Category Archives: gyAna sAram

జ్ఞానసారము 30

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 29

ramanuj

 
పాశురము-30

“మాడుం మనయుం కిళయుం మఱై మునివర్

తేడుం ఉయర్ వీడుం సెన్ నెఱియుం పీడుడయ

ఎట్టెళుతుం తందవనే ఎన్ఱు ఇరాదార్ ఉఱవై

విట్టిడుగై కండీర్ విధి”

 

అవతారిక:

లౌకిక పార లౌకిక యాత్రకు అవసరమైన సకల సంపదను తనకు అష్టాక్షరి మహా మమంత్రమును ఉపదేశించిన ఆచార్యుల కృప అన్న గ్రహింపు లేని వారితో సంబంధమును విడిచివేయాలని  శాస్త్రములో చెప్పబడినదని స్వామి అరుళాళ పెరుమాళ్ ఎంబెరుమానార్ ఈ పాశురములో చెపుతున్నారు . 

ప్రతిపదార్థము:

మాడుం = పాలనిచ్చే పశు సంపద

మనయుం = నివసించుటకు ఇల్లు

కిళయుం = బంధువులు

మఱై మునివర్ తేడుం = వేదాధ్యనము చేసిన మునులు కోరుకునే

ఉయర్ వీడుం =  పరమపదము

సెన్ నెఱియుం =  ఆ పరమపదమును చేరుటకు అర్చిరాది మార్గమును ప్రయాణించుట

పీడుడయ = ఉన్నతమైన

ఎట్టెళుతుం = అష్తాక్షరి మహా మంత్రమును

తందవనే = ఉపదేశించిన వారి కృపే

ఎన్ఱు ఇరాదార్ = కారణము అని తెలియని వారితో

ఉఱవై = సంబంధమును

విట్టిడుగై = పూర్తిగా వదిలి వేయుట

విధి =  శాస్త్రము విధించిన పధ్ధతి

కండీర్ = తెలుసుకొనండి

వ్యాఖ్యానము :

మాడుం ……తాను శరీరమును పోషించుకొనుటకు అవసరమైన పాలు, పెరుగు, వెన్న ,నెయ్యి మొదలగు సారవంతమైన పదార్థములను ఇచ్చే పశు సంపద.

మనయుం…….లౌకిక ఆనందమును పొందుటకు అవసరమైన ఇల్లు, బంధువులు ,ఇతరమైన సంపదలు.

మఱై మునివర్……వేదాధ్యయనము చేసి సుజ్ఞానమును పొంది సదా భగధ్యానములో గడిపే వారు కోరుకునే….

తేడుం ఉయర్ వీడుం ……..ఉన్నతమైన పరమపదము . ఇక్కడ ‘ ఉన్నతమైన ‘ అన్నారంటే ఇంతకంటే తక్కువైనది మరొకటీ ఉందని అర్థమవుతున్నది . అది కైవల్యము.. అనగా తన ఆత్మను తానే అనుభవిచాలని కోరుకునేది .అది ఉన్నతమైన ది కాదు . దానిని కోర రాదు. అందుకే ఇక్కడ ఉన్నతమైన అని చెప్పారు . ఉన్నతమైన పరమపదము ( వైకుందవాన్ భోగం తన్నై ) , దానిని పొందుటకు ప్రయాణీంచాల్సిన అర్చిరాది మార్గము అని అర్థము

పీడుడయ ఎట్టెళుతుం తందవనే ఎన్ఱు ఇరాదార్ ఉఱవై…….జనన మరణ చక్రము నుండి విడివడి  నిత్య కైంకర్య భాగ్యమును పొంది నిత్యానందుడుగా ఉండటానికి ఉపకరించే అంత గొప్ప సంపదను ఇచ్చింది ఎవరు? ఆచార్యులు కదా! వారు అష్టాక్షరి అనే తిరుమంత్రమును, దాని అర్థమును అపారమైన కృపతో ఉపదేశించుట వలననే ఈ సంపద లభించింది అన్న జ్ఞానము లేని వారితో సంబంధమును …

విట్టిడుగై …….పూర్తిగా వదిలి వేయుట…

విధి………విధి… తప్పనిసరి అని శాస్త్రము చెపుతున్నది

కండీర్……. తెలుసుకొనండి. అర్థాత్ తిరుమంత్రమును ఆచార్య ముఖత పొందని వారితో సంబంధమును విడిచి వేయాలి . అచార్య సంబంధము లేని వారితో మనకు కూడా సంబంధము ఉండకూడదు అని ఈ పాశురములో చెపుతున్నారు .

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-30-madum-manayum/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము-29

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 28

lakshmi_narayan_py94_l

 

పాశురము-29

“మందిరముం ఈంద గురువుం అం మందిరతాల్

సిందనై సెయిగిన్ఱ తిరుమాలుం

నందలిలాదు ఎన్ఱుం అరుళ్ పురివర్ యావర్ , అవర్ ఇడరై

వెన్ఱు కడిదు అడైవర్ వీడు”

అవతారిక:

తిరుమంత్రమనే అష్టాక్షరి మంత్రముపై దానినుపదేశించిన ఆచార్యులపై ,మంత్ర ప్రతిపాద్యుడైన శ్రీమన్నారాయణునిపై మహా విశ్వాసము కలవారు జననమరణ చక్రబంధము నుండి విడివడి నిత్య కైంకర్య భాగ్యమును పొందుతారని ఈ పాశురములో చెపుతున్నారు.

ప్రతిపదార్థము:

మందిరముం = తిరుమంత్రము

ఈంద గురువుం = ఉపదేశించిన ఆచార్యులు

అం మందిరతాల్ = ఆ మంత్రముచే

సిందనై సెయిగిన్ఱ = ప్రతిపాద్యుడైన

తిరుమాలుం = శ్రీమన్నారాయణుడు

నందలిలాదు = అవ్యవధానముగా

ఎన్ఱుం = ఎల్లప్పుడు

యావర్ = ఎవరైతే

అరుళ్ పురివర్ = కృపకు పాత్రులవుదురో

అవర్ = వారు

ఇడరై వెన్ఱు = జననమరణ చక్రమును చేధించుకొని

కడిదు = త్వరగా

వీడు అడైవర్ = పరమపదమును చేరుకుంటారు

వ్యాఖ్యానము:

“మందిరముం..…..మననము చేయునది మంత్రము. మరల మరల చెప్పుటయే మననము . అనగా ప్రేమతో మరల మరల చెప్పుట …ఇక్కడ మననము చేసేది అష్టాక్షరి అనే ఎనిమిది అక్షరాల మంత్రము .“ఎట్టెళుతుం ఓదువార్గల్ వల్లార్ వానం అళవే” అని తిరుమళిసై ఆళ్వార్లు అన్నారు.

ఈంద గురువుం ….….అష్టాక్షరి మంత్రమునుపదేశించి దాని అర్థమును వివరించిన గురువు

అం మందిరతాల్ సిందనై సెయిగిన్ఱ తిరుమాలుం……..ఆ అష్టాక్షరి మంత్రమునకు ప్రతిపాద్యుడైన శ్రీమన్నారాయణుడు .

నందలిలాదు …..…“నందుదల్”  అంటే ఆగిపోవుట , అవాంతరములు ఏర్పడుట… నందలిలాదు… అంటే ఎలాంటి అవాంతరములు ఏర్పడకుండా , ఆగిపోకుండా..

ఎన్ఱుం అరుళ్ పురివర్ యావర్ ………పై మూడింటిపై అవ్యవధానముగా విశ్వాసము కలవారు  సదా ఆయన కృపకు పాత్రులవుతారు.

