ரீராமாயணம் அயோத்யா காண்டம் 18.30இல் ‘ராமோ த்விர் நாபிபாஷதே’ (ஸ்ரீராமர் இரண்டு விதமாகப் பேச மாட்டார்) என்ற சபதத்தைக் கைவிட்டாலும், என்னுடைய புண்ய பாபங்களைக் கருதாமல், பெரிய முதலியாரான ஸ்ரீமந்நாதமுனிகளுடன் எனக்கு இருக்கும் ஞானத்தால் மற்றும் பிறப்பால் இருக்கும் ஸம்பந்தத்தைக் கருத்தில் கொண்டு, என்னை ஏற்றுக்கொள்ள வேண்டும்” என்று கேட்க, எம்பெருமானும் “இந்த வழியில் எந்தக் குறையும் இல்லை; இதை நான் ஏற்றுக்கொள்கிறேன்” என்று சொல்லி இந்த வரத்தை ஆளவந்தாருக்கு அளித்தான். ஆளவந்தாரும், த்ருப்தியடைந்தவராய், ஸ்தோத்ரத்தை முடிக்கிறார்.

அக்ருத்ரிம த்வச்சரணாரவிந்த
ப்ரேம ப்ரகர்ஷாவதிம் ஆத்மவந்தம் |
பிதாமஹம் நாதமுநிம் விலோக்ய
ப்ரஸீத மத்வ்ருத்தம் அசிந்தயித்வா ||

எம்பெருமானே! என்னுடைய நடத்தையைக் கருதாமல், உன் திருவடிகளில் இயற்கையான அன்பில் சிறந்தவரான, தன் ஸ்வரூபத்தை உணர்ந்தவரான, என்னுடைய பாட்டனாரான ஸ்ரீமந்நாதமுனிகளைப் பார்த்து என்னை மன்னித்தருளவேண்டும்.

ஆதாரம் – http://divyaprabandham.koyil.org/index.php/2020/10/sthothra-rathnam-slokams-61-to-65-simple/

அடியேன் ஸாரதி ராமானுஜ தாஸன்

வலைத்தளம் – http://divyaprabandham.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org