అవర్ ఇడరై వెన్ఱు కడిదు అడైవర్ వీడు..…… “మంతిరత్తిలుం మంతిరత్తుక్కు ఉళ్ళేడాన వస్తువిలుం మంతిర ప్రధాననాన ఆచార్యన్ పక్కలిలుం ప్రేమం గణక్క ఉండానాల్ కార్య కరమావదు”.అని ముముక్షుపడి సూత్రములో చెప్పినట్లుగా, మంత్రముపై , దానినుపదేశించిన ఆచార్యులపై ,మంత్ర ప్రతిపాద్యుడైన శ్రీమన్నారాయణునిపై మహా విశ్వాసము కలవారు జననమరణ చక్రబంధము నుండి విడివడి నిత్య కైంకర్య భాగ్యమును పొందుతారని ఈ పాశురములో చెప్పారు.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-29-mandhiramum-endha/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 28

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 27

10527557_834046386613354_7891795563582297209_n

 

పాశురము-28

“శరణాగతి మఱ్ఱోర్ సాదనతై పఱ్ఱిల్

అఱణాగాదు అంజనై తన్ సేయై

ముఱణ్ అళియ కట్టియదు వేరోర్ కయిఱు

కొండార్పదన్ మున్

విట్ట పడై పోల్ విడుం”

అవతారిక:

               కిందటి పాశురమైన “తప్పిల్ కరువరుళాల్” లో , స్వామి అరుళాళ పెరుమాళ్ ఎంబెరుమానార్  అచార్యులు చూపిన మార్గములో  శరణాగతి చేసి పరమపదమును పొందు విధానమును చెప్పారు. తరువాతి పాశురమైన ,“నెఱి అఱియాదారుం”  లో గురుముఖత   శరణాగతి  శాస్త్రమును తెలుసుకొని ఆచరించని వారు, గీతనుపదేశించిన  శ్రీకృష్ణునిపై విశ్వాసము లేనివారు పరమపదమును పొందలేరు. ఈ లోకములోనే జనన మరణ చక్రములో పడి కొట్టుకుంటూ వుంటారని చెప్పారు. ఈ పాశురములో పరమపదమును పొందుటకు శరణాగతియే మార్గమని చెపుతున్నారు.  ‘ ఊళి వినై  కుఱుంబర్ ‘ అని 23వ పాశురములో లక్ష్మీనారాయణుల శ్రీపాదములకు శరణాగతి చేయటమే ఉన్నతమైన మార్గమని చెప్పిన విషయమును ఇక్కడ గుర్తు చేస్తున్నారు. ఆత్మోజ్జీవనము నకు శరణాగతి మార్గముననుసరించటము చాలునా ఇతర పుణ్య కార్యములు ఆచరించాలా అన్న అనుమానము మనసులో ఉద్భవిస్తే ఏమి జరుగుతుందో ఈ పాశురములో తెలియజేస్తున్నారు.

ప్రతిపదార్థము:

శరణాగతి = భగవంతుడి శ్రీపాదములందు విశ్వాసముతో చేయు శరణాగతిలో

మఱ్ఱోర్ సాదనత్తిల్ = విశ్వాసము లోపించి ఇతర ప్రయత్నములు చేయుట

పఱ్ఱిల్ = ప్రారంభిస్తే

అఱణాగాదు = మొదట చేసిన శరణాగతి ఫలించదు

అంజనై తన్ సేయై = అంజనాపుత్రుడైన ఆంజనేయుని

ముఱణ్ అళియ = బలము తొలగిపోయేట్లుగా

కట్టియదు = ఇంద్రజిత్తు బ్రహ్మాస్త్రమును ప్రయోగించి  కట్టివేశాడు

వేరోర్ కయిఱు కొండు = మరొక తాటితో

ఆర్పదన్ మున్ = కట్టేటప్పుడే

విట్ట పడై పోల్ = బ్రహ్మాస్త్రము శక్తి తొలగిపోయినట్లు

విడుం = శరణాగతిలో విశ్వాసము లోపించి ఇతర ప్రయత్నములు చేయుట ప్రారంభించగానే శరణాగతి ఫలించకుండా పోతుంది

వ్యాఖ్యానము:

శరణాగతి ……..శ్రీమన్నారాయణుని శ్రీపాదములను చేరుకోవటానికి శాస్త్రము కర్మ, జ్ఞాన మార్గముల కంటే శరణాగతి మార్గము ఉన్నతమైనదని చెప్పింది . ఎందుకంటే ఇతర మార్గములు సాద్యోపాయము అలా కాక శరణాగతి మార్గము సిద్దోపాయము . శ్రీమన్నారాయణుని శ్రీపాదములకు తలను చేర్చి ‘ నువ్వు తప్ప వేరు గతి లేదని ‘ పరిపూర్ణ విశ్వాసమును ప్రకటించటము శరణాగతి అని చెప్పబడింది ఇది మహా విశ్వాసము , అధ్యవసాయము అని శాస్త్రము చెపుతుంది. మహా విశ్వాసములో లోపము ఏర్పడితే శరణాగతి ఫలితమునివ్వదు . అలాగే శరణాగతుడిలో ‘నేను ‘, ‘నాది ‘ అన్న అహంకారము తలెత్తినా శరణాగతి ఫలితమునివ్వదు . ఆకించిన్యం , అనన్యగతిత్వం ఉన్నప్పుడే శరణాగతి ఫలితమునిస్తుంది . దీనినే ఆళ్వార్’ “ పుగల్ ఒన్ఱిలా అడియేన్ ” ( ఏదారి లేని దాసుడను) .లౌకిక జీవనములో విరక్తుడై పరమాత్మను చేరాలన్న త్వర కలిగి ఆశ్రీమన్నారాయణుని శ్రీపాదములను చేరితే అప్పుడే పరమపదము దొరుకుతుంది.

మఱ్ఱోర్ సాదనతై పఱ్ఱిల్………..శరణాగతి ఔన్నత్యము తెలుసుకొని శ్రీమన్నారాయణుని శ్రీపాదములకు శరణాగతి  చేసినప్పటికీ ,ఈ మార్గమొక్కటే చాలునా ? ఇతర మార్గాలను అనుసరించాలా అన్న సందేహము మనసులో కలిగితే ఇది ఫలించదు . దీనికి ఉదాహరణగా ఇక్కడ ఒక చరిత్రను తెలియజేస్తున్నారు.

అంజనై తన్ సేయై…….అంజనాదేవి కుమారుడైన ఆంజనేయుడిని

ముఱణ్ అళియ కట్టియదు…….బలమును పోగట్టాలని ఇంద్రజిత్తు బ్రహ్మాస్త్రముతో కట్టి వేయగా

వేరోర్ కయిఱు కొండార్పదన్ మున్ ……ఆ బ్రహ్మాస్త్రము మీద విశ్వాసము లేని రాక్షసులు కొందరు వేరొక తాటితో హనుమను కట్టివేయగా

విట్ట పడై పోల్ విడుం..…… బ్రహ్మాస్త్రము హనుమపై తన ప్రభావమును వదిలి  వేసినట్లుగా శరణాగతి చేసిన తరువాత దానిపై విశ్వాసములేక వేరొక ప్రయత్నము చేస్తే శరణాగతి ప్రభావము ఉండదు అని చేపుతున్నారు. శరణాగతిని బ్రహ్మాస్త్రముతోను , ఇతర ప్రయత్నములను సాధారణమైన తాటితోను పోల్చి చెప్పారు

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-28-sharanagathi-marror/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 27

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 26

$6ABE403FF97C9457

పాశురము-27

“నెఱి అఱియాదారుం అఱిందవర్ పాఱ్ సెన్ఱు

సెఱిదల్ సెయ్యా త్తీ మనత్తర్ తాముం – ఇఱై ఉరైయై

త్తేఱాడవరుం తిరుమడందై కోన్ ఉలగత్తు

ఏఱార్ ఇడర్ అళుందువార్”

అవతారిక:

              ఈ పాశురములో స్వామి అరుళాళ పెరుమాళ్ ఎంబెరుమానార్ మూడు రకముల మనుష్యుల గురించి చెపుతున్నారు. 1.ఆత్మోజ్జీవనము గురించి చింతింపని వారు 2.ఆత్మోజ్జీవనమునకు మార్గ నిర్దేశము చేయు గురువును ఆశ్రయించని వారు 3. శరణాగతి శాస్త్రములో విశ్వాసము లేని వారు వీరు ‘పరమపదము’ చేరి శ్రీమన్నారాయణుని శ్రీపాదములకు కైంకర్యము చేయలేరు. ఈ లోకములోనే మళ్ళీ  మళ్ళీ  పుట్టి జనన మరణ చక్రములో పడి కష్టాల పాలవుతారు అని చెపుతున్నారు.

ప్రతి పదార్థము:

నెఱి = ఉపాయము

అఱియాదారుం = తెలుసుకోని వారు

అఱిందవర్ పాఱ్ సెన్ఱు = తెలిసిన గురువును ఆశ్రయించని వారు

సెఱిదల్ సెయ్యా = గురువుకు శుశ్రూష చేని వారు

త్తీ మనత్తర్ తాముం = దుష్ట స్వభావముగల వారు

ఇఱై ఉరైయై త్తేఱాడవరుం = శరణాగతి శాస్త్రములో విశ్వాసము లేని వారు

తిరుమడందై కోన్ ఉలగత్తు = శ్రీమన్నారాయణుని నిత్య నివాసమైన ‘పరమపదము’

ఏఱార్ = చేరలేరు

ఇడర్ = కష్టాలలో ( జనన మరణ చక్రములో పడి )

అళుందువార్ = మునిగి పోతారు

వ్యాఖ్యానము:

నెఱి అఱియాదారుం……...ఈ లోకములోనే మళ్ళీ మళ్ళీ పుట్టి జనన మరణ చక్రములో పడి కష్టాల పాలవుతారు అని చెపుతున్నారు.  వీరు ఆత్మోజ్జీవనము గురించి చింతింపరు.

అఱిందవర్ పాఱ్ సెన్ఱు సెఱిదల్ సెయ్యా త్తీ మనత్తర్ తాముం ..……..ఆచార్యులను ఆశ్రయించి సంసార బంధము నుండి బయట పడు మార్గమును తెలుసుకోని వారు “మాఱి మాఱి పల పిఱప్పుం పిఱందు”( మళ్ళీ మళ్ళీ అనేక జన్మలెత్తి ) ఇక్కడే కొట్టుకుంటూ వుంటారు . వీరు జ్ఞానము, అనుష్టానము గల సదాచార్యులను ఆశ్రయించరు. ఆశ్రయించినా ఆచార్యుల ఉపదేశములపై విశ్వాసము కలుగదు . ఆచార్యులకు కైంకర్యమును చేయరు. ఆచార్యులంటే ఆయన మనలాంటి మనిషే కదా అనుకొని లోపాలను వెతుకుతారు .

 ఇఱై ఉరైయై త్తేఱాడవరుం ….….మరొక రకము వారు ఆచార్యులను ఆశ్రయించినా శరణాగతి చేయుటలో విశ్వాసము కలిగి వుండరు . శ్రీకృష్ణుడు  అర్జునుని వ్యాజముగా చేసుకొని భగవద్గీత”18వ అధ్యాయములో ఈ శరణాగతి శాస్త్రమును చేతనొజ్జీవనము కోసమే ఉపదేశించాడు.

తిరుమడందై కోన్ ఉలగత్తు ఏఱార్ …….ఇటువంటి వారు శ్రీమన్నారాయణునికి శ్రీమహాలక్ష్మికి  నిత్యనివాసమైన పరమపదమును ఎప్పటికీ చేరలేరు.

ఇడర్ అళుందువార్..…….స్వామి అరుళాళ పెరుమాళ్ ఎంబెరుమానార్లు  ఇటువంటి వారందరూ ఈ లోకములోనే పుడుతూ, గిడుతూ నిత్యానందమునకు నోచుకోరు, కష్టాల కడలిలో మునిగి పోతారు అని చెపుతున్నారు.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-27-neri-ariyadharum/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 26

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 25

ramanuja

పాశురము-26

“తప్పిల్ గురు అరుళాల్ తామరైయాళ్ నాయగన్ తన్

ఒప్పిల్ అడిగళ్ నమక్కు ఉళ్ళత్తు – వైప్పెన్ఱు

తేఱి ఇరుప్పార్గళ్ తేసు పొలి వైగుంతత్తు

ఏఱి ఇరుప్పార్ పణిగట్కే ఏయిందు”

అవతారిక

శరణాగతి మార్గము శ్రీమన్నారాయణునిచే చెప్పబడినది. ఈ విషయమును తమిళ కవి  తిరువళ్ళువర్ పొఱి వాయిల్ ఐయందవిత్తాన్ పొయ్దీర్ ఒళుక్క నెఱి”  అన్నారు. అనగా సర్వస్వామి అయిన సర్వేశ్వరుడు చెప్పిన నిజమైన మార్గమే ఉన్నతమైన మార్గము . మరొక చోట ఇలా అన్నారు. పఱ్ఱఱ్ఱాన్ పఱ్ఱినై”, (కోరికలే లేని వాడు కోరిన మార్గము). ” నెఱి ” అనగా మార్గముశరణాగతి మార్గము . ఇది సదాచార్యుని పురుషకారముతో చేయాలి .  శ్రీమన్నారాయణుని శ్రీపాదములకు శరణాగతి  చేసి పరమపదము చేరి నిత్య కైంకర్యము చేయాలనే కొరిక అందులో రుచి ఆయనే మనకు ఉత్తారకుడన్న మహా విశ్వాసము ఆ మార్గములో ప్రయాణించి అంతిమ ముగా పరమపదము చేరి నిత్య కైంకర్య భాగ్యమును పొందుట సదాచార్యులను ఆశ్రయించటము ద్వారానే పొందగలుగుతారు.

ప్రతిపదార్థము:

తప్పిల్ = జ్ఞాన అనుష్టానములలో లోపము లేనివారు

గురు = ఆచార్యులు

అరుళాల్ = కృపతో

తేఱి ఇరుప్పార్గళ్ = ధృఢ విశ్వాసము గలవారు

తామరైయాళ్ నాయగన్ తన్ = తామరలో పుట్టి అందులో వేంచేసి వుండే శ్రీమహాలక్ష్మి ధవుడైన శ్రీమన్నారాయ ణుని

ఒప్పిల్ = అసమానమైన

అడిగల్ = దాసులు

నమక్కు –= మన వంటి అజ్ఞులకు

ఉళ్ళత్తు = మనసులో ఉండే

వైప్పెన్ఱు = సుసంపద అని

తేరి ఇరుప్పార్గల్ = విశ్వాసము గలవారు

తేసు పొలి =తేజస్సుతో ప్రకాశించు

వైగుంతత్తు = పరమపదమును

ఏఱి = చేరు మార్గములో పయనించి చేరి

పణిగట్కే = అక్కడ కైంకర్యము చేయుటకు

ఏయిందు ఇరుప్పార్ = సిద్దమై ఉంటారు

తప్పిల్ గురు అరుళాల్……’ : తప్పిల్ గురు ‘ అంగా ఎప్పుడు ఏ తప్పు చేయని ఆచార్యుడు. తిరుకుఱళ్ లో  “కఱ్క అదఱ్కు తగ నిఱ్క” ( నేర్చిన దానికి కట్టుబడి వుండు) అన్నారు. సుజ్ఞానమును నేర్చిన ఆచార్యుడు దోషములను చేయజాలడు అని అర్థము.

తామరైయాళ్ నాయగన్ తన్....: తామరలో పుట్టి అందులో వేంచేసి వుండే శ్రీమహాలక్ష్మి ధవుడైన శ్రీమన్నారాయణుడు . 1. శ్రీమన్ ,2. నారాయణుడు అనే రెండు పదాలు ద్వయ మంత్రములో మొదటిభాగములో ఉంటుంది .తామరైయాళ్ నాయగన్ అంటే ద్వయములో చెప్పిన నారాయణుడు…. వాత్శల్యము, స్వామిత్వము , సౌశీల్యము , సౌలభ్యము గల శ్రీమన్నారాయణుడు . దానికి తోడు ఆయనకు గల అపారమైన జ్ఞానము ,శక్తి ,ప్రాప్తి , పూర్తి వలన , ఆయన మాత్రమే దాసులను ఉజ్జీవింప చేయగలడు . ఆయననే  దాసులందరు ఆశ్రయిస్తారు. నాయ గన్ తన్ అన్న పదము పై గుణములన్నింటినీ ప్రతిబింబిస్తుంది . ద్వయ మహా మంత్రములోని ‘ నారాయణ ‘ పదము కూడా దీనినే తెలియజేస్తుంది .

ఒప్పిల్ అడిగళ్…....అసమానమైన శ్రీమన్నారాయణుని శ్రీపాదములు …ద్వయ మహా మంత్రములోని ‘చరణౌ ‘ ఇందులో ఇమిడి వున్నడి .’ ఒప్పిల్ ..’అసమానమైన ‘ అని ఎందుకు అంటున్నారంటే మరెవరి సహాయము తీసుకోకుండా ఆ శ్రీపాదములే దాసులను రక్షించ గలవు .

నమక్కు ఉళ్ళత్తు …… మన వంటి అజ్ఞులైన వారు….. మన వంటి  వారిని రక్షించుటకు ఆయనే తగిన వాడన్నది లోక విదితమే . అది తెలిసిన వాడు ఆయనను తప్ప మరెవరినీ ఆశ్రయించడు . ద్వయ మహా మంత్రములోని“చరణౌ ” , “ప్రపద్యే” అన్న పదములు ఇక్కడ ఇమిడి వున్నాయి . ఆ శ్రీపాదములను హృదయములో నిలుపుకోవట మంటే గొప్ప నిధిని హృదయములో నిలుపుకున్నట్లే .  కాయికముగా ఆయన శ్రీపాదములను పట్టుకోవటము కాక మానసికముగా పట్టుకోవటము గనక దీనిని “మానస స్వీకారము” అంటారు .

తేఱి ఇరుప్పార్గళ్ …… అనుమానములేవీ లేకుండా ధృఢ విశ్వాసము కలిగి  వుండుట ….. ఆయన శ్రీ పాదములే రక్ష అని ధృఢ విశ్వాసము కలిగి  వుండుట . అటువంటి విశ్వాసము ఏర్పడటము  అంత శులభము కాడు .శరణాగతి చేసిన వారికి ఈ విషయములో అనుమానములు ఉండవు. అలా ఎవరికైనా  అనుమానములు ఉంటే వారికి  పరమపదము దక్కదు .  అటువంటి వారినే ‘ తేఱి ఇరుప్పార్గళ్ ‘ అన్నారు .

తేసు పొలి వైగుంతత్తు…… వారు అంతిమ గమ్యమైన పరమపదమునకు చేరుకుంటారు. దీనినే అళివిల్  ( చెదరని ఇల్లు)అంటారు . పరమపదములో  శ్రీమన్నారాయణునికి నిత్యకైంకర్యము చేస్తూ నిత్యానందమును పొందుతారు.

ఏఱి ఇరుప్పార్ పణిగట్కే ఏయిందు……..ఈ దాసులు పరమపదములో కైంకర్యము చేయుటకు తగిన వారు. “పణిగల్” (కైంకర్యము) అన్న పదము దీనినే తెలియజేస్తున్నది. “ఏయంధు ఇరుప్పార్”…అలా  కైంకర్యము చెయటానికి అర్హత కలిగి , ఆతృతతో ఎదురు చూస్తారు. ‘ పణి ‘ అన్న పదానికి మరొక అర్థము కూడా వుంది. ‘ పణి ‘ అంటే  “ఆదిశేషుడు” అని కూడా అర్థం ఉండి. అర్థాత్ ఈ దాసులు శ్రీమన్నారాయణునికి  కైంకర్యము చెయటములో  ఆదిశేషునికి సమానమైన వాళ్ళని చెపుతున్నారు . ఆదిశేషుడు” శ్రీమన్నారాయణునికి  కైంకర్యము ఎలాచేస్తాడంటే “సెన్ఱాల్ కుడయాం, ఇరుందాల్ సింగాసనమాం, నిన్ఱాల్ మరవడియాం, నీళ్ కడలుళ్ ఎన్ఱుం పునైయాం మణి విళక్కాం, పూంపట్టాం, పుల్గుం అణైయాం తిరుమార్కు అరవు”. శ్రీమన్నారాయణునికి ఆదిశేషుడు నడుస్తే గొడుగు , కూర్చుంటే సింహాసనం, నిలబడితే పీట, చేతి దిండు, మణి దీపము, పట్టుపరుపు…. ఇలా సకల సేవలు చేస్తాడని మన ఆళ్వార్లు ప్రబందములో పడారు.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-26-arram-uraikkil/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 25

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 24

lord-maha-vishnu

అవతారిక

కిందటి పాశురములో శరణాగతి చేసిన తన భక్తులు తెలియక చేసిన తప్పులను గ్రహించడని స్వామి అరుళాళ పెరుమాళ్ ఎంబెరుమానార్లు వివరించారు కదా! దానికి కారణము  భగవంతుడు  “వాత్సల్య పరిపూర్ణుడు”. అందు వలన   “వత్సలుడు ” అని పిలువబడతాడు. తన భక్తులు తెలియక చేసిన తప్పులను గణించక పోగా వాటిని దీవెనలుగా స్వీకరిస్తాడు, ఆనందిస్తాడు . అందువలన ఎవ్వరూ బయపడనవసరము లేదు అని చెపుతున్నారు .

“అఱ్ఱం ఉరైక్కిల్ అడైందవర్ పాల్ అంబుయైకోన్

కుఱ్ఱం ఉణరందిగళుం కొళ్గైయనో? – ఎఱ్ఱే తన్

కన్ఱిన్ ఉడంబిన్ వళువన్ఱో? కాదలిప్పదు

అన్ఱదనై ఈన్ఱుగంద ఆ”

ప్రతిపదార్థము

అఱ్ఱం ఉరైక్కిల్ = ఆఖరికి చెప్పేదేవిటంటే

అంబుయైకోన్ = తామారపై వేంచేసి వుండే మహలక్ష్మి ధవుని

అడైందవర్ పాల్ = శరణాగతి చేసిన వారి

కుఱ్ఱం = దోషములను

ఉణర్దు = తెలుసుకొని

ఇగళుం కొళ్గైయనో?= వాటిని ద్వేషించడు

ఎఱ్ఱే  = ఎంత ఆశ్చర్యము!

ఆ = ఆవు

అన్ఱదనై ఈన్ఱుగంద = ఈనిన వెంటనే

తన్ కన్ఱిన్ = తన దూడ యొక్క

ఉడంబిన్ = శరీరముపై

వళువన్ఱో? =  కప్పి ఉన్న మావిని

అన్ఱు = అప్పుడు

కాదలిప్పదు = ప్రేమగా నోటితోస్వీకరించి శుభ్రముచేస్తుంది

వ్యాఖ్యానము

అఱ్ఱం ఉరైక్కిల్……అఱ్ఱం…ఆఖరికి-అనగా చివరికి చెప్పేది ఏవిటంటే

అడైందవర్ పాల్……తనను శరణాగతి చేసిన వారి పట్ల .

అంబుయైకోన్…… శ్రీదేవికి భర్త , లక్ష్మణాదులకు సోదరుడు అయిన శ్రీమన్నారాయణుడు ,’ పాల్ ‘- పట్ల …ఎవరి పట్ల ?భక్తుల పట్ల … ఎవరు? అంబుయైకోన్ …భక్తులు అమ్మవారి పురుషకారము వలననే స్వామిని చేరుకుంటారు. అందు వలన ఇక్కడ శ్రీమన్నారాయణుని ‘ అంబుయైకోన్ ‘ (తామర పై వేంచేసి వుండే మహలక్ష్మి ధవుడు)అన్నారు. ఆమె పురుషకారముతో వచ్చారు కాబట్టి ఆయన వారిని దరి చేర్చుకుంటాడు కదా!జీవాత్మను , పరమాత్మ దగ్గరికి చేర్చేది అమ్మవారి పురుషకారము కావున పరమ్మాత్మ వారి దోషములను గణించడు. అది ఆయన సహజ స్వభావము. ఒక జీవాత్మను , ఆయన స్వీకరించాక .నిజంగా నిండు మనసుతో అంగీకరించారా లేక ఏదో పోనీలే అని స్వీకరించారా ? అన్న విషయమును అమ్మవారు పరీక్షింటము కోసము వారి దోషములను గురించి స్వామితో మాట్లాడతారు . అది విని ఆయన ఆ జీవుడిని  వదిలి వేస్తారా! లేక శిక్షిస్తారా అని చూస్తారు . స్వామి దానికి ‘ ఎన్ అడియార్ అదు సెయ్యార్ సెయ్దారేల్ నన్ఱు సెయ్దార్ ‘ పెరియాళ్వార్ తిరుమొళి 3.9.2 ( నా దాసులు అలా చేయరు.చేస్తే మంచికే చేసి వుంటారు) అని ఆ జీవుడిని నిండు మనసుతో అంగీకరిస్తారు .

కుఱ్ఱం ఉణరందిగళుం కొళ్గైయనో? ……పరమాత్మ “కొళ్గై” (స్వభావమును ) స్వామి అరుళాళ పెరుమాళ్ ఎంబెరుమానార్ తన ప్రశ్నల ద్వారా రూఢి చేసుకుంటారు. అలా ఎందుకు చేయాలి అంటే చదువరులకు పరమాత్మ స్వభావము బోధపడటము కోసము అని చెపుతారు . పరమాత్మ స్వభావము ఎటువంటిది ? అమ్మవారి పురుషకారముతో తన శ్రీపాదము లను చేరినవాడు ఎటువంటి వాడైనా స్వీకరించటము , వాడు చేసిన దోషములను గుణములుగా చూడటము , వాడి మీద కోపమును చూపక పోవటము ఆయన స్వభావము . అందుకే ఆయన “వాత్సల్యము గలవాడు , వత్సలుడు . వత్సం  అంటే దూడ . దూడ దోషములను ఆవు గుణములుగా స్వీకరించినట్లు  ఆయన తన దాసుల దోషములను గుణములుగా స్వీకరిస్తాడు .

ఎఱ్ఱే తన్ కన్ఱిన్ ఉడంబిన్ వళువన్ఱో? కాదలిప్పదు అన్ఱదనై ఈన్ఱుగంద ఆ”……. ‘ ఎఱ్ఱే ‘ అనేది ఆశ్చర్యార్థకము . స్వామి అరుళాళ పెరుమాళ్ ఎంబెరుమానార్లు ఎందుకలా అన్నారు ? అంటే ఆవు సాధారణముగా శుభ్రముగా వున్న గడ్డిని తప్ప ఎవరైనా తొక్కినా ,అపరి శుభ్రముగా వున్నా , ఆ గడ్డిని తినదు . కాని తాను ప్రసవించగానే , తన వత్సం  శరీరము మీద వున్న మావి, ఇతర మలినములను తన నోటితో నాకి శుభ్రము చేస్తుంది .అది వాత్సల్యము . “ఈన్ఱ పొళుదిన్ పెరిదువక్కుం”, అలాగే భగవంతుడు తన భక్తులు చేయు తప్పులను ద్వేషించక ప్రేమతో స్వీకరిస్తాడు. మన పూర్వాచారులు ఎప్పుడు భగవంతుడి వాత్సల్యమునకు ఈ వృత్తాంతమునే ఉదాహరణగా చెపుతారు. స్వామి అరుళాళ పెరుమాళ్ ఎంబెరుమానార్  భగవంతుడి వాత్సల్యమును చూసి ‘ ఎఱ్ఱే ‘ అని అన్నారు.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-25-arram-uraikkil/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 24

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 23

svayam11

అవతారిక

కిందటి పాశురములో సంచిత, ఆగామి, ప్రారబ్దమనే  మూడు విధముల కర్మలలో మొదటి రెంటిని  గురించి చెప్పారు. స్వామి అరుళాళ పెరుమాళ్ ఎంబెరుమానార్ ఈ పాశురములో  శ్రీమన్నారాయణుడు తనను శరణాగతి చేసిన భక్తులు తెలియక చెసే పాపాలను చూడడు , గణించడు అని వివరిస్తున్నారు.

“వణ్డు పడి తుళబ మార్బినిడై సెయ్ద పిళై

ఉణ్డు పల ఎన్ఱు ఉళం తళరేల్ – తొణ్డర్ సెయ్యుం

పల్లాయిరం పిఱైగళ్ పార్తిరుందుం కాణుం కణ్

ఇల్లాదవన్ కాణ్ ఇఱై”

ప్రతి పదార్థము

వణ్డు పడి = తేనెను గ్రోలుటకు గుంపులు గూడిన తుమ్మెదలు

తుళబ మార్బినిడై = శ్రీతులసి మాలలను హృదయ కమలముపై ధరించిన శ్రీమన్నారాయణుడు

సెయ్ద పిళై = (జీవులు)చేసిన  తప్పులు

పల ఉణ్డు ఎన్ఱు = అనేకములు కలవు అని

ఉళం = ఓ మనసా!

తళరేల్ = చింతించకు

ఇఱై = (ఒక్కసారి శరణమంటే ఎప్పటికీ వదలక కృప చేసే)మన నాయకుడు

తొణ్డర్ సెయ్యుం = తన భక్తులు చేయు

పల్లాయిరం పిఱైగళ్ = వేలాది దోషములను చూచు నపుడు

పార్తిరుందుం = తన జ్ఞానముచే అన్నింటినీ చూడగలిగి కూడా

కాణుం = భక్తుల విషయములో దోషములను చూడవలసి వస్తే

కణ్ ఇల్లాదవన్ కాణ్ = చూడనట్లే వ్యవహరిస్తాడు

వ్యాఖ్యానము

“వణ్డు పడి తుళబ మార్బినిడై  సెయ్ద పిళై…….తేనెను గ్రోలుటకు తుమ్మదలు గుంపులు గూడిన శ్రీతులసి మాలలను హృదయ కమలముపై ధరించిన శ్రీమన్నారాయణుడు తన భక్తులు చేయు వేలాది దోషములను చూడనట్లే వ్యవహరిస్తాడు . ‘ శ్రీమన్నారాయణుడు ‘ అంటే చాలు కదా! మరి స్వామి అరుళాళ పెరుమాళ్ ఎంబెరుమానార్ ‘ శ్రీతులసి మాలలను హృదయ కమలముపై ధరించిన శ్రీమన్నారాయణుడు ‘అని ఎందుకు అన్నారు! …అంటే భక్తులు ఆయన సౌందర్యమును చూసి ఆకర్షింప బడతారు. అలా ఆకర్షింప బడిన వారు తప్పులను చేయరు. అంతే కాదు శ్రీమహాలక్ష్మి కూర్చొని ఊగే తులసి మాల అంటే ఆయనకే ఎంతో ప్రీతి కదా!

ఉణ్డు పల ఎన్ఱు……. శ్రీమన్నారాయణుని శరణాగతి చెసినా ఇంద్రియములచే నియమింపబడిన శరీరము దోషములు చేస్తూనే వుంటుంది. “ఉరన్ ఎండ్ఱుం తోతియాల్ ఓర్ ఐందుం కాప్పాన్”  తిరుక్కుఱళ్(మావటి వాడు కర్ర పట్టుకొని  ఏనుగును నియంత్రిస్తాడు) ఇక్కడ ఇంద్రియములను ఏనుగునుతొను , మనసును కర్ర పట్టుకున్న మావటి వాడితొను పోల్చారు. స్వామి తిరుమంగై ఆళ్వార్లు , “ఐవర్ అఱుతు తిన్ఱిద అంజి నిన్ అడైందేన్” (ఐదుగురు   వెంట పడుతుంటే భయపడి నిన్ను చేరుకున్నాను)అన్నారు. అదే విషయాన్ని స్వామి నమ్మాళ్వార్లు , “ఉణ్ణిలావియ ఐవరాల్ కుమైత్తీత్ఱి” అన్నారు . అందు వలన శరణాగతి చేసినప్పటికీ ఇంద్రియములు నిరంతరము ఆ జీవుడి మీద పెత్తనము చేస్తూనే వుంటుంది . అందువలన దోషములు జరిగుతూ వుంటాయి .

ఉళం తళరేల్ …….అప్పుడు ఈ ఓదార్పు అవసరమవుతుంది . “ఉళం” (మనసు) “ఉళ్ళమే” అన్న పదమునకు సంక్షిప్త రూపము . తమిళ వ్యాకరణము ప్రకారము “మకర ఈరు విళి వేత్ఱుమై” అంటారు .( విభక్తిని తెలియజేస్తున్నారు).

తొణ్డర్ సెయ్యుం…..” తొణ్డర్ ” శ్రీమన్నారాయణుని దాసులు….చేయు తప్పులు. నిరంతరము శ్రీమన్నారాయ ణుని శ్రీపాదములను సేవించె వరే కాక ఆయన భక్తులందరూ దాసులుగానే భావింపబడతారు.

పల్లాయిరం పిళైగళ్ …….అనేక వేల దోషములు… అనగా లెక్కకు మిక్కిలైన దోషములు. దేహములు సత్వ, రాజస, తామసములనే త్రిగుణాత్మకమైనవి. ఈ మూడు గుణములు అనేక దోషములను చేయిస్తూ వుంటుంది.’  పిళైగళ్ ‘_ ‘ పాపములు ‘.రెప్ప పాటులో జీవుడు చేసే పాపములను తొలగించుకోవటానికి అనేక బ్రహ్మ యుగ ములు పడతాయి. అర్థాత్ మన  పాపములను మనమే తొలగించుకోవాలంటే సాధ్యమయ్యే విషయము కాదు. శాస్త్ర విహితమైన కర్మలు ‘ పాపములుగా ‘ పరిగణింప బడతాయి. మనచా ,వాచా ,కర్మణా ఇతరులను దూషించుటము ,  పరుల ద్రవ్యమును కోరుకోవటము , పరస్త్రీ వ్యామొహము , అబద్దాలు చెప్పటము , తినకూడనివి తినటము వంటివి  శాస్త్ర విహితమైన కర్మలు…. చేయకూడనివి. శ్రీమన్నరాయణుని ఇతర దేవతలతో పోల్చడము , ఆయన అవతార ములలో దోషములను వెతకటము , భగవంతుడి విగ్రహమును తయారు చేసిన పదార్థమును శోధించటము , పూజను పూర్తి చేయకుండా ఆపటము , పూజా ద్రవ్యాలను దొంగిలించటము , దొంగతనము చేయు వారికి సహకరించటము మొదలైనవాటిని శాస్త్రము అపచారములుగా చెప్పింది .భాగవత అపచారము , భాగవతులపై ద్వేషమును పెంచుకోవటము కూడా ఈ కోవలోకే వస్తాయి .

ఇఱై పార్తిరుందుం కాణుం కణ్…….తనను శరణాగతి చేసిన వారు ఇవన్నీ చేసినా సర్వజ్ఞుడు ,సర్వాంతర్యామి అయిన శ్రీమన్నారాయణుడు  అవన్నీ చూడగలిగి కూడా చూడడు.

ఇల్లాదవన్ కాణ్…… ‘ కాణ్ ‘ చూడగలుగు జ్ఞానము…చూడదు. శ్రీమన్నారాయణుడు తన భక్తుల మీద ఉన్న అపారమైన కారుణ్యము చేత చూడడు .’ ఇఱై ‘ అనగా పెరుమాళ్ళు . కొద్దిగా అనే అర్థము కూడ వస్తుంది. అనగా శ్రీమన్నరాయణుడు తన భక్తుల దోషములను కొద్దిగా కూడా చూడడు . దీనినే శ్రీవిష్ణు సహస్ర నామ స్తోత్రములో “అవిజ్ఞ్యాత” అన్న  నామము తెలియజేస్తుంది.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-24-vandu-padi-thulaba/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 23

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 22

reclinevishnu

అవతారిక

జన్మకర్మల చక్రభ్రమణములో పడి కొట్టుకుపోతామేమో అని భయపడేవారికి ఈ పాశురములో ఒదార్పు లభిస్తుంది . శరణాగతి చెసిన వారికి కష్టాలు ఉండవు అనినొక్కి చెపుతున్నారు.

“ఊళి వినైక్ కుఱుంబర్ ఒట్టరువర్ ఎన్ఱంజ్చి

ఏళై మనమే! ఇనిత్తళరేల్ – ఆళి వణ్ణన్

తన్నడి క్కీళ్ వీళ్దు శరణ్ ఎన్ఱు ఇఱంతొరుకాల్

సొన్నదఱ్ పిన్ ఉణ్దో? తుయర్”

ప్రతి పదార్థము

ఊళి వినై = పురాకృత పాపములనే

కుఱుంబర్ = దుష్టులులా

ఓట్టరువర్ = పరుగున వచ్చి ఇడుముల పాలు చేస్తుందని

అంజ్చి = భయపడే

ఏళై మనమే! = పిచ్చి మనసా

ఇనిత్తళరేల్ –= ఇక భయపడకు ఎందుకంటే

ఆళి వణ్ణన్ తన్ = కడలి వంటి నీలి రంగులో ఉండే శ్రీమన్నారాయణుని

అడి క్కీళ్ = శ్రీపాదముల మీద

వీళ్దు = పడి

శరణ్ ఎన్ఱు = శరణాగతి చేసి

ఇఱంతు = ప్రార్తిస్తే

ఒరుకాల్ = ఒక్క సారి (రక్షిస్తానని )

సొన్నదఱ్ పిన్ = మాట ఇచ్చిన తరువాత

తుయర్ ఉణ్దో? = కర్మలచేత వచ్చే కష్టాలు ఉంటాయా? ఉండవు కదా!

వ్యాఖ్యానము

ఊళి వినైక్ కుఱుంబర్….. పురాకృత కర్మలు  ఇక్కడ దుర్మార్గుడిలా  పాపిష్టి రూపు దిద్దుకొని  బాదిస్తాయి. దానినే “కురుంబర్”  అన్నారు. ‘ ఊళి ‘ అనగా పురాతన , ‘ వినై ‘ కర్మలు . పురాకృత కర్మలు జీవుడిని పాపిష్టి పనులు చేయటానికి ప్రొత్సహిస్తూ ఉంటాయి . దీనినే  “అళుకాఱు ఎన ఒరు పావి”, అని  “కయమై ఎన్నుం పణ్బుచొల్” అని అంటారు. వస్తు వ్యామొహములు ఆ జీవుడిని , దుష్టుల గుంపు (కయవర్) చుట్టుముట్టి దాడి చేసి నంతగా బాధిస్తాయి . అవి  ఎంత బలీయమైనవి అంటే , మొత్తం ప్రపంచాన్నే దాసోహము చెసుకోగలవు .  వీళ్ళు ఐదుగురు (ఐదు జ్ఞానేంద్రియములు ) విజృంభించి రాత్రిళ్ళుఅందరినీ  గడగడ లాడించే దొంగలలా జీవులను బాధించ  గలవు.

ఓట్టరువర్ ఎన్ఱంజ్చి…….పురాకృత కర్మలు జీవుడి వేంట పడి పరిగెత్తించి బాదిస్తుంటాయి అని భయపడే

ఏళై మనమే!…..ఓ! పిచ్చి మనసా ! భగవంతుడిని ఎవరైనా శరణాగతి చేస్తే ఆయన ఎట్టి పరిస్థితులలోను వదిలి వేయడు ,అందు వలన మనకు భయము లేదు . నిత్యనివాసమైన శ్రీవైకుంఠములో స్థానము ఉంటుంది. అది శరణాగతి మహిమ అని స్వామి అరుళాళ పెరుమాళ్ ఎంబెరుమానార్ అంటున్నారు .

ఇనిత్తళరేల్ –……..శరణాగతి చేసేటప్పుడు అనేక అడ్డంకులు ఏర్పడవచ్చు . అయినా భయపడకు మనసా ! అని శ్రీకృష్ణుడు అర్జునిడికి ధైర్య వచనాలు చెప్పినట్టుగా  ఇక్కడ స్వామి అరుళాళ పెరుమాళ్ ఎంబెరుమానార్ ధైర్య వచనాలు చెపుతున్నారు .’ ఇని ‘ అనగా ‘ ఇక ‘…. అంటే శరణాగతి చేసిన తరువాత అని అర్థము.

ఆళి వణ్ణన్……..సముద్ర వర్ణుడు…. సముద్ర మంత లోతైన వాడు అనగా అంతు చిక్కని వాడు . .సముద్రము వంటి నీలి వర్ణుడు ,అందరి ధుఖఃములను  పోగొట్టగల వాడు .

తన్నడి క్కీళ్ వీళ్…..తిరుమంగై ఆళ్వార్లు “ఆళి వణ్ణన్ నిన్ అడియిణై అడైందేన్” సముద్ర వర్ణుడైన స్వామి నీ శ్రీపాదముల మీద పడ్డాను అని అంటున్నారు .

శరణ్ ఎన్ఱు ఇఱంతొరుకాల్ సొన్నదఱ్ పిన్…..ఒక్క సారి శరణాగతి చేస్తే చాలు మళ్ళీ మళ్ళీ చెయవలసిన అవసరము లేదు . ఆ జీవుడు ఆయన కృపను పొందుటకు అర్హుడవుతాడు.

ఇని ఉణ్దో? తుయర్…….ఒక్క సారి శరణాగతి చేసిన తరువాత ఇంకా దుఖఃము ఉంటుందా? ఉండదు. ఎప్పుడైతే శ్రీమన్నారాయణుని శ్రీపాదముల మీద పడ్డాదో అప్పుడే ఆ జీవుడి సకల కర్మలను , అనగా పురాకృత ,అగామి  కర్మలను ఆయన తొలగతో స్తాడు . “పోయ పిళయుం పుగుదరువాన్ నింఱనవుం ‘ అని ఆండాళ్   అన్నట్లుగా , పురాకృత కర్మలు నిప్పు పడ్డ దూదిలా కాలి పోతాయి . అగామిని ఆయన గణించడు . కాబట్టి  శరణాగతి  భయపడనవసరము లేదు .

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-23-uzhi-vinaik-kurumbar/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 22

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 21

paramapadhanathan

అవతారిక

జీవుడు తాను చేసిన  కర్మ మంచిదైనా చెడ్దదైనా దాని ప్రభావమును అనుభవించే తీరాలి.  నీది నూల్ లో  “ఉరఱ్పాల నీక్కల్ ఉఱువర్కుం ఆగా” అని చెప్పబడింది.  కర్మ అగేది కాదు. వర్షము కురవక పోతే ఎవ్వరూ ఏమీ చేయ లేరు. ఒక వేళ ఉధృతముగా కురిసినా ఆపలేరు. అలాగే జీవుడి కర్మ ఫలమును ఎవరూ ఆపలేరు. శ్రీమన్నారాయణుడే వీటిని సృష్టించాడు. పురాకృత పాప పుణ్యములు ఈ జన్మలో ఫలిస్తాయి. ఈ జన్మలో చేసుకున్న పాప పుణ్యములు పైజన్మలో ఫలిస్తాయి. ఇది ఒక చక్రము . జీవుడికి ఎప్పటికైనా ఈ చక్రము నుండి విముక్తి ఉందా? ఈ ప్రశ్నకు  జవాబుగా ఈ పాశురము అమరింది.

ఎప్పటికైనా ఈ కర్మజన్మల  చక్రము నుండి బయట పడగలమా? అంటే ఆ శ్రీమన్నారాయణుని క్రృప ఉంటే ఇవన్నీ నిప్పు పడ్డ దూదిలా కాలిపోతుంది.

“ఉడైమై నాన్ ఎన్ఱుం ఉడైయాన్ ఉయిరై

వడమధురై వందుతిత్తాన్ ఎన్ఱుం – తిడమాగ

అఱిందవన్ తన్ తాళిల్ అడైందవర్కుం ఉణ్డో?

పిఱందు పడు నీళ్ తుయరం పిన్.”

ప్రతిపదార్థము

నాన్ = నేను అనే ఆత్మ

ఉడైమై = భగవంతుడికి దాసుడైన

ఉయిరై ఉడైయాన్ = ఈ ఆత్మను పొందిన వాడు

వడమధురై వందుతిత్తాన్ ఎన్ఱుం = ఉత్తర మధురలో అవతరించాడని

తిడమాగ అఱిందు = దృఢముగా తెలుకున్న వారికి

అవన్ తన్ తాళిల్ = భగవంతుడి శ్రీపాదములను

అడైందవర్కుం =  శరణాగతి చేసిన వారికి

పిన్ పిఱందు పడుం = మళ్ళీ ఒక జనమ నెత్తి పొదవలసిన ఫలితములు

నీళ్ తుయరం = సంచిత కర్మలు

ఉణ్డో? = ఉంటాయా?

వ్యాఖ్యానము

ఉడైమై నాన్ ఎన్ఱుం…..ఆత్మలన్ని శ్రీమన్నారయణుని సొత్తేనని వేదాలన్ని ఘోషిస్తున్నాయి . మనమందరము ఆజ్ఞానమునున్ పొందాలి .

ఉడైయాన్ ఉయిరై వడమధురై వందుతిత్తాన్ ఎన్ఱుం……ఆత్మలన్నింటికి  యజమాని అయిన శ్రీమన్నారయణుడే ఉత్తర మదుర  శ్రీకృష్ణుడుగా అవతరించాడని తెలుసుకోవాలి. ఆయన జీవాత్మల ఉన్నతికై భగవద్గీతలో తాను సర్వ జ్ఞడుననని, సకల జీవులకు యజమానిననీ చెప్పి, ఎవరైతే తనను శరణాగతి చేస్తారో  వారికి పునర్జన్మ లేదని, జన్మ కర్మల చక్రము నుండి విడివడతారని  ఉపదేశించాడు.

తిడమాగ అఱిందు…..దృఢముగా తెలుసుకొని… తెలుసుకోవలసినది అంటే …శాస్త్రములన్నీ శ్రీమన్నారయణుడే సమస్త వస్తువులకు యజమాని అని ఘోషిస్తున్నాయి. ఈ పాశురములో “ఉడమై” “ఉడైయాన్” అని రెండు పదాలను  ప్రయోగించారు. “ఉడమై”…సంపద, జీవులు, సమస్త వస్తువులు , “ఉడైయాన్”….యజమాని. అయిన ప్పుడు, ఆయన వస్తువులను ఆయనే తీసుకుంటాడు. అలా తీసుకోవటములో ఆయనకే ఆనందము . యజమాని తన వస్తువులను స్వీకరించి , భద్రపరచడములో ఆనందమును పొందుతాడు కదా! కాబట్టి జీవాత్మలను ఉద్దరించటము పరమాత్మ ఆనందము కొరకేనని  దృఢముగా తెలుసుకోవాలి .

అవన్ తన్ తాళిల్ అడైందవర్కుం……“ద్వయ” మంత్రములో చెప్పిన విధముగా  “పిరాట్టితో కూడి వున్న శ్రీమన్నారయణుని శ్రీపాదములకు శరణాగతి చేసిన వారికి

ఉణ్డో? పిఱందు పడు నీళ్ తుయరం పిన్…..’ .నీళ్ తుయరం ‘ దీర్గకాలిక కష్టాలుంటాయా? జన్మకర్మల చక్రభమణముంటుందా? ఉండవు .

స్వామి నమ్మాళ్వార్లు  పెరియ తిరువందాది (54)లో ఇలా చెప్పారు.

“వానో మరికడలో మారుదమో, తీయగమో,

కానొ ఒరుంగిఱ్ఱుం కణ్డిలమాల్ – ఆనిన్ఱ

కన్ఱుయర తామెఱిందు కాయుదితార్ తాళ్ పణిన్ణ్దోం

వంతుయరై అవా మరుంగు”

అనగా ఆకాశమా! , గాలా! ,నీరా! , నిప్పా!, ఏది మా కష్టాలన్నింటినీ సునాయసముగా, హఠాత్తుగా తొలగించి వేసింది.! అని ఆశ్చర్య పడుతున్నారు. ఆయనను శారణాగతి చేస్తే , ఆయన కృప వుంటే , ఇలాగే జరుగుతుందన్న దృఢ విస్వాసము ఉండాలని ఈ పాశురములో తెలియజేస్తున్నారు.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-22-udaimai-nan/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

జ్ఞానసారము 21

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

జ్ఞానసారము

<< పాశురము 20

vishnu-lakshmi-photo

అవతారిక

శ్రీమహాలక్ష్మి ధవుడైన శ్రీమన్నారాయణుడు తన భక్తులకు కష్టాలను ఇచ్చినా అది వారి మీద తనకు గల అభిమానము చేతనే అని ఉదాహరణ సహితముగా ఇక్కడ తెలియజేస్తున్నారు.

పాశురము

“ఆర ప్పెరుంతుయరే సెయ్ దినుం అన్ బర్గళ్ పాల్

వేరిచ్చరోరుగై కోన్ మెయ్ న్నలమాం – తేరిల్

పొఱుత్తఱ్కు అరిదు ఎనినుం మైందన్ ఉదఱ్ పుణ్ణై

అఱుత్తఱ్కు ఇసై తాదై అఱ్ఱు. “

ప్రతి పదార్థములు

వేరిచ్చరోరుగై కోన్ = సువాస్నలు వెదజల్లు తామరయే నివాసముగా గల శ్రీమహాలక్ష్మి ధవుడైన శ్రీమన్నారాయణుడు

అన్ బర్గళ్ పాల్ = భక్తులకు

ఆర ప్పెరుంతుయర్ = పెను కష్టాలను

సెయ్తిదినుం = కలిగించుట

తేరిల్ = పరిశీలించి చూస్తే

మెయ్ న్నలమాం – = అది నిజమైన ప్రేమ చేతనే అని బోధ పడుతుంది

పొఱుత్తఱ్కు అరిదు ఎనినుం = భరింపరానిదైనా

మైందన్  = తన ప్రియమైన బిడ్డకు

ఉదఱ్ పుణ్ణై = శరీరములో పుండు పుడితే

అఱుత్తఱ్కు = ఆ భాగమును కోసి చికిత్స చేయవలసి వస్తే

ఇసై తాదై అఱ్ఱు =   అనుమతించే తండ్రి వంటి వాడు

భావము

శ్రీమహాలక్ష్మి ధవుడైన శ్రీమన్నారాయణుడు తన భక్తులకు కష్టాలను ఇచ్చినా అది వారి మీద తనకు గల అభిమానము చేతనే అని ఉదాహరణ సహితముగా ఈక్కడ తెలియజెస్తున్నారు.   తన ప్రియమైన  బిడ్డకు శరీరములో పుండు పుడితే ఆ భాగమును కోసి చికిత్స చేయవలసి వస్తే   అనుమతించే తండ్రి వంటి వాడు శ్రీమన్నారాయణుడు అని అంటున్నారు.

వ్యాఖ్యానము

ఆర ప్పెరుంతుయరే…..’ .తుయర్ ‘ కష్టము. ‘ ప్పెరుంతుయర్ ‘ గొప్ప ,అంతులేని కష్టము. అరుళాళ పెరుమాళ్ ఎంబెరుమానార్ ‘ఏ ‘ వకారమును ఉపయోగించారు. అనగా పెను కష్టము అంతులేని కష్టము అని అర్థము. కేవలము కష్టమే తప్ప సుఖము మచ్చుకైనా ఉండనిదని అర్థము.

సెయ్తిదినుం…….భగవంతుడే అలాంటి కష్టములనిస్తే…..అంటే ఆ జీవి పురాకృత కర్మ ఫలము ఇచ్చాడన్న మాట . సంచితము , ఆగామి , ప్రారబ్దము అని  కర్మలు మూడు విధములు.  ఈ మూడింటినీ తొలగించ గల వాడు భగవంతుడు మాత్రమే . అయినప్పుడు ఆయన తలచుకుంటే జీవుడి కష్టాలను పోగొట్టలేడా! అంటే తన భకుల మేలు కోరి , వారైకి  ఆభాస బంధములన్ని తొలగి పోవుటకే కష్టాలను ఇస్తాడని అంటారు . “కిత్తదాయిన్ వెత్తెన మఱ”.

“ఇయల్బాగవుం నోంబిఱ్కు ఒన్ఱు ఇన్మై ఉదమై

మయలాగం మఱ్ఱుం  పెయర్తు ”  తిరుకుఱళ్

అనగా శ్రీమన్నారాయణుని శ్రీపాదములను చేరాలనుకునే వారు లౌకిక విషయాసక్తులను తొలగ దోయాలి . ఆయన భక్తులు అలాగే చేస్తారు , కాని ఏదైనా ఒక బంధము వదలక పట్టుకొని వుంటే దాని నుండి విముక్తులను కావించటము కోసము వారికి కష్టాలనుఇస్తాడు. ఒక్కటే కదా అని ఉపేక్షచేస్తే అది పెను వృక్షముగా మారి వారికి ఆత్మహాని కలిగిస్తుంది అని పరిమేల్ అళగర్ అంటున్నారు .

వేరిచ్చరోరుగై కోన్……“చరోరుగం” అనగా తామర . ‘ వేరిచ్చరోరుగం ‘ సువాసన గల తామర . ‘ వేరిచ్చరోరుగై ‘ సువాసన గల తామరలో కూర్చున్నపడతి…. శ్రీమహాలక్ష్మి .’ వేరిచ్చరోరుగై కోన్ ‘ సువాసన గల తామరలో కూర్చున్నపడతికి ధవుడు  . కోన్  అంటే రాజు. ఇక్కడ యజమాని … సువాసన గల తామరలో కూర్చున్నపడతి అయిన   శ్రీమహాలక్ష్మికి యజమాని … శ్రీమన్నారాయణుడు . ఎందుకు ఇక్కడ అమ్మను ఇంతగా ప్రస్తావించారంటే స్వామి సర్వ స్వతంత్రుడు,ఆయన భక్తుల కష్టాన్ని చూడడు. కాని అమ్మ కూడా అక్కడే వుంది కదా! అయినా   కష్టా కడలిలో ఈదవలసిందేనా? అన్న ప్రశ్న ఉదయిస్తుంది .

మెయ్ న్నలమాం ……నిజమైన ప్రేమ కలవాడు

తేరిల్….తరచి చూడగా….వేరిచ్చరోరుగై కోన్  అంబర్గళ్ పాల్ ఆరప్ పెరుంతుయరే సెయ్తిడినుం తేరిల్ మెయ్న్నలమాం”….అనగా  సువాసన గల తామరలో కూర్చున్నపడతి అయిన   శ్రీమహాలక్ష్మికి యజమాని … శ్రీమన్నారాయణుడు , తన భకుల మేలు కోరి , వారి  ఆభాస బంధములన్ని తొలగి పోవుటకే కష్టాలను ఇస్తాడు . అది ఎలాగంటే….

పొఱుత్తఱ్కు అరిదు ఎనినుం మైందన్ ఉదఱ్ పుణ్ణై అఱుత్తఱ్కు ఇసై తాదై అఱ్ఱు…… తన ప్రియమైన  బిడ్డకు శరీరములో పుండు పుడితే , ఆ భాగమును కొసి చికిస్త చేయవలసి వచ్చింది. అభిమతించే తండ్రి చికిస్త చేయవద్దని అంటాడా? లేక చేయిస్తాడా? బిడ్ద తాత్కాలికముగా బాధ పడినా శాస్వతముగా రోగము నుండి విముక్తి పొందుతాడు అని కదా సంతోషిస్తాడు! అలాంటి తండ్రి వంటి వాడే శ్రీమన్నారాయణుడు అని అంటున్నారు.  తన భక్తుల కర్మను కాల్చి వేయడానికే వారికి పెను కష్టాల పాలు చేస్తాడు. అమ్మ కూడా ఈ పనిలో  స్వామికి సహకరించి తన బిడ్డలకు శాశ్వత సుఖాలనిస్తుంది.

అడియేన్ చూడామణి రామానుజ దాసి

మూలము: http://divyaprabandham.koyil.org/index.php/2015/02/gyana-saram-21-arap-perunthuyare/

పొందుపరిచిన స్థానము: http://divyaprabandham.koyil.org/

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